الموضوع: صور من ماليزيا

المشاركة الأصلية كتبت بواسطة otefa

الواحد كبر و أنتخ بقه والعيال في المدارس وفيلم الأستقرار
بس بأفكر فيها كسياحة والله بدل ما أنزل مصر أخر الشهر أخليها ماليزيا
أيه رئيك تستاهل ورمضان فيها أخباره أيه!

وانت فاكرني في تالتة حقوق؟ انا عندى 38 سنة و3 عيال

المشاركة الأصلية كتبت بواسطة yasserelsayad

فعلا هى جميلة جدا ولازم الواحد يروح يشوف بنفسه مينفعش صور.
كفاية النظافة :).

انا تقريبا روحت كل حتة فى ماليزيا حتى فى زى جزيرة كدا بس من فاكر اسمها بس هى بعيدة شوية وعملنا هناك bbq واول مرة فى حياتى اركب المترو كان هناك .. حلو موضوع ان كله مفتوح على بعض دا .. تقريبا معندناش كدا فى مصر.

هى بس اخر يومين اللى مروحتش فى حتة كنت بنزل المولات بس عشان اللى كان بيحصل فى مصر والطياران اللى كان واقف ووالدى مكنش معاه كاش كتير وكان معتمد على الفيزا فى تعاملاته لكن طبعا عشان كان النت مقطوع فى مصر فا الفيزا مكنتش شغالة فا هو كان قلقان ان احنا منعرفش نرجع مصر فكان عامل حسابه ان نقعد تانى فى ماليزيا لان كان الاجازة بتاعت السنة الجديدة بتاعت الصين بدأت والفندق الاسبوع فيه تانى وصل لحوالى 30 الف s: ... بس الحمد لله ربنا كرمنا وعرفنا نرجع عن طريق الامارات.

المرة الل جاية حط في البرنامج يوم في بوتراجايا.ولو لقيت صور حلوة ليها على النت ححطها هنا

المشاركة الأصلية كتبت بواسطة M7amD_7amDy

ما شاء الله دى حاجة جميلة

وشكرا يامعلم على المعلومات



أنا بقول برده ايه الأسعار دى :D

يعنى يا أبو رقية لو الواحد حب ياخد أسبوع ولا أسبوعين عسل هناك يكلفوا كام بما إنك خبير ماليزاوى

وايه رأيك تركيا ولا ماليزيا؟

بص انا مرحتش تركيا بس كل اللي اعرفهم راحوا الاتنين قالوا ماليزيا احلى في كل حاجة ما عدا الجو لان ماليزيا رطوبة عالية
بس انا اتعودت ده غير اني اسكندراني فواخد على الرطوبة العالية

مدينة بوتراجايا هي العاصمة السياسية لماليزيا وتبعد عن كوالا لامبور 25 كيلو, وهي مرتبطة تماما باسم مهاتير محمد , هو كان نفسه انه يعمل مدينة ينقل فيها كل المصالح الحكومية والوزارات ومقر الحكومة خارج مدينة كوالالامبور شديدة الزحام , وكان مهم ان تصميم المدينة يتناسب مع النهضة الماليزية , اتبنت المدينة زي ما مهاتير كان عاوز في 6 سنوات ( ست سنوات يا مؤمنين)

المدينة دي الصور ما بتوضحش قوي كم السكينة و السلام والهدوء اللي بتحسه وانت ماشي فيها وكذلك الانبهار و الاعجاب والاحترام لهذا الشعب

المشاركة الأصلية كتبت بواسطة otefa

جميلة جدا عقبال مصر

حمد لله على السلامة يا باشا ..