عالم تقسيط السيارات الزيرو
الى كل من يهمة شراء سيارة زيرو جديدة ومش عارف اية المطلوب بالظبط وخايف انة يضحك علية من معرض سيارات وخلافة
اولا القاعدة الاساسية فى شراء السيارة الزيرو انك تكون محدد نوع عربية معين انت عايز تشترية او تكون عامل ميزانية لسعر العربية وبتفاضل بين كذا نوع وماركة وممكن جدا تكون عندك معلومة خطاء بالنسبة للسيارة اللى ناوى تشتريها ويكون هناك بديل افضل
بالذات انة كتير جدا من المشتريين لا تو جد عندة المعلومة الكافية بالنسبة لبلد تجميع السيارة او الموديل فمثلا هناك من يعتقد ان الهيونداى i 10 تجميع كورى ولكن فى حقيقة الامر هى تجميع هندى وكذلك الماروتى والالتوا وتوجد انواع من التويوتا تجميع جنوب افريقى وهناك اخر تجميع يابانى اصلى وتوجد بعض الانواع تجميع محلى يعنى بتتقفل وتتجمع فى خط الانتاج فى المصانع المصرية وهذا لي معناة ان السيارات التى تجمع خارج بلادها سيئة ولكن هناك عدة اعتبارات لذلك من رخص الايدى العاملة فمرتب العامل الهندى مثلا ارخص كثيرا من الالمانى و اليابانى كذلك تتعاقد الشركات الكبرى مع بعض الشركات الاخرى لتجميع القطع الالكترونية من يونيت وكمبيوتر وسوفت وير السيارة وهكذا
ثانيا يجب ان تتأكد من سعر السيارة المعلن او الرسمى وذلك الذى يحددة وكيل السيارة فى مصر مثلا لو هيونداى بانواعة هيبقى سعر غبور ولو شيفرولية يبقى منصور وهكذا
توجد بعض الفروق فى الاسعار بنسبة ضئيلة من 500 الى 1000 بين بعض المعارض وبعضها البعض ولكن لايصل الى 2000 مثلا
نيجى بقى لنظام التقسيط البنكى
بوجة عام البنك عشان يطلع لسيادتك تمويل او قرض سيارة لازم يبقى متاكد انك هاتعرف تسدد الاقساط مش مجرد انك هاتدفع مقدم وخلاص ودة بيتحسب على اساس سيادك بتشتغل اية ومرتبك كام وهل كنت واخد قرض قبل كدة من اى بنك ام لا لان كل دة بيظهر فى ملفك الائتمانى لو كنت واخد قبل كدة حاجة من البنك من كروت فيزا او قروض ولا لا وبيتم الكشف علية من خلال الرقم القومى لانة كلة دلوقتى مرتبط بالبنك المركزى من خلال نت وورك واحد فاول مات كون مقدم على قرض سيارة او قرض شخصى من اى بنك بيكشف على الرقم القومى يقوم ظاهر كل شىء عن سيادتك على الكمبيوتر وبناء علية بيقيمك ولو كان مافيش مشكلة ومنتظم فى سداد
يبقى تمام ويبتدى كدة ينزل ويعمل استعلام عن الشغل والسكن للتاكد انك فعلا مقيم فى العنوان وبتشتغل فى المكان اما لو فية مشكلة عندك مش هاينزل استعلام اصلا وها يبلغ المعرض برفض العميل
ولذلك حذارى من مكاتب السيارات تحت السلم واللى بتعمل اعلانات وتقولك هانسلمك عربية حتى لو عندك مشاكل او اللى تدفعة ياباشا والى اخرة من اساليب النصب
فية حاجة كمان لازم نبقى عارفينها ان كل بنك ولية عدة انظمة معينة فى اسلوب التقسيط من سعر فائدة ومدة التقسيط وبرنامج التقسيط المناسب ليك تقدر كدة تعتبرها زى مجموعة انظمة تناسب جميع الفئات
لان بطبيعة الحال الللى بيشتغل قطاع خاص غير القطاع العام غير ربة المنزل غير الشخص اللى بيقبض 1000 ج غير اللى بيقبض 5000 ج غير اللى على المعاش وهكذا
كل واحد ولية البرنامج الخاص بية واللى يناسبة عشان كدة هتلاقى مسؤول المبيعات فى المعرض بيسألك حضرتك بتشتغل اية وساكن فين وكنت واخد قبل كدة قرض او عندك فيزا هو مش يقصد يحقق معاك لكن هو عايز يعرف انت تنفع تدخل فى نظام تقسيط نوعة اية و بنك اية لانة بيتعامل مع اكثر من بنك وهكذا واتمنى اكون افدتكم ولو قليلا