الموضوع: زيت الفتيس المعتمد

المشاركة الأصلية كتبت بواسطة ehab_mansour

وعليكم السلام ورحمة الله وبركاته

بعد معاناة مني في البحث حول هذا الموضوع توصلت الي ان كل زيت الفتيس اللي موجودة عند شيل و موبيل و االتعاون و مصر للبترول و امارات مصر واللي هي 80w/90 كلها ذات درجة لزوجة API GL-5 &API GL3 و ده غير مناسب للعربية عندك ولا عندي و قمت بالاتصال بتوتال مصر و وصلت لمهندس هناك وقلي ان الزيوت الخاصة دي موجودة عندنا ولكن مش بتتباع في البنزينات ولكن بياخدها بعض التوكيلات و مراكز الصيانة في القاهرة الكبري و المحافظات ولكن دول ناس معينة المهم ألحيت عليه اني اعرف مين اللي عنده فقلي ان الزيت المناسب لك هنزله الأسبوع القادم عند أحد مراكز الصيانة وهبقي أقلك عليه و اتصلت بيه تاني ولم يرد عليا
وفي وسط كلامه كان قال علي مركز صيانة أمير و جوزيف وقال انه عنده الزيوت بتعتهم فراسلت المركزعبر الايميل وردو عليا ان الزيت موجود و اللتر ب 80 جنيه و توتال بالمواصفات المناسبة للعربية عندي و عندك وقال ان تغييره 60 جنيه ليه مش عارف
المهم اني لما بحثت لقيت ان المركز ده من تعامل كل الناس بيقولو انه زبالة الزبالة ففكرت اني أبقي أشتري منهم 3 لتر و أغيره انا بره وبس

وفيه عندك حل تاني قريب من الصح وهو انك تدور علي زيت فتيس اسو 80w/90 وده الوحيد في مصر ال API GL4 و ده اللتر من 17 الي 20 حسب التاجر ده لو لقيته أصلا لأني قليل جدا في القاهرة و متوفر في المنصورة عندنا وده لزوجته قريبة من المطلوب و مواصفاته مناسبة لحد ما ولكنها ليس صحيحة بنسبة 100 %

عندي اضافة بسيطة وهي ان المواصفات المطلوبة دي هي المناسبة للمحافظة علي تروس و مكونات الفتيس من التأكل ولو حطيت مواصفه غير مناسبة هتلاقي الفتيس خشن صباحا في الشتاء و مع مرور الوقت هتسمع أصوات الغيار الأول و التاني بوضوح و مع الوقت ونة في الغيار الخامس و ............. وانت ماشي كده لحد ما ييجي أجل الفتيس وكل ده بسبب زيوت غير مناسبة وخلي بالك مافيش حد في مصر الحبيبة بياخد باله من الكلام ده سوي القليل..... كله بيحط اي حاجه و شكرا حتي التوكيل كان حططلي زيت فتيس من الكيلو ب 19 جنيه وده مستحيل يكون أصلي هتلاقيه موبيل او اسو او اي حاجه
وربنا الموفق و المستعان وهو المنجي من المصايب اللي عايشين فيها في البلد دي
امتا بقي تنضف مصر منتظر أشوف اليوم ده و اللي ملاقيش فيه نصب و فتي و اختراعات و ...................... يارب

+1111111111111111 الله ينور يا ايهاب باشا يعني ال 80w/90 ننزله بدري ولا؟