اجيب قاعدة تكييف ريجاتا منين؟

السلام عليكم ورحمة الله

يا جماعة أرجوكم أرجو المساعدة, أنا عربيتي ريجاتا مو 85 ولما روحت لبتاع التكييف عشان أصلح التكييف اكتشفنا ان العربية كان فيها كباس مش بتاعها وانا عايز اركب كباس جديد واللي كان مركبة كان معدل في القاعدة وشايل حتة

المهم... الحتة دي بتيجي مع القاعدة وعشان كده لازم نجيب قاعدة... والوحيد (على حسب معرفتي) اللي بيعمل قواعد تكييف هو خالد ابراهيم في عين شمس وقالي انا مابشتغلش في الريجاتا عشان المكان ضيق وانا بطلت اشتغل فيها (مش عارف اقول اية!!!!!)

فدلوقتي بتاع التكييف مشكور بعت ناس لعزبة شلبي يشوفولي القاعدة ومالقاش وطبعا اللي عندة القاعدة و راكبة مع ماتور مش راضي يفكها

وبيقول هيبعت واحد النهارده للوكالة يدور هناك

هل يا جماعة حد يعرف حتة تانية ممكن الاقي فيها القاعدة دي؟؟ او واحد تاني بيعمل قواعد؟؟

أرجوكم أفيدوني

مالقتش حاجة لا في العزبة ولا في الوكالة

يا جماعة مافيش اي معلومة تساعدوني بيها!!؟

لو تقدر تنزل الهرم ممكن أدلك على واحد هناك شغال في الفيات عموماً

وسؤال :
فين مكان خالد إبراهيم المتخصص في تركيب القواعد في عين شمس ؟؟؟؟؟؟؟؟؟؟؟

-

اقتباس:

---

المشاركة الأصلية كتبت بواسطة ahmed1981

لو تقدر تنزل الهرم ممكن أدلك على واحد هناك شغال في الفيات عموماً

وسؤال :
فين مكان خالد إبراهيم المتخصص في تركيب القواعد في عين شمس ؟؟؟؟؟؟؟؟؟؟؟

-

---

شكرا يا احمد باشا على الرد
والله بتاع التكييف قالي على واحد في المعادي اسمة محمد سليمان قريب من مستشفي المعادي العسكري... وانا كلمتة وسالته على الاسعار وماعترضش على الريجاتا... ممكن اروحله وأشوف الاول الدنيا هتمشي عنده ازاي

بخصوص خالد ابراهيم بقي... وانت جاي في جسر السويس من ناحية المطار وهتمر على محطة العرب والجراج وكل الهلمة دي... وبعد محطة العرب بشوية هتلاقي بنزينة... هتخش من جنبها يمين علاطول وتاخد اليمين ده للاخر لحد لما الشارع يخلص وتقوم داخل يمين... اول لما تخش يمين بقي اسال على السبكي بتاع الريدياتير (مشهور جدا هناك) هو جنبة

السلام عليكم
كومبروسر الريجاتا ساندن 507
بيركب مكان قاعدة الدينامو والدينامو بيركب فوق الكومبروسر وبيركب على الدينامو شداد للسير