الموضوع: صور من ماليزيا

بما انى قاعد فاضى وخلصت امتحانات قولت اوريكم شوية صور كنت مصورهم لما كنت فى ماليزيا ساعة الثورة
انا سافرت من مصر يوم 25 يناير كنت ماشى على كوبرى اكتوبر وشايف المظاهرات تحت بس طبعا مكنتش اعرف ان الدينا هتتقلب كدا خالص.

بصراحة انا مكنتش متوقع ان ماليزيا هتكون بشكل دا .. حتى كنت بقول لوالدى احنا هنروح كوالالمبور نعمل ايه هناك قام قالى ما انت حمار مش عارف حاجة :).

دا مفيش صحرا هناك كلها زرع .. يقريبا مفيش حتة مفيهاش نجيلة وشجر .. وفى هناك قرود كتير اوى بيبقوا مشيين جنبك بس طبعا مش فى كوالالمبور من جوا.

هى جواها متقلب .. يعنى ساعات سقعة وساعات حر جدا والدنيا بتمطر على طول .. فى مرة مطرت يوم ونص من غير ما تبطل .. بس الشوارع ولا الهوا ومفيش طينة والعربيات نظيفة ولا كأن كان فى حاجة .. دا عندنا لو الدنيا مطرت 5 دقايق مصر بتخرب.

المهم دول تقريبا 30 صورة بس لكن انا صورت هناك اكتر من 1000 صورة بس مع العيلة يعنى.