عرض للطباعة
من فضل السادة الافاضل يدلونى على حد بتاع تكيف ممتازة للاوبل بتاعتى لحسن خلاص روحى حاتطلع منها و مش عاوز اوديها التوكيل لحسن فكرينا بنطبع لهم الفلوس فى البيت
المشكلة عندى انة بيسرب الشحن فة مسافة شهر و خايف اودية لحد يشتغلنى و يعملى فتح و نصبة وانا مش فاهم حاجة
فا لو تكرمتم علية لو حد يعرف واحد امين و كمان ودة الاهم شغلة نضيف جدا يدلنى علية و لكم جميعا الشكر
You can review that topic
http://www.nilemotors.net/Nile/showthread.php?t=16878
احمد باشا قلاوى هيرد عليك اكيد هو عنده خبره اكتر فى المواضيع دى
اسف احمد باشا مش عارف هو اسمك الاوى ولا قلاوى
في واحد اسمة حسني في جسر السويس امام فندق السلام عند اول مصطفي حافظ ... ده كويساقتباس:
المشاركة الأصلية كتبت بواسطة ADM
لكن يا ادم باشا انت تقلان علينا اوي كده ليه؟؟؟ ....انت مشترك من 10 شهور ولك 6 مشاركات بس
عاوزينك تنورنا باستمرار ... بلاش تقل ;)
بص ياريس انا أعرف 3
فيه واحد بيقولوا عليه جامد فى عابدين فين بالضبط مش عارف عشان مارحتلوش بنفسى
فيه واحد فى تريومف فى مصر الجديدة شكله فاهم بس مش هو اللى ضبط لى التكييف
فيه واحد اول ماشفته قلت عليه مايعرفش اى حاجة فى اى حاجة وهو ده بقى اللى ضبط لى التكييف
ده فى مدينة نصر أحمد فخرى
روح ديافيا فى كوبرى القبة
ناس محترمة جدا جدا بس غاليين شوية
ضمان على شحن الفريون لمدة شهر ( اول مرة اشوفها فى حياتى )
فى التوكيل دلوقتى عاملين خصم 15% على اى شغل فى التكيف
و انت هتدفع مرة واحدة و لو اشتكيت من حاجة ارجعلهم و خاليك محتفظ بفتورتك معاك.
محمد بك مختار..
ازي سعاتك.. يا رب تكون بخصر..
اولا.. انا اسمي احمد علاوي.. :)
اما فيما يخص موضوع التكييف ده.. الموضوع محير شوية..
التسريب ممكن يكون منين..؟؟
هي عربية سعاتك نوعها ايه الاول..؟؟
ممكن التسريب يكون من اي ماسورة مش من الكومبريسور نفسه.. صح..؟؟
اول حاجة هتشيك عليها ان المواسير نفسها متكونش منفسه.. و تكون سليمة..
بعد كده بقي الكومبريسور نفسه..
لو موضوع اويل سيل و الحاجات دي.. انا عن نفسي بصراحة.. اخاف اعمل حاجة زي كده فيه..
ليه؟ هاقولك.. الموضوع مش رخيص.. مكلف يعني.. ممكن ياخد حوالي 350 او اكتر زي ما الاخوة قالوا هنا.. و للأسف ممكن جدا انه ميتعملش صح و ميرجعش زي الاول تاني..
وبالتالي انت هتكون رميت فلوسك في الارض..
قدام سعاتك حل من 2.. يا اما تجيب كومبريسور تاني استيراد بس يكون من عند حد مضمون.. وواخد معاك حد كويس و شاطر قوي بيفهم فيهم.. و يجربهولك تمام..
يا اما تتوكل علي الله و تجيب واحد جديد زيرو.. و تشتري دماغك خالص.. معلش شرا الدماغ مش رخيص.. غالي شوية بس برضه يا اخي دي دماغك.. :) مش اي حاجة يعني و متسترخصش فيها.. :)
انا كنت باسألك علي موديل العربية عشنان اقولك علي اسعار مبدئية..
انا بصراحة ماعرفش ناس بتوع تكييف كتير.. بس اعرف انضف 2 في القاهرة..
واحد فيهم ديافيا الي واحد من الاخوة هنا مشكورا تكرم و قالك و نصحك بيه.. وده اللي بيعمل شغل التكييفات للعربيت الاوبل اللي بتتقفل في مصر..و ده في منتهي النضافة..
وو كمان في مقار.. بس دعه غسير مقار توكيل اوبل.. بس تبع نفس العيلة.. وليهم فرعين في مدينة نصر و فرع في المعادي اللاسلكي..
ديافيا:
17, Ismail Bek St., Kobry El-Qobba
Hadayek El-Qobba,Cairo, Cairo
Egypt
Phone : +20 2 22570850
Fax : +20 2 22570850(Tel & Fax)
ومقار:
25198167 المعادي
24011349 مدينة نصر
ماعرفش بصراخة صنايعيه بيشتغلوا ف الموضوع..
وربنا يوفقك يا باشا..
السادة الافاضل
انا متشكر جدا على المعلومات القيمة الى حضرتكم افدتونى بيها انا عربيتى فيكترا 95 2000 و عاملة 120000 بس و البقى حضرتكم عارفينة
انا كشفت عليها فى التوكيل ب 100 ج لانى مكنتش عاوز حد يلعب فيها بجهل و لما عرفت المشكلة و كانت فى مسورة و بلف الضغط العالى رو حت قطعتها و ركبتها كلها الومنيوم و بلف جديد كلفتنى بلبلف 90 ج و بعد كدة اشتريت فريون من شارع الريحانى 1000 جرام ب 50 ج و شحنتة عد اى حد ب 15 ج
والحمد الله زى الفل لان
استاذ احمد ابراهيم - تحياتى لحضرتك
انا مش تقلان ولا حاجة مل ما فى الموضوع انى بتابع بستمرار و بستفيد من كم امعلومات المتاحة من كل الاعضاء مشكورين طبعا على مجهودهم و مكنش عندى اى اضافة
لكن فى المقابل لو حد محتاج اى معلومة فى حدود الاوبل الا 2000 سى سى 95 انا عربيتى عندى من 3 سنين و عارفها تمام و مستعد افيد بمعلوماتى دائما و انا تحت الامر
شكرا لكل الاخوة الافاضل
أنا مش مصدق إن حد قدر يتغلب على التكييف العنيد المقاوم للإصلاح ...يا ريت يا أستاذ adm تقولنا أنتا كشفت في أنهى توكيل؟ عشان أنا محتاس فى التكييف ده و مش عارف أصلحه كل لما أشخنه الفريون يهرب مع إننا بكشف عليه...
فى واحد ممتااااااااز جداً انا بتعامل معاه
وبيشتغل فى بي ام ومرسيدس وما شاء الله عارف خبايا 3/4 العربيات
ده فى العجوزة فى عمارات الاعلام ورا مسرح البالون عند يوسف موتورز
بس انت روح هناك وسأل اى حد على بتاع التكييف اللى هنا فين
تقريباً اسمه " سندس "
وياريت برضه تقول لنا على المكان اللى عملت فيه التكييف !
سيدى الفاضل الاول اكشف على التكيف فى مكان محترم و اقترح يكون الوكيل او مقار و لما تعرف العيب بالتحديد حايكون الحل سهل لانك حا تقول الاى صنيع عاوز اعمل كذا و كذا فقطاقتباس:
المشاركة الأصلية كتبت بواسطة bluegene
ممكن يكون العيب فى الشجرة وخصوصا لانها قديمة و كمان فى الكباس ممكن يكون فى ترشيح زيت او الكويل كان من الاماكن الى الواحد مش بيحس بيها
لكن لو كان فى الشجرة يكون الاسهل انك نقص و تضغط خراطيم جديدة - ولما تتأكد ان الضغط اصبح ثابت ابقى اشحن
و بمناسبة الشحن اشترى ارخص من شارع الريحانى العبوة ال1000 جم و اشحنها بمعرفتك عند اى حد ب 10 - 15 ج
ارجو انى اكون واضح و مفيد
وشكرا
يا ريت يا جميل تفدنى بكل المعلومات الى تعرفها عن اوبل 95 /2000 / اوتو لانى شريها من شهرين بس معرفش عنها حاجه خالص ويريت تدلنى على حد كؤيس للفتيس ال اوتو عشلن فيه عطل كبير عندى والعربيه وافا تحت البيت بقلها شهر ولو شفتها حتقول عليها لسه طلعه من تحت الردم
ههههههههههههههههههههههههه مشكوووووووووووووووووووررر ررررر
طيب بخبرتك يا باشا عايز اجيبلها مخدعين ورا و الشبكة اللى فى نص فوانيس الأشارة ورار استيراد اجيبهم منين و بسعر حلو عشان مش عايز اركب تايوانى و سايب الصلى مكسورين و شكلهم بقى مش لذيذ
و ازاز كهرباء بالزراير الأصلية
و مرايات كهرباء
انا معايا فيكترا 1995 مانيوال 2000 سى سى
الأخوه الأعزاء
عندى مشكلة فى العربيه الأوبل موديل1995 1600سىسى( 1) الموبينا و البلأطة بتاعت الكهرباء كل شويا لمبة التشك تنور ثم تنطفى واحيانا تنور فى المشى ثم اركن ثم اطفى العربيه ثم ادورها مرة اخرى نفسى اعرف المشكلة ايه بالطبط( 2) ونفسى فى كهربائىى كويس للعربيه (3) هل التكييف مشكلة فى الأوبل مستمرة والأخ احمد هل الرجل بتاع التكييف كويس ارجوا افادتى بسرعه جداجدا
السلام عليكماقتباس:
المشاركة الأصلية كتبت بواسطة adm
نوعه ايه الفريون ابو 50 جنيه ده اللى اعرفه ان ده فريون 12 مش 134 و ده مينفعش للفيكترا و انا عندى مشكله تانى حساس الضغط العالى اللى فى الكباس بيعلق و يفتح بمزاجة و يقفل بمزاجة و يخلى التكييف يعلى و يوطى براحتة و ياريت تقولى على بتاع التكييفات بتاعك
اتمنى انها تتحلل مشكلتك دي وربنا معاك
شكرا يا أحمد على العناوين .. أنا رحت لديافيا وقلتلهم ان الكومبريسور بايظ .. قالولي لازم تغير الاتي :اقتباس:
المشاركة الأصلية كتبت بواسطة Ahmad Allawy
- كومبريسور جديد ضمان سنة بـ 2650 جنيه
- فلتر بـ 440
- اكسبانشن بار بـ 440
- تنظيف دائرة + شحن فريون + مصنعية = 880
يعني الاجمالي 4410 جنيه ... :stink[1]::stink[1]:
اتصلت بمقار وسألت المهندس اللي هناك قالي :
- الكومبريسور كوري ضمان سنة بـ 2450
- أوعى تغير الاكسبانشن بار علشان الاصلي مايتعوضش
- فلتر بـ 350
-شحن وتنظيف ومصنعيات 450
يعني الاجمالي 3250 جنيه
تنصحني أروح لمين ؟؟ ايهما أفضل بصراحة بتوع ديافيا حرا.... (غاليين جدااا)
محمد عيد اللى الأخ كتب عنه ده أحسن واحد ممكن يشتغلك رحت له السنة اللى فاتت كل اللى عمله انه زود لى فريون بخمسين جنيه بعد ما الصنايعي عمل انه بيكشف على التسريب و هو ما بيكشفش يا اما ممكن يكون مش صنايعي المهم وصلت المنيل كان التبريد انتهى رجعت له قاللى تبقى عايز كمبرسور !!! هاظبط لك واحد استيراد بالفين جنيه !!!! رحت لأحمد عبدالراضي غير لي حساس و بلف و التكييف اشتغل ممتاز.اقتباس:
المشاركة الأصلية كتبت بواسطة HeMa1981
نقول ايه غير حسبنا الله على عدماة الضمير.
[marq="6;up;1;alternate"]
السبت 22 جمادى الأولى 1430
[/marq]
[ALIGN=CENTER][TABLE....="width:70%;"][CELL="filter:;"][ALIGN=center]
بارك الله فيك
[/ALIGN][/CELL][/TABLE....][/ALIGN]
ياجماعة انا ناوى نا شاء الله اشترى عربية مستعملة وبفكر فى حاجتين هما التويوتا 99 وا الفيكترا 2000 او 2001 و اللانسر 2000....
بس انا لسة جديد فى العربيات و مش حمل مشاكل كتير وطبعا فلوس... وهما تقريبا فى نفس السعر ... وطبعا انا سمعت ان الأوبل قطع غيارها غالية وتقيلة فى بيعها و انا رحت السوق فعلا ودخلت دماغى بس مقلق منها خصوص ان انا عايز ابيعها كمان سنتين
يريت يا جماعة حد يدلنى ياولاد الحلال
خليك فى التويوتا و اللانسر اسهل فى البيع و قطع الغيار و لكن لا يوجد وجة مقارنة قى الثبات و الموتور و قوة صاج العربية و اكيد سعرهم مش قريب من بعض قوى زى ما انا متخيل
شوف يا باشا..
التويوتا و اللانسر.. عربيات كويسة طبعا محدش يقدر يقول حاجة.. بس دي عربيات بالنسبة للأوبل.. عربيات تمشي بيها جوة البلد بالراحة كده.. و تشغل التكييف و تدلع نفسك.. لكن تجري.. (و باكرر بالنسبة للأوبل) مش هتكون مطمن قوي و انت بتجري بيها..
في اعادة البيع.. اكيد اللانسر اول واحدة.. و بعدها التويوتا و الموديل ده مش سهل قوي ف البيع كمان عشان مش محبوب.. و بعدين في الاخر الاوبل.. (للأسف و مش فاهم ايه اللي وقع سوقها بالطريقة دي)
لو قارنت العربيات التلاتة.. هتلاقي ان الاوبل علي الاقل هتكون 1600 و التانيين 1300 و استهلاك البنزين متقارب.. الا لو الفيكترا 2000 فدي استهلاكها عالي شوية
قطع الغيار مش غالية قوي زي ما انت متخيل.. يعني لو قارنتها باللانسر.. ممكن تلاقي في حاجات للفيكترا ارخص و بكتير كمان..
و علي اقصي تقدير.. هتكون الاسعار قريبة قوي و شبه متساوية..
ميزة الاوبل عنهم.. ثبات رهيب.. و شياكة ووسع.. لكن ميزتهم عنها.. تكييف احسن.. و سهولة ف البيع
وبعدين هاقولك حاجة.. هل انت متخيل ان سعر الاوبل ممكن ينزل عن كده..؟؟
اصله هينزل يروح فين..؟؟ يعني هتشتريها ب 55 مثلا.. هتبيعها بعد سنتين بكام..؟؟ 45؟ مستحيل..
انا في رأيي انها جابت اخرها ف النزول كده خلاص..
و مش بعيد الاسعار تعلي تاني لما شركة اوبل تتباع لشريك قوي.. و تنزل تكسر السوق تاني.. و ده انا متوقعه في خلال فترة بسيطة..
شوف انت بقي احتياجاتك ايه ف العربية اللي هتجيبها.. يعني وسع و جري و ثبات.. يبقي الاوبل و انت مغمض..
لو عايز تركب و خلاص.. و تكييف قوي جدا و بس كده.. يبقي الكورولا او اللانسر..
الله ينور عليك يا احمد يا علاوى شرح مستفيض و مكثف
____________________________________
تم حذف المشاركة لتكرارها في موضوع اخر و في موضوع مستقل
تم الرد علي السؤال في موضوع الخطوات اللازم اتباعها بعد شراء اوبل مستعملة
تم حذف الموضوع المستقل
مشرف القسم
يا جماعة صباح الخير الاول
انا عضو جديد في جروب الاوبل وانا اشتريت اوبل 2002 من حوالي شهر والعربية زي الفل ماشاء الله عليها مفيش عربية تانية تقدر تنافسها بس برضوا عندي مشكلة التكييف ورحت شحن الفيريون وفضي بعدها باسبوع، وهنا انا قريت كل مشاركات السادة الزملاء في هذا الموضوع بس بصراحة زعلان شوية من البعتات دية يعني بعد كل دة ملقتش رد علي مين احسن واحد يصلح لي التكييف بتاعي، انا تعبت من الموضوع دة وبصراحة معنديش استعداد في الوقت الحالي اني ارفي فلوس في الارض علي الفاضي.
برجاء المساعدة الجادية في ايجاد حل لتصليح التكييف وشكرا.
ربنا معاك و انشاء الله تتصلح
انا بفكر فشراء فيكترا بس بعد كميه الشكاوي الغير عاديه الي شوفتها هنا انا دلوقتي متردد جدا و مبيتهيئليش حدخل العصابه :(
اقتباس:
المشاركة الأصلية كتبت بواسطة ahmad allawy
فالأول عايز أشكرك على الإفاده يا باشا بس انا لازم اقولك مع ان الياباني عموما لا يضاهى بالألماني في الثبات بس مش بطال بردو يعني مثلا اللانسر الكريستاله ثباتها معروف جدا و تضاهي عربيات في فئات أعلى كتير عن تجارب العديد من الأعضاء و السحب مش بطال مع انها 1300 ففي النهايه الياباني بردو كويس على الطرق السريعه و ناعم جدا عن تجربه شخصيه لأكتر من عربيه ياباني
ديافيا فى كوبرى القبة هتدفع شوية بس ناس فاهمة بتعمل ايةاقتباس:
المشاركة الأصلية كتبت بواسطة masaad
+111111111111111111اقتباس:
المشاركة الأصلية كتبت بواسطة eng\ahmed
و انا معاك بس التسريب الأول منين من الشجره و لا الكباس و لا الكويل و السربنتينه و الموضوع كبير
جزاكم الله خيراً. على هذه المعلومات القيمة.
وأرجو من الجميع أن يدعو لى فإنى مقبل على شراء أوبل فكترا إن شاء الله تعالى ولله الحمد والمنة.
ربنا يوفقك ومستنين التقرير
على بركة الله ربنا يوفقك
انا معايا فيكترا 95 2000 سي سي ولما بشغل التكيف الحرارة بتوصل 100 ومن غير 97 اعمل اية لو ممكن تكلمني نمرتي 01008696228
عالى قوىاقتباس:
المشاركة الأصلية كتبت بواسطة hassan0100
المراوح اخبارها ايه
و ايه الشغل اللى عملته فى دورة التبريد
وجود ترموستات الكوعه من عدمه
اتأكد ان الفريون عندك مش زيادهاقتباس:
المشاركة الأصلية كتبت بواسطة hassan0100
وخلي كهربائي كويس يشغلك المراوح علي السرعه التانيه مع التكييف مباشره