دودج رام

**egyptweed1** · 06-07-2011 05:16 AM

انا عحبانى الدودج رام و بفكر اجيبها فكنت عايز اخد رأيوكوا فيها من حيث قطع الغيار موجودة فيين و البنزين علما بأنى معنديش مشكلة فى حوارانها بتترخص نقل

**benmatar** · 24-07-2011 09:34 PM

سيبك

**raya1111** · 24-07-2011 10:39 PM

المشاركة الأصلية كتبت بواسطة benmatar

سيبك

كلام تمام التمام

**ahmed_eng2001** · 25-07-2011 12:02 AM

السلام عليكم

معلوماتى الشخصية القليلة عن الرام ,
الدودج رام موديلات التمانينات , عربية سيئة بشهادة الميكانيكية و المستخدمين , انا كنت معجب بشكلها و مكانش عاجبنى عجلها الصغير بالمقارنة بحجم العربية الكبير

ليا تجربة صغيرة مع الدودج رام موديل 2010 ..... كنا رايحين الموقع فى الصحراء و ركنا العربية عادى جدا .... و جينا و احنا مروحين .. العربية مش راضية تدور .. و حلفت براس ابوها ماهى دايرة ... عملنلها وصلة من عربية دودج دورانجو ... و دى دماغها و الف برطوشة قديمة ماهى دايرة ... سيبناها و تانى يوم جبنلها بطارية جديدة .. و العربية دارت على طول

اما عن تجربتى معاها ... عربية بتسحب كويس .. حجمها كبير جدا ... الكنبة الخلفية ضيقة شوية .. قدرة جرها كويسة جدا

العربية اجمالا مش وحشة .. بس انا متعقد منها و ما بحبش التكنولوجيا المعقدة

فى نفس رينج الاسعار ممكن حضرتك ممكم تجيب حاجة احسن من الرام

**eng.m7md.ali** · 25-07-2011 12:14 AM

عربية بجد
وحش على الطريق
موتور مفتري اوي
برستيج عالي اوي
صناعة امريكية
تقفيل مفهوش اي هفوة وكلها جلد طبيعي المعرفو عن العربيات الامريكية
مريجة جدا جدا في القاعدة والسفر

عيوبها : حجمها كبير اوي
استهلاك بنزين عالي

**ahmedbasto** · 25-07-2011 02:00 AM

المشاركة الأصلية كتبت بواسطة eng f3lix

عربية بجد
وحش على الطريق
موتور مفتري اوي
برستيج عالي اوي
صناعة امريكية
تقفيل مفهوش اي هفوة وكلها جلد طبيعي المعرفو عن العربيات الامريكية
مريجة جدا جدا في القاعدة والسفر

عيوبها : حجمها كبير اوي
استهلاك بنزين عالي

كلام من الأخر

**MaZaGAngeE** · 25-07-2011 03:43 AM

استهلاكها قد ايه ؟ و هل يوجد منها سولار ؟
بنزين و كمان 90 و لا 92 يبقى خراب بيوت

**M.Alaa92** · 04-08-2011 08:16 AM

اقل حاجة 92 و كدة العربية ممكن تسقف معاك كمان :))

**benmatar** · 09-08-2011 12:49 PM

الدودج رام متستاهلش الأسعار اللي الناس بتتكلم فيها وغي اقتصادية وعن تجربة ومقارنة عملية أقول لحضرتك إن التويوتا هاي لوكس 4x4 أكفأمنها بمراحل في الصحراء والطرق شديدة الوعورة مش الوعرة بس. الأمر كله معدل تسارع الدودج رام على الأسفلت أفضل والحجم الضخم مع العلم إنه مش عملي لو بتتكلم حضرتك في دخول الصحراء بهذه الكتلة.

**Exporter** · 05-09-2011 12:49 PM

مع احترامى للى بيقول ان الدودج رام وحش على الطريق و ان الامريكانى تقفيله جامد

انا اختلف معاك جذريا تماما

هذه السياره لا تنفع فى الصحراء تماما

ولا الطرق السريعه

ولا قعدتها من جوه

ولا حتى موتور

اللى مش مصدق يروح عند هشام الميكانيكى فى ارض الجمعيه بامبابه اللى هو شغال فى الامريكانى و يشوف قد ايه الدودج هناك بتشرفه كتير و سلملى على الامريكانى

معلومه صغيره : التويوتا الهاى لوكس اليابانى تعتبر مارد بالنسبه للدودج