الموضوع: Hyundai volester

المشاركة الأصلية كتبت بواسطة sab3aawy

هو كل دة كلام جميل ومبهر فعلا والعربية شكلها غير عادى

لكن فى الحقيقة انا مش فاهم ايه ميزة اختراع ال3 باب ده غير ان هيونداى تعمل حاجة تتكتب انها اول حد عملها حتى لو كانت حاجة مالهاش لازمة ، وبرضه مش فاهم ايه سبب الاعجاب بكون العربية 3 باب(انا مش بعيب فى العربية ، انا بعيدا عن موضوع ال 3 باب اللى شايفه مالهوش اى معنى ده انا معجب بالعربية جدا) ، فياريت لو فيه ميزة خفية فى قصة ال 3 باب دى حد يشرحهالى، ويشرحلى اية اللى كنات العربية هتنقصه لو كانت 2 باب كبار زى باب السائق، او اربعة باب صغيرين زى البابين اليمين، خاصة وأن حكاية ان الباب الأمامى اليمين صغير دى والشمال كبير وما ادى ايه ذلك من ان قوائم النص بتاعة العربية مش قصاد بعض(حد خد باله من الحكاية دى) مخلية منظر العربية-من وجهة نظرى-مش متناسق نهائيا، ده حتى رسمة الباب الشمال مش زى اليمين، يعنى من الآخر تحسها عربية كوبية من الشمال وسيدان من اليمين. مش عارف، مسألة مش مريحة للعين(عينى انا على الأقل، ده مجرد رأى والأذاوق تختلف)، عموما لو فية ميزة للموضوع ده ياريت حد يشرحهالى

هى العربيه شكلها جامد جدا وأول ما شفتها قارنتها بالشروكو و موضوع التلاته باب ده فى رأيى أنفراد و ميزه لذيذه و تصميم الباب حلو و هى فى الاخر برضوا زى ما أنت قلت أذواق فى اللى هتعجبه وفى اللى مش هتعجبه

المشاركة الأصلية كتبت بواسطة memo823000

كلام مظبوط 100%
يعنى انا بعشق الشيروكو فى الشكل والتوازن بالجنوط العريضه
ولكن كنت دايما بعيب على العربيه انها كوبيه يعنى على طول الكراسى الاماميه بتتنى واللى قاعد ورا محبوس وينزل اللى قدامه ويوطى والجو ده ولو واحد كبير فى السن الموضوع هيبقى طعب ومقرف او لو فى طريق زحمه وحبيت تركب واحد تالت صعبه جدا لان هتنزل واحد وتركب واحد يعنى الموضوع رخم
لاكن هيونداى بالعبقرية بتعتها صممت العربيه تصميم كوبيه وسقف بانوراما وشبابى وسبورتس من الدرجه الاولى
وقامت حطه فى الحسبان راحة الراكب الخلفى والامامى كمان لان فى الكوبيه الراكب الامامى والخلفى بيتقرف
فراحة مصممه باب تالت صغير مدمج مع العربيه بحيث يريح الكل
ادى لزمة الباب الثالث
ولو عملت العربيه 4 باب كانت فقدت احساس الكوبيه الشباب
ولو عملت 2 باب كان الركاب هيتقرفوا وكمان فئه معينة من الشباب هتجبها عشاب كوبيه والباقى يقولك لا ياعم انا عايز 4 باب عشان سهوله الركوب اصلى بركب ناس معايا
وماشاء الله صالون العربيه قمت الروعه وواسعه وبرحه من جوه مع الدى فى دى
عربيه وهم ماشاء الله
الله المستعان

فكره ال3 باب دى فى رأيى حلوه جدا عشان نفس الكلام اللى أنت قولته وكمان الباب مش مأثر على شكل العربيه فى حاجه و مش مخلى شكلها شاذ ولا حاجه و هيونداى دى بتتطور جدا

المشاركة الأصلية كتبت بواسطة cryptonx

انا لسة ليومنا هذا معايا ايصال حجز اكسنت rb gls بسعر 117 الف ..

بس العربية للاسف غبور مش حيجيبها تاني بالكماليات دي علشان طبعا الانترا الجديدة ..

و انا ميزانيتي كانت 115 بالعافية اصلا ...
و اول فئة في الانترا 2012 ب 121 وفاضية كالعادة ...

فطلعت الاتنين من الحسبة تماما .

الالنترا كانت موجوده هناك برضه و قعدت جواها بس مش عارف كده هى من بره شكلها حلو جدا لكن من جوه معجبتنيش أوى يمكن عشان التابلوه لونه بيج و أنا مش بحب اللون ده
و ربنا يكرمك بالعربيه اللى نفسك فيها أن شاء الله

المشاركة الأصلية كتبت بواسطة samehnoshi

العربية فعلا جميلة و فيها اوبشن ممتازة بس فيها عيب ضيقنى بصراحة, اول لما ركبت فى الكنبة الخلفية لقيت دماغى خبطة فى السقف بطريقة تضايق فعلا, جربوا تقعدوا ورا وانتو تشوفو بنفسكم.
يعنى الالنترا و الاكسنت سقفهم واطى للراكب الخلفى بس بطريقة مقبولة, انما الفيلوستر بصراحة صعبة قوى
بس العربية فى الكماليات وهم و جميلة جدا... هى تنفع الشباب او اسرة لسة جديدة او عندهم اطفال صغيرين, حتبقى تحفة فعلا سعتها

هى فعلا سقفها واطى من ورا بس للأسف ملحقتش أقعد جواها و أجرب عشان كنت مستعجل و الناس كتيره بس هى جميله جدا و فتحه السقف و ألأزاز اللى ورا حاجه بجد جميله جدا

المشاركة الأصلية كتبت بواسطة egytamer

عربية يلين عليها هايلة اهم حاجة الاداء والثبات بس في راي الشخصي الهيونداي الكوبية كانت احسن كنت بحسها فيراري صغيرة.

هى فعلا حلوه جدا بس الأداء و الثبات ده هنعرفه أن شاء الله فى المستقبل لما تبدأ تظهر فى الشارع و نشوف التقارير من الناس اللى هتجبها و تجربها

انا شايف ان سعرها ممتاز جدا بالنسبه
للماركة كاهيونداى
موتور وفتيس جديد
تصميم وهم وجنوط 18 مالهاش حل وكمان مش موجوده فى الشيروكو اللى موجوده فى مصر
اوبشنز بالعبيط وسقف البانوراما والاريال اللى شبه بتاع البى ام ومخرجين الشكمان وال 3 باب
بجد اللى يشترى عربية زى دى بالسعر ده بجد هو الكسبان
انا شوفتها فى الحقيقه
طبعا اكبر وافخم واعرض من الصور بكتييييييييييير
شوف السيراتو كوبيه بكام وزود عليهم تحميل الصاج وجودة التافيل والخامات الداخليه والاوبشن الزياده فقط فى الفيولستر وانت هتلاقيها مكلفه اكتر وفكك من الشكل والموديل الحديث والموتور ال 130 حصان
داكفايه الكشافات عدسات بتتحرك على ليزر انا شوفتهم على الحقيقه على الكورنيش وكانت العربيه لونها نحاسى ولسه رايحه معرض النايل سيتى اللى انت صورت منه صباح الاستهبال من هيونداى

والله المستعان

+111
مش صح كده برضو :)