يا جماعه حد يلحقني ..فنوسين ب 9 الاف جنيه.ازاااي

حد يلحقني ....انا لسه عامل حادسه انهرده الفانوسين اتكسروا والكبوت اتنى ....الحادثه بظبط قدام الحرفيين على طلعت الكوبري .
قولت اروح اسأل لقيت الفانوس ب 4500 ( فنوس زينون ) طيب ازااااااااااااي ...والسمكري قالي الكبوت لازم يتغير وسألي وقالي ب 2700 جنيه استيراد
بصرااااحه انا حسيت ان السمكري حرااامي ويعدين قالي في فانوس تايواني ب 750
بصراااااااااااااااااحه انا قلت استشير اهل الخبره
العربيه A5 2008

انا لقيت على كده العربيه هتدخل على 16 الف على الاقل وده كله في فانوسين وكبوت وشبكه والرش

وشكرااااااااااااااا

:crying2:

ياااااااريت لو حد يقولي اشتري الحاجات دي منين وممكن تعمل كاااام

الفانوس التايواني هتلاقيه في شارع دمشق وبالنسبة للكبوت هتلاقيه عند الراعي اللي في الحرفيين (استيراد) لان انا اعرف ان المحل ده بيشتغل في البروتون والاسكودا , بس محل الراعي انتهازي و أسعارة غالية ويا ريت قبل ما تروحله تسئل كتير هناك وانا متأكد ان فيه غيره كتير و ان شاء الله يكونو ارخص منه .. كمان انت ممكن تجيب الفانوس استيراد من عند اللي هتجيب منه الكبوت

اقتباس:

---

المشاركة الأصلية كتبت بواسطة redbull_30

الفانوس التايواني هتلاقيه في شارع دمشق وبالنسبة للكبوت هتلاقيه عند الراعي اللي في الحرفيين (استيراد) لان انا اعرف ان المحل ده بيشتغل في البروتون والاسكودا , بس محل الراعي انتهازي و أسعارة غالية ويا ريت قبل ما تروحله تسئل كتير هناك وانا متأكد ان فيه غيره كتير و ان شاء الله يكونو ارخص منه .. كمان انت ممكن تجيب الفانوس استيراد من عند اللي هتجيب منه الكبوت

---

شكرااا لردك .. بس انا مش عاارف التايواني يعتبر كويس ولا ايه......... انا قلت في الاول ادور على الفانوس الاستيراد بس يعمل كااام ومنييين

ليا صديق فاتح قطع غيار اسكودا استيراد بس في الاسكندريه وشوف الاول عندك وممكن يخدمنا في السعر جامد

لا حول ولا قوة إلى بالله. دي أسعار يشيب لها الرضيع.

فانوس اللانسر البومة ب 1400 جنيه
انا جبته استيراد ب 600 جنيه
و بعدين اخويا جاب التايواني ب 200 جنيه و شغال

انا رأيي تجيب التايواني بس صدقني حتلاقيه لا يزيد عن 400 جنيه
انزل شوفه في التوفيقية
الكبوت استيراد ب 2400 جنيه استهبال - دور قبل ما تشتري اتحداك حتلاقيه لا يزيد عن 1200 جنيه في مكان تاني - ان شاء الله لو روحت بور سعيد - انت بتتكلم في الوفات مش فرق 50 جنيه

ربنا معاك

مش حضرتك تقصد مدينة الحرفيين - السلام - فى بتوع فولكس و سكودا كتير فى الحرفيين حضرتك اسأل عن سراج بتاع الألمانى و اتنين فولكس و سكودا فى الشارع المتفرع من جمال عبد الناصر الكله مرسيدس مش متذكر الباقى عشان مادورتش قبل كده على قطع غيار سكودا بس هتلاهى كتير فى الحرفيين و اسأل كذا واحد الاسعار بتختلف خصوصا فى الأستيراد و الفوانيس التيوانى لو نضيفه هتوفر فى التكاليف .. قدر الله و ما شاء فعل الحمد لله أن حضرتك بخير لف شويه ان شاء الله تتصلح بأقل تكاليف .

اقتباس:

---

المشاركة الأصلية كتبت بواسطة rompo10

ليا صديق فاتح قطع غيار اسكودا استيراد بس في الاسكندريه وشوف الاول عندك وممكن يخدمنا في السعر جامد

---

شكراااا لاهتمامك

اقتباس:

---

المشاركة الأصلية كتبت بواسطة mahmode

لا حول ولا قوة إلى بالله. دي أسعار يشيب لها الرضيع.

---

شكراااا .... قدر الله وما شاء فعل ..... الحمد لله

اقتباس:

---

المشاركة الأصلية كتبت بواسطة mmffor

فانوس اللانسر البومة ب 1400 جنيه
انا جبته استيراد ب 600 جنيه
و بعدين اخويا جاب التايواني ب 200 جنيه و شغال

انا رأيي تجيب التايواني بس صدقني حتلاقيه لا يزيد عن 400 جنيه
انزل شوفه في التوفيقية
الكبوت استيراد ب 2400 جنيه استهبال - دور قبل ما تشتري اتحداك حتلاقيه لا يزيد عن 1200 جنيه في مكان تاني - ان شاء الله لو روحت بور سعيد - انت بتتكلم في الوفات مش فرق 50 جنيه

---

انا محتار اجيب تايواني ولا استيراد

ومش عارف مين ارخص الحرفيين في بورسعيد ولا القاهره .. انا عموما من الشرقيه يعني كده كده هضرب مشوااار فا مش مشكله بورسعيد او القاهره وشكرااا

وربنا يسهل

اقتباس:

---

المشاركة الأصلية كتبت بواسطة _medo

شكراااا لاهتمامك

---

انا تحت امرك يااستاذ ميدو ولو عاوزني اسالك مفيش مانع

الحمد لله بس انا فى نفس الحوار بقالى يومين بس عندى رفرف و مرايا والواحد سمع شويه اسعار تتعب بالذات فى التوكيل
وش المرايه بــ1150 جنيه والزجاج بتاع المرايه الشمال بــ2450 جنيه ( الله يرحم البيجو ال504 كنت بغير المرايا عند اى واحد بتاع ازاز ب3 جنيه وبيقصلى حته على المقاس فى ثانيه )
بس على فكره انا كنت سائل على الفوانيس الاماميه الزينون بـــ6000 الاف استراد وممكن يخلصوا اقل من كدا
لو احتجت اى مساعده انا تحت امرك انا من الشرقبه من بلبيس

انا مغير الفانوس العادى ب 1000 فى التوكيل
الزينون ما يزيد المبلغ الكبيير ده
فى حاجة غلط

يا باشا اللى هيفدك فى الموضوع ده خالد ايمن بس استحاااااااالة الاسعار ديه تكون حقيقية وفعلا هما عاوزين يضحكوا عليك اذا كان الكبوت فى التوكيل ب1800 جنية والفانوس العادى بجيبه اصلى ب850 وتايونى ب 450 ماركة ديبو وخلفى ب 150 جنية ايه بقى الاسعار اللى بيقولوهالك ديه انا معرفش بصراحة

بلاش تجيب الفانوس التايوانى ..لانه بيطوس بسرعه جدا ..والاسطمبه بتاعه مش هتظبط مع الكبوت و الاكصدام و الرفرف و هيبوظ وش العربيه ..
الفانوسين الزينون على بعض ب 6000 جنيه استيراد ..ولو روحت التوكيل هتلاقيهم هناك جديد زيرو وزايد حوالى 500 جنيه او الف جنيه ..يعنى حوالى 7 الاف جنيه ..
الفانوس الاصلى (العادى مش زينون) فى التوكيل بحوالى 1400 جنيه و برا التوكيل بحوالى 1200 (اصلى شركه)
الكبوت لو واخد شكل رقم 8 ..بيكون صعب اوى انه يتسمكر ..عموما اى قطع غيار تحتاجها شوفها عند الراعى الصالح فى الحرفيين ده احسن واحد هناك
0106923023
ده اسمه مايكل شغال هناك ..اتصل بالتليفون اسال على الاسعار و شوف الى انت عاوزه

الاسعار الى انا قلتها دى ..من شهر 8 2010 ..ايام ما كنت بصلح عربيتى ..واضح ان الاسعار نزلت كمان دلوقت :)

ياعم اللة يباركلك ماتهولشى اوى كدة انا امتلك اوكتافيا اية 4 وجوز اختى معاة اية 5 موديل 2006 وحاجاتها مش بالمبالغة دية

اقتباس:

---

المشاركة الأصلية كتبت بواسطة ahmedteama

ياعم الله يباركلك ماتهولشى اوى كدة انا امتلك اوكتافيا اية 4 وجوز اختى معاة اية 5 موديل 2006 وحاجاتها مش بالمبالغة دية

---

مفيش مبالغه خااالص انا بصلح في العربيه دلوقتي وكل يوم في الحرفييين كل الي هيتغير عندي كبوت بالشبكه وفانوسين بكااااااااااااااااااام بقى الفانوس عندي زينون ومفيش في الحرفيين كلها ايوه كلها زينون ( وسألت على سعره في الحرفين تقريبا الفانوسين ب 5500 )يعني لازم يتجاب توكيل سعره في التوكيل 4120 ده الفانوس الواحد وانا فعلا موصي التوكيل على فانوسين تمام كده
يعني انا كده هدفع 9240 في فانوسين بس من غير كبوت ولا شبكه ولا رش

ارجوا منك السؤال على الاسعار قبل ما ما تعتقد انها مبالغه


تــــحـــــيــــــــاتـــ ـــي..............

اقتباس:

---

المشاركة الأصلية كتبت بواسطة khaled ayman

الاسعار الى انا قلتها دى ..من شهر 8 2010 ..ايام ما كنت بصلح عربيتى ..واضح ان الاسعار نزلت كمان دلوقت :)

---

انا كل يوم بنزل من الصبح للحرفيين والاسعار نااااااااار عشااان مفيش بضاعه عندهم يعني بالنسبه للاوكتافيا لسه الاستيراد على شهر 8 للاسف والي موجود حاجات بسيطه

اقتباس:

---

المشاركة الأصلية كتبت بواسطة khaled ayman

بلاش تجيب الفانوس التايوانى ..لانه بيطوس بسرعه جدا ..والاسطمبه بتاعه مش هتظبط مع الكبوت و الاكصدام و الرفرف و هيبوظ وش العربيه ..
الفانوسين الزينون على بعض ب 6000 جنيه استيراد ..ولو روحت التوكيل هتلاقيهم هناك جديد زيرو وزايد حوالى 500 جنيه او الف جنيه ..يعنى حوالى 7 الاف جنيه ..
الفانوس الاصلى (العادى مش زينون) فى التوكيل بحوالى 1400 جنيه و برا التوكيل بحوالى 1200 (اصلى شركه)
الكبوت لو واخد شكل رقم 8 ..بيكون صعب اوى انه يتسمكر ..عموما اى قطع غيار تحتاجها شوفها عند الراعى الصالح فى الحرفيين ده احسن واحد هناك
0106923023
ده اسمه مايكل شغال هناك ..اتصل بالتليفون اسال على الاسعار و شوف الى انت عاوزه

---

فعلا الاسعار الي حضرتك كتبها قريبه جدا للواقع بس المشكله ان الحرفيين كلها مفيهاش الفانوس الزينون خااالص اما بالنسبه للتوكيل الفانوس الواحد ب 4120 انا كده مفيش قدامي غير التوكيل ...انا وصيت على الفوانيس في التوكيل وربنا يسهل

بالنسبه للكبوت انا موصي كذا واحد على كبوت نفس لون العربيه بدل الرش وكدا بس المشكله ان لون العربيه عندي صعب ( زيتي ميتالك )

شكرا لاهتمامك .........

اقتباس:

---

المشاركة الأصلية كتبت بواسطة rompo10

انا تحت امرك يااستاذ ميدو ولو عاوزني اسالك مفيش مانع

---

الف شكرااا

الله يعوض عليك وحمدا لله علي سلامتك وفداك تلاقيها خدت عين معلش فداك مرة تانية

اقتباس:

---

المشاركة الأصلية كتبت بواسطة waelfarid

الله يعوض عليك وحمدا لله علي سلامتك وفداك تلاقيها خدت عين معلش فداك مرة تانية

---

الله يسلمك قدر الله وماشاء فعل

شكرااا على زوق حضرتك

تــــحــــيـــــاتـــــي.. .........

هو عشان الفانوس ده سعاتك فيه العدسة و فيه كمان الموتور اللي بيحرك اللمبة فوق و تحت.. عشان كده غالي..
غالبا هيكون بنفس تمن بتاع الجيتا.. في التوكيل 3500 الواحد.. يمكمن يكون الفانتازيا اكتر عشان اكبر..

عموما جرب احمد الشهاب في الحرفيين.. و اعتقد سعره مش هيعدي ال2500 جنيه.. الواحد.. و ربنا يكرمك و تلاقي طلبك ان شاء الله..

أنا لما أشتريت الشارك (برده عدسات متحركه وزينون) سألت على سعره فى التوكيل لقيت الواحد ب6000 جنيه

:8954[1]: جريييت على مصر للتأمين وأمنت تأمين شامل والحمد لله

ياريت يا جماعه أيلى عربيته قطع غيارها غاليه كده بغباء يأمن وربنا يسترها معنا كلنا

اقتباس:

---

المشاركة الأصلية كتبت بواسطة rompo10

ليا صديق فاتح قطع غيار اسكودا استيراد بس في الاسكندريه وشوف الاول عندك وممكن يخدمنا في السعر جامد

---

لو سمحت يا باشا ياريت لو تقولي مكانه فين او نمرته كام
انا من اسكندرية ومعاية سكودا فابيا بحتاجلها حاجات استيراد

السلام عليكم و رحمة الله و بركاته

بصراحة, أسعار OVER OVER OVER جدا جدا جدا و مفيش مصنع يحط السعر ده لفانوس عربية الا اذا كان بيستهبل, ان شالله يكون فيه موتور و لا عفريت, طلع و لا نزل, فانوس, أنا أتذكر أن مرة كنت شوفت فى موقع قطع غيار فى أميركا Used Auto Parts - Car Parts - Truck Parts - Body Parts - Engines - Wheels - Bumpers - Lights أسعار قطع الغيار, ماكنتش بالفحش و الفجور ده !!!!!!!!!!.

عالعموم, كل واحد حر, اللى عايز يشترى بالأسعار دى هو حر.