كنت عايز اروح بورسعيد بعربيتى بس مش عارف الطريق انا ساكن فى اول الهرم....:oops1:
عرض للطباعة
كنت عايز اروح بورسعيد بعربيتى بس مش عارف الطريق انا ساكن فى اول الهرم....:oops1:
صباح الخير
حضرتك هاتاخد الدايرى لحد نزلة طريق الاسماعلية وتفضل على طريق الاسماعلية طوالى وطول الطريق بتلاقى يقط مكتوب عليها المسافة الباقية لبورسعيد
توصل بالسلامة
الدائرى اتجاه ايه ولو المطار بعد النفق الاولانى ولا التانى وشكرا على ردك
الدائرى بتاع المعادى هتعدى على كارفور و اكاديمية الشرطه و من فوق طريق السويس ... بعد كده بحوالى 8 كيلو متنزلش نفق السلام ... تنزل يمين طريق الاسماعيليه .... تاخد الطريق ده طوالى ... هتطلع 2 كوبرى عند العاشر (حوالى 40 كيلو من اول ما تمسك الطريق) و بعديه ب 25-30 كيلو محطة الرسوم و بعديها ب 30 كيلو مشارف الاسماعيليه ... هتطلع 2 كوبرى ورا بعض برضه و هتنزل على شمالك المنطقه الصناعيه فى الاسماعيليه و على يمينك قيادة الجيش التانى ... تكمل حوالى 10 كيلو هتلاقى يفط طريق بورسعيد شمال ... تاخد شمال و طوالى (مفيش كبارى) هتوصل بورسعيد بعد حوالى 85 كيلو
لو هتطلع الفجر متاخدش الدائرى... كمل من الهرم على المنيل و خد صلاح سالم للاخر و اطلع كوبرى المطار عند الكليه الحربيه و انزل شمال كأنك رايح على السندباد ... هتلف مع سور المطار يمين و هتطلع الكوبرى هينزلك اول طريق السويس .... بس تكون هناك قبل 6 الصبح لأن بعد كده بيكون زحام رهيب ... لو طالع الجمعه ممكن تاخد الطريق ده فى اى وقت