من غير ما اطول عليكم . انا بيحصل معايا احيان كتير ان العربيه ترجرج وانا بلف الدريكسيون والعربيه دايره وواقفه . فى حد حصل معاه كده ؟ وايه السبب؟ وشكرا
عرض للطباعة
من غير ما اطول عليكم . انا بيحصل معايا احيان كتير ان العربيه ترجرج وانا بلف الدريكسيون والعربيه دايره وواقفه . فى حد حصل معاه كده ؟ وايه السبب؟ وشكرا
اه حصل معايا ولسة بيحصل
وكنت عامل موضوع مخصوص للحركة ده عشان انا مستغرب وكنت خايف تكون علبة دركسيون لاقدر الله
وانا لسة عامل 18000 كيلو
لما وصلت لل20000 ورحت الصيانة في العبور , سألت المهندس عليها وقالي : ده عيب عام في اللوجان ( بلاش كلمة عيب )
هوه قاصد يقول حركة عامة , ودخل العربية وعملهالي بنفسة كأنه فعلا عارفها
وقالي : والله احنا بعتنا لرينو الأم وبعتولنا علبة باور جديدة ونفس المشكلة برده
وقالي متقلقش منها ولو ممكن تأثر على اي حاجة انت في الضمان متقلقش
بس لو لاقدر الله ممكن تأثر فعلا على اي حاجة , حتى لو اتحلت في الضمان لازم منسكتش لأن بعد خروج السيارة
من الضمان هتبقى مشكلة .
متابع ومهتم جدا
انا الحمد لله مش حاسس بيها
يمكن العربيه لسه بارده شويه فبتحس بالرجه دية
جربكده بعد لما تسخن
هى بتعمل معاك كده و انت دايس على الفرامل؟؟؟؟؟
بجد انا بردوا بتحصل معايا من زمان و انا عامل دلوقتي 40000 كيلو و لسه الصوت ده موجود مع الدوران اكيد كده كل الناس يبقى العيب مش فينا احنا ........
الموضوع ده حصل معايا بتاع 5 او 6 مرات قبل كدة على فترات متباعدة و مش عارف مربوطة بحاجة ولا لأ و لما قلتلهم عليها قالولي وريهالنا و طبعا مش عارف اوريهالهم ازاي
الخوف ان ده يكون مشكلى هتكبر مع الوقت بمعنى انها ممكن تكون مشكله بعد ما العربيه تخرج من الضمان خصوصا ان عمر العربيات اللى موجوده من النوع المغربى مايزيدش عن سنتين. ربنا يستر . احنا المفروض نثير الموضوع ده فى الصيانه الجايه عشان يهتموا.او على الاقل يقدمولنا حل مفيد يطمنا
لو العيب دا بيظهر اثناء اللف او الدوران مع الثبات من غير ضغط فرامل او بنزبن او دبرياج يبقى علبة دركسيون وباور
اما لو عيب الرجرجة بيظهر اثناء مع ضغط البنزبن والدبرياج او تعشيق الغيارات خصوصا الاول والتاني وبالذات في المواقف المحتاجة عزم للطلوع يبقى خلوص دواسة الدبرياج عايز يتزبط او السواق مابيزبطش رجله حلو
وممكن تكون الحدافة او الفولام محتاج صنفره ودا يبان في مطالع الكباري بالاضافة الى الكشف على قواعد الفتيس والماتور يعملو نفس العيب
لو العيب دا بيظهر عند الفرامل بس يتراجع على الفرامل بالذات الماستر والسوست بتاعته ضيفوا على كدا ان صواميل العجل لو مش متربطه كويس او بشكل غير مزبوط ممكن تكون سبب كمان الترصيص الغير مزبوط
فيه ناس كتير برضه معندهاش الرجرجه دى خالص وانا منهم يبقى مش عيب عام وياريت اللى بيشتكى منه ما يسبشى التوكيل ويزن عليهم لغايه ما يظبطوها
يا جماعة أنا ماكنشى عندى الرجرجة دى بس مره روحت مشوار كله مطبات و محمل العربية ناس ففجأة لاقيت العربية بتترج لما بهدى و أشيل رجللى من عالبنزين و أحمل دبرياج و فرامل وكمان بلاقى ال rpm وصلت لأول شرطة يعنى 100 فبحس أن العربية هتبطل منى....مع العلم أن العربية عاملة 9900 كم ورايح أعمل صيانة ال10000 كم بكرة............أرجو سرعة الرد و الإفادة