عرض للطباعة
العربية صوتها عالى قوى فى صوت ونة وانا ماشى كشفت لقيت البلية الخلفية فى الضياع كلمت فتح الباب قالى السرة كلها بتتباع على بعض مع البلية بكام بقى .....تخيلوا كده ؟؟؟
ب 350 جنية الواحدة .....طبعاًغالية
المهم فكتها وغسلتها ببنزين وشحمتها وركبتها تانى بس الصوت لسه موجود ...سؤالى هل حد يعرف هى بتتباع لوحدها ولا لا ؟؟؟ وسعرها فى حدود كام ...
شكرااا
البليه الخلفيه بتتباع لوحدها ملهاش علاقه بالسره انت متأكد انك قلتله الخلفيه
السلام عليكم
يافندم انت ممكن تجيب الجنبين اللى ورا كاملين ب 250 ج استيراد والدنجول بالجنبين ب300 -350 بس السعر دا من سنه بالظبط 6 /2010 ممكن يكون زاد شوية
اقتباس:
المشاركة الأصلية كتبت بواسطة m.mostafa80
1111111111+
طبعا البلية بتتباع لوحدها
خلي الميكانيكي يفكها وخدها معاك لواحد بتاع بلي اساسا
ليها رقم بيبقي مكتوب علي الظرف بتاع البلية هو دة الرقم الي هتجيب علي اساسه ولو الرقم مش واضح بيقيس بالبوكليز ويديلك ظرف البلية علي المقاس بالظبط
والله المستعان
،
،
هات بليه خلفي و اكبسها عند خراط احسن ... عشان الجنب اللي عايز تجيبه
ممكن يكون في خشانه اصلا
بلية العجله الخلفية او الأمامية بتتباع لوحدها وكنت مغير الخلفية قبل كده في الابيزا ب 35 جنيه تقريبا جديدة و ركبتها و فضلت شغالة سنتين دون ادني مشكلة
وزي مقال الأخوة فوق البلية ليها رقم ممكن تفكها و تروح لأي واحد متخصص في البلي هتلاقيها عنده و أرخص بكتيييييييييييييير من محلات قطع الغيار
زي بالضبط كده لما رحت التوكيل لقيت اولسيل الفتيس ب 39 جنيه و اشتريته نفسه من عند محلات قطع الغيار ب 15 جنيه و برضه نفسه و اخوه بالضبط ونفس التصنيع من عند محل بيع اولسيهات اشتريته ب 2 جنيه و 5 جنيه
وقبل كده مغير اولسيل عمود الكامات (برضه للابيزا اللي كانت معايا) و شاريه برضه من محل اولسيهات ب 5 جنيه وهو عند محلات قطع الغيار ب 50 ونفس الماركة و التصنيع (تايواني)
شكرا لأجدع شباب ...
ولكن حد فكها أو اشتراها لوحدها قبل كده لانها عبارة عن جزئين جنب بعض ....
أنا هفكها وأروح عند بتاع البلى وأقوله عايز زى دى وربنا يسهلها بقى بس خايف مالقيش زيها ...
ومعروضه عليا إستيراد البلية بالسرة ب 175 ج ايه رأيكو ......
ده كلام فتح الباب :
البلية الخلفية بتاعت الموديل اللى قبل 2001 بتتباع لوحدها ولكن الموديل ده 2001 بتتباع بالسرة فقط....للاسف .
انا كل مرة بدخل على المنتدي دة بندم الف مرة على كل يوم عدى عليا مكنتش مشترك معاكو بجد شباب جميل متعاون ربنا يكرمكوا زي ما انتوا كرماء بمعلوماتكوا يا احلى رجالة
اقتباس:
المشاركة الأصلية كتبت بواسطة mohd7380
ماتقولش كدة
احنا كلنا هنا بنتعلم من بعض وبنرد الجميل للمنتدي الي عرفنا ببعض
لو حد فينا جاوبك علي معلومة فهو واثق ان في حد تاني هيرد عليه في سؤال ليه وهيعدل عليه ويقول الصح وكلنا بنستفاد من بعض
والله المستعان
،
،