بفكر انقل القاهره

**shaddadfalcon1** · 05-07-2011 06:03 PM

انا الحمد لله شغال في الأسكندريه بقالي 5 سنين وشركتي اصلها في القاهره وهي اكبر بكتيير طبعا من الأسكندريه يعني في القاهره معديه ال 600 واحد لكن في الاسكندريه ميكملوش 40 واحد وطبعا الخبره والمشاريع اقل بكتيير من القاهره
المهم انا شغال مع ناس من القاهره وانا في الأسكندريه بس الموضوع رخم يعني مش بتعلم كتيير وكل شويه اتصالات وبتاع ومن ساعة مااترقين وانا مليش شغل كتيير في فرع الأسكندريه عشان شغلي اصلا محتاج مشاريع كتيير لاني Technical Architect والمفروض اني ادخل المشروع اعمله تصميم واروح لمشروع تاني وطبعا في الأسكندريه فين وفين علي مامشروع جديد ييجي
ده غير ان طبعا بشتغل مع نفس الناس وهما اصلا مش كتيير فمش باخد خبره كبيره

المهم دلوقتي الناس في القاهره عايزيني اروح هناك وكل شويه بروح كام يوم القاهره وارجع تاني والمدير بتاعي كان بيقولي عايزك تيجي سنه هنا بس في مدير تاني مش راضي وقال اروح شهر ولا اتنين واكمل من الكس

دلوقتي انا عايز اروح هناك بس مش عايزها تتجي مني عشان لما يبقي هما اللي عايزين ساعتها هيتحملو مصاريف السكن وممكن يدوني بدلات او علي الأقل يبقي السكن بس

انتو ايه رايكم؟ علما بان في القاهره خبره احسن والمرتب غالبا هيبقي احسن لان لما تبقي متميز في وسط 20 واحد مش زي 500 واحد واللي اعرفه هناك ان الناس الكويسه بتبقي متظبطه علي الأخر عشان متمشيش

انا عارف طبعا الزحمه والقرف بس انا مش بخرج خالص الا في اضيق الحدود ودايما ببقي قاعد في البيت ولو هاخد شقه هناك هيبقي في مكان قريب وطريقه سالك للمنطقه الحره

**waelfarid** · 05-07-2011 06:11 PM

استخارة دي رقم واحد
نمرة اتنين ادرس الموضوع من كل جوانبه الاول وممكن الزيادة تتصرف زي الحلاوة مثال ممكن تكون في مكان وبتقبض 10 قروش ومكفيينك زي الفل تروح مكان تاني تاخد فيه 50قرش لكن ممكن يكون المناخ بتاعه متعب ومصاريفك تزيد عن ال50 او تخليك تتهور وتتجوز تاني وتجر عليك مشاكل واللي يعيش في الدنيا ياما يشوف واللي يلف يشوف اكتر وطبعا هياخد خبرة من اللف وربنا يعملك اللي فيه الخير

**wesam_salom** · 05-07-2011 06:16 PM

احسب الموضوع من كل الجوانب
الموضوع مش مرتب او ترقيه او خبره وبس
الموضوع انتقال كامل بالاسره والابناء
وبعد عن اهلك وده هيبقى اصعب انك تزورهم ومتقولش هروح كل خميس وجمعه لانها هتوصل انك تروح فى الاعياد وممكن ميحصلش
ده مش هيبقى معاك لوحدك ده هيبقى مع زوجتك كمان وده هياثر على علاقه اولادك مع اهلهم
ومتفكرش انك ممكن فى يوم هتقدر ترجع تانى
القاهره زى النداهه اللى بيروحها مبيرجعش تانى

**fourseasons** · 05-07-2011 06:30 PM

.................
............................
.......................................
.................................................. ..

يرجى عدم كتابة اللغة العربية بحروف انجليزية حيث ان هذا يعتبر مخالف للقاعدة رقم (6) بند (ب). سيتم حذف المشاركة.

يرجى مراجعة قوانين المنتدى.

مشـرف الاجتمـاعي.
3 ب

6/7/2011
11:50pm

**shaddadfalcon1** · 05-07-2011 06:53 PM

انا اساسا مش من الاسكندريه انا من كفر الدوار وساكن في الأسكندريه وكده كده بروح لاهلي كل اسبوع واللي ممكن يتغير اني لما اروح القاهره اروحلهم كل اسبوعين عشان المشورا مش اكتر

انا كليتي كانت في القاهره وفضلت فيها 4 سنين فمبدايا انا متعود علي الجو بتاعها

**shaddadfalcon1** · 05-07-2011 06:53 PM

المشاركة الأصلية كتبت بواسطة fourseasons

.............
..............................
.........................................

انا برده متزوج وعندي عيلين

**human** · 05-07-2011 07:44 PM

القاهرة اغلى بكتير
مصاريف كتير و الحياة نفسها مكلفه
لو مستريح فى اسكندريه يبقى احسبها تانى

المرتب فى القاهره ممكن يكون الضعف و تلاقيه مش مكفى

انا ليا قرايب فى بورسعيد لما بروح هناك بحس كل حاجه رخيص

كيلو الموز بتلاته جنيه و انا بشتريه هنا ب 7
ده مثال

بس فى الاخر

experience worth more than money

**MaZaGAngeE** · 05-07-2011 07:44 PM

المشاركة الأصلية كتبت بواسطة shaddadfalcon1

انا الحمد لله شغال في الأسكندريه بقالي 5 سنين وشركتي اصلها في القاهره وهي اكبر بكتيير طبعا من الأسكندريه يعني في القاهره معديه ال 600 واحد لكن في الاسكندريه ميكملوش 40 واحد وطبعا الخبره والمشاريع اقل بكتيير من القاهره
المهم انا شغال مع ناس من القاهره وانا في الأسكندريه بس الموضوع رخم يعني مش بتعلم كتيير وكل شويه اتصالات وبتاع ومن ساعة مااترقين وانا مليش شغل كتيير في فرع الأسكندريه عشان شغلي اصلا محتاج مشاريع كتيير لاني technical architect والمفروض اني ادخل المشروع اعمله تصميم واروح لمشروع تاني وطبعا في الأسكندريه فين وفين علي مامشروع جديد ييجي
ده غير ان طبعا بشتغل مع نفس الناس وهما اصلا مش كتيير فمش باخد خبره كبيره

المهم دلوقتي الناس في القاهره عايزيني اروح هناك وكل شويه بروح كام يوم القاهره وارجع تاني والمدير بتاعي كان بيقولي عايزك تيجي سنه هنا بس في مدير تاني مش راضي وقال اروح شهر ولا اتنين واكمل من الكس

دلوقتي انا عايز اروح هناك بس مش عايزها تتجي مني عشان لما يبقي هما اللي عايزين ساعتها هيتحملو مصاريف السكن وممكن يدوني بدلات او علي الأقل يبقي السكن بس

انتو ايه رايكم؟ علما بان في القاهره خبره احسن والمرتب غالبا هيبقي احسن لان لما تبقي متميز في وسط 20 واحد مش زي 500 واحد واللي اعرفه هناك ان الناس الكويسه بتبقي متظبطه علي الأخر عشان متمشيش

انا عارف طبعا الزحمه والقرف بس انا مش بخرج خالص الا في اضيق الحدود ودايما ببقي قاعد في البيت ولو هاخد شقه هناك هيبقي في مكان قريب وطريقه سالك للمنطقه الحره

انا اشتغلت و عشت في اسكندرية و القاهرة
فرق رهيب جدا في الأسعار على أقل تقدير الضعف في كل حاجة

لو هتيجي مصر يبقى لازم قبل ما تتحرك يتعملك تعديل مرتب أو تاخد بدل سكن و ده أقل حاجة

موضوع الخبرة ده في الهجايص و عشان المدير ده يثبتك بالأونطة ..... الشغل كله زي بعضه و الفرق بس بتكون في شوية تفاصيل صغيرة هيه اللي بتفرق مشروع عن التاني و دي بتيجي انك بتراجع المواصفات اللي متحددة في العقد بين المالك و بين الاستشاري و المقاول و بعد كده بتراجع تفاصيل المواصفة ...............
الكلام ده هجايص و تلاقيهم مزنوقين في مهندس و مش عايزين يجيبوا حد جديد و فكروا انه ارخصلهم ينقلوك من اسكندرية لمصر و اهه تبقى انت واخدها ترقية و مفيش فلوس يا زميل

نصيحة مجرب ارفض الا لو هتزيد على الأقل 1500 جنيه فرق السكن

**shaddadfalcon1** · 06-07-2011 12:51 AM

المشاركة الأصلية كتبت بواسطة mazagangee

انا اشتغلت و عشت في اسكندرية و القاهرة
فرق رهيب جدا في الأسعار على أقل تقدير الضعف في كل حاجة

لو هتيجي مصر يبقى لازم قبل ما تتحرك يتعملك تعديل مرتب أو تاخد بدل سكن و ده أقل حاجة

موضوع الخبرة ده في الهجايص و عشان المدير ده يثبتك بالأونطة ..... الشغل كله زي بعضه و الفرق بس بتكون في شوية تفاصيل صغيرة هيه اللي بتفرق مشروع عن التاني و دي بتيجي انك بتراجع المواصفات اللي متحددة في العقد بين المالك و بين الاستشاري و المقاول و بعد كده بتراجع تفاصيل المواصفة ...............
الكلام ده هجايص و تلاقيهم مزنوقين في مهندس و مش عايزين يجيبوا حد جديد و فكروا انه ارخصلهم ينقلوك من اسكندرية لمصر و اهه تبقى انت واخدها ترقية و مفيش فلوس يا زميل

نصيحة مجرب ارفض الا لو هتزيد على الأقل 1500 جنيه فرق السكن

مش مزنوقين ولا حاجه في حد دي الشركه فيها اكتر من 600 موظف اكيد مش هتقف عليا وفي فعلا فرق خبره مهول لان في الأسكندريه مثلا في مشروع كبير بقاله اكتر من 6 سنين ومفيش غيره يعني نفسي الكود اللي بشوفه ونفسي البنزنس ونفس الناس والمديرين وكل حاجه يعني مفيش اي خبره
في فرع القاهره كل شهر مشاريع جديده مش مشروع وناس جديده وناس بتروح وناس بتمشي ومبني كبير للشركه مش زي الشقه اللي في عماره

انا فعلا لو هروح هناك يبقي لازم يبقي في تعديل في المرتب او علي الأقل هما هياجرو ليا شقه مفروشه مثلا وكده كده هما عايزيني ال 3 اسابيع اللي جايين وبعد كده عايزيني سنه كامله وطبعا علي حسابهم
جايز اجرب الأول واشوف ايه النظام

بالنسبه لموضوع التكلفه هو مش الأكل وخلاص؟ وده حاجه من كارفور ولا فتح الله يعني الفرق مش هيبقي لدرجة الضعف متهيالي

**n_i_t_e** · 06-07-2011 11:07 AM

أنا أشتغلت فى القاهرة سنة أخدت فيهم خبرة كويسة و رجعت أسكندرية من 3 سنين بخشونة فى غضاريف الركبة متعالجتش منها لحد دلوقت.
من ساعتها و أنا حاطط أدامى سكوب.

أشتغل فى القاهرة ماشي بس أخد حقى و أبقى راضى بالمرتب مقابل العيشة هناك اللي مفيهاش أهل و لا سكينة و لا حتى فسح.

حتى لما شركة طلبتنى هناك و كانت كويسة أوي طلبت مرتب كويس و مهتمتش لما متصلوش تانى. أنا معنديش أستعداد أشتغل تانى هناك ببلاش و أصرف اللى حوشته على صحتى.

مبدأ الخبرة أوك مهم بس أنا شايف لما تبقى خبرتى قليلة و سعيد أحسن من خبرة كويسة و تعيس.

الموضوع: بفكر انقل القاهره

LinkBack

أدوات الموضوع

عرض

-

-

-

-

-

المواضيع المتشابهه

اخوكم من قسم ميتسوبيشي و بفكر انقل لنيسان

من القاهره الى دمياط الى القاهره

انقل على كام

عاوز انقل الملكية و اجدد الرخصة و انقل المرور ..

الكلمات الدلالية لهذا الموضوع

المفضلات

المفضلات

ضوابط المشاركة