استفسار ضروري بخصوص ال fm modulator

**Eng.Mina** · 03-05-2008 05:32 AM

انا اشتريت ال fm modulator وكنت عايز اعرف لو سبته متوصل بالولاعة علي طول حتي والعربية مبطلة ممكن بطارية العربية تنام وللا بمجرد اني اشيل مفتاح العربية الكهربا بتاعت العربية بتفصل ارجو الاجابة علي سؤالي ومتشكر جدا

**ossama** · 03-05-2008 07:04 AM

قصدك FM Transmitter

**abdelaziz-waleed** · 03-05-2008 07:13 AM

انا بصراحة اعرف ان الولاعة بتاعة العربية ما بتكونشي متوصلة على البطارية.
انا عندي الولاعة ما بتشتغلشي غير لما ادور العربية وده معناه انها متوصلة على الدينامو وليس البطارية. والله اعلم
فا على ما اعتقد انه ما فيش اي مشكلة لو حضرتك سيبته في الولاعة وبطلت العربية
وانتظر لما خبراء المنتدى يفيدو حضرتك اكتر ان شاء الله

**Eng.Mina** · 03-05-2008 10:46 AM

متشكر اوي ياجماعة علي سرعة الرد وبالنسبة للاخ اسامة انا فعلا قصدي علي الfm transmitter اللي هو بيركب فيه فلاش ميموري وبيتوصل علي الولاعة وياريت حد يكون عنده البتاع ده يقدر يفيدني

**SEATLOVER** · 03-05-2008 10:56 AM

ببساطة ممكن تشغل الولاعة (ولاعة السجاير نفسها ) و العربية مبطلة و المفتاح مش فى الكونتاكت
1-لو الولاعة العادية اشتغلت و العربية مبطلة ..........يبقى هايسحب طول ماهو محطوط (ولازم يكون شغال on يعنى )
2-لو الولاعة العادية مااشتغلتش و العربية مبطلة ..........يبقى مش هايسحب طول ماهو محطوط (والافضل تخلية off)

**Eng.Mina** · 03-05-2008 07:48 PM

شكرا يا م/عمرو بس ال transmitter ده مابيبقاش فيه on وoff هوبيبقي on لو اتحط في الولاعة وبيبقي off لو اتشال من الولاعة وانا حاجرب موضوع الولاعة والعربية مبطلة وشكرا علي ردك

**دموع الثلج** · 03-05-2008 07:57 PM

المشاركة الأصلية كتبت بواسطة mina87

انا اشتريت ال fm modulator وكنت عايز اعرف لو سبته متوصل بالولاعة علي طول حتي والعربية مبطلة ممكن بطارية العربية تنام وللا بمجرد اني اشيل مفتاح العربية الكهربا بتاعت العربية بتفصل ارجو الاجابة علي سؤالي ومتشكر جدا

انا لما بطفى العربيه الترانسميتر بيفصل طبعا والاضاءه بتاعته بتطفى لانه مفيش باور واصل له يبقى ازاى بطاريه العربيه تنام والعربيه مش شغاله

مش عارفه هجرب برضوه موضوع الولاعه والعربيه مطفيه بكره واقولك ان شاء الله

**aliabutaleb** · 03-05-2008 08:18 PM

المشاركة الأصلية كتبت بواسطة mina87

انا اشتريت ال fm modulator وكنت عايز اعرف لو سبته متوصل بالولاعة علي طول حتي والعربية مبطلة ممكن بطارية العربية تنام وللا بمجرد اني اشيل مفتاح العربية الكهربا بتاعت العربية بتفصل ارجو الاجابة علي سؤالي ومتشكر جدا

معلش بعيداً عن سؤال حضرتك
مش ممكن تحط لنا صورته؟

**Eng.Mina** · 04-05-2008 05:20 AM

شكرا دموع الثلج انا عارف انه بيطفي لما اشيل المفتاح بس كنت عايز اتأكد من واحد مجرب الموضوع ده علشان مش اجي في يوم واضطر ازق العربية لغاية ماتدور وبالنسبة ل alijandroo حاحطلك صورته بس معلش اعذرني ححاطهالك علي يوم الخميس كده لاني مش حابقي علي النت غير يوم الاربعاء او الخميس