السلام عليكم
كنت عايز اعرف هل الاوبل استرا الشكل الجديد فى مشاكل ولا حاجه ياريت الناس ترد عليا علشان سألت ناس مفيش حد عارف حاجه عن العربيه
عرض للطباعة
السلام عليكم
كنت عايز اعرف هل الاوبل استرا الشكل الجديد فى مشاكل ولا حاجه ياريت الناس ترد عليا علشان سألت ناس مفيش حد عارف حاجه عن العربيه
جميله على ما اسمع
بس مبالغ قوى فى سعرها و كفاية ان منصور واكلها و وكيلها
العربيه انا شفتها بس وما شاء الله حلوه بس عيبها توكيلها
العربيه حلوه اوي وسعرها ممتاز يا جماعه محدش يقول مبالغ فيها اركب وجرب وقول عليها مبالغ ولا لا
عيبها الوحيد الوكيل بس انما كا عربيه عربيه خرافه
طاب هو انا لازم اجيبها من معارض منصور مفيش معارض فى القاهره عرضاها علشان روحت معرض منصور قالى هتحجز معايا وتستلم بعد فتره الكلام ده على استرا 2012 و من كلام الناس عن منصور انا خايف اجيب العربيه من عنده
انت للشراء لازم يكون من وكيل الى هو منصور او موزع معتمد لكن احنا بنتكلم كويل لا يوفر قطع الغيار وبيلعب فى الأسعار
لكن السيارة ما شاء الله مفيهاش كلمة توكل على الله وهات الى نفسك فيه وان شاء الله ربنا يحفظها لك ومش تحتاج التوكيل غاير صيانات عادية
بظبط كدا بس منصور بحس انه يبلعب ف العربيه قبل ما يبيعها عشان تفضل رايح جاااي عنده وحيكرهك ف العربيه ......!!
وبعدين اي عربيه حضرتك بتستلمها زيرو مش حتحتاج حاجه اصلا غير غيار الزيت والفلاتر وحاجات بسيطه بالدات العربياات المانيه
شكرا لمساعدتكم
ربنا يوفقك ياباشا واي حاجه عايزها انا جاهز
عربية محترمة جدا , و انا عن نفسى أفضلها عن الجولف 6 كشكل و امكانيات من جوة و إحساس بالرفاهيه أعلى بكتير من جولف 6
بجد عربية فيها كل حاجة أنا معايا الأسترا 2008 و بجد بحب العربية ديه جدا ولو معايا فعلا فلوس هجيب الجديدة , هيا بس المشكلة أنك مش هتلاقى ناس كتير جيبنها أو ركبوها عشان مش منتشرة فده معناه إن سعر أعادة البيع بتعها مش كويس و ده حاجة حوطهت فى حسابك بس لو انت مش فارق معاك حكاية أعادة البيع و كمان ان منصور توكيل حرامى شوية فتوكل على الله و جيبها بس ابقى ركبنى معاك ولو حتى لفه صغيرة حولين البيت
بس أعرف برده ان كل التوكيلات حرامية و مقرفين فا متحتش حكاية التوكيل فى دماغك فمتحكمش على العربية بيه
سعرها عادى جداً عليها ولازم تشتريها من منصور للأسف واتأكد منها من عندو قبل استلامها خالد ايمن باشا اشترى فيكترا من عندو وطلعت رشه اجزاء
هقولكم علي حاجه تضحك ع العربيه دي............انا فعلا بفكر جديا ان شاء الله اني اشتري العربيه دي ....المهم سالت المبيعات ع التليفون قالولي العربيه الماني يا فندم...قلتلهم يعني مش بولندي مثلا .قالولي الماني الماني............المهم رحت اشفها في المعرض بتاع نادي الزمالك..العربيه بسم الله ما شاء الله تحفه بجد و فخمه جدا من جوه حقيقي و هيه بالنسبه ليه من جوه و من بره احلي من الجولف .هيه عربيه شاب الي 40 سنه عنده اسره صغيره .الجولف تحس انها لواحد اول الثلاتينات .ززالمهم طب عايز احجز .قالولي هتسيب 5 الاف جنيه و معدش فيه منها اللون اللي انت عايزه هتستني لحد شهر 10 ........موديل 2012 هينزل ...طب و الله حاجه كويسه.ززالعربيه مصنوعه فين يا عم قاللي بلجيكا...ززيا عم يهديك يرضيك قاللي بلجيكا ....قلت ماشي.........المهم اخوكم عمل فيه جدع و كلم المبيعات ع التليفون و قالوهم العربيه يا جماعه بلجيكي و ياريت ما تقولوش للناس كلام مش حقيقي............المهم قلتلهم نسقوا مع نفسكم و اتاكدوا و ردوا عليه .............المهم جه الرد من واحد من المبيعات و رد عليا و قال لي يا فندم العربيه بلجيكي ..قلت ماشي.............بعدها بساعه لقيت واحد بيتصل بيا تاني و قاللي يا فندم انا من قسم المتابعه و بتصل بيك مخصوص و اقولك ان العربيه الماني .قلتلوا انتم بتهظروا و الله ...يا جماعه مش عارفين تتاكدوا من بلد المنشا و الله دي خيبه...........المهم طلبت منه ان اسعار صيانات العربيه و اسعار قطع الغيار و لا عبرني بقاله اسبوعين ........زمش عارف اقول ايه
ما عدا ذلك العربيه جميله بجد.عيبها الوحيد التسارع من الصفر الي 100 كم في 13.5 ثانيه .بس هوه مش عيب علشان الجري بالعرببيه انا بطلته خلاص...........
انا نفسي اجيبها و الله بس المشكله اني عايز اامن عليها علشان حوادث السرقه دلوقت ..لو انا امنت عليها هتكلف حوالي 7000 جنيه في السنه ( خراب بيوت طبعا) و الواحد محتار يجيب عربيه و يسيبها لله مع اني اتلدعت قبل كده اني ما امنتش علي عربيتي .........و لا يامن عليها بس بجد كتير 7000 جنيه تامين بس...........مش عارف اخد قرار
اصلا العربيه اللى نزلها منصور كله بولندي احنا هنا فحصنها من الرقم الشاسي
وللاسف هوا بقول الماني!!! راجل غريب
جايز ياباشا ممكن نزلو عربيات جديده كمان وتقفيلها بلجيكي
الموضوع ياباشا انه مفيش فرق جامد ف بلد المصنعه !! لا المشكله ليه بيكدب ع الناس وبقولها الماني ومش عارف !!!