المشاية الكهربية و خشونة الركب

السلام عليكم

أنا عندي خشونة فى الركبتين بقالى 3 سنين جاتلى بسبب الجلوس لفترات طويلة يوميا أثناء الشغل و مكنش فى وقت أعمل رياضة (عمري دلوقتى 26 سنة)
جربت أدوية و علاج طبيعى و الألم خف كتير و ان كان لم ينتهى نهائيا. كل كام شهر بأشترك فى جلسات علاج طبيعى و بلتزم بالجلسات بس برضه الموضوع مش بينتهى 100%

حاليا بروح الجيم و بلعب على مشاية كهرباء بس ساعات و أنا بلعب عليها( جري متوسط - هرولة يعنى) بحس بألم فى ركبتى الشمال لحظى و بعدين بكمل جري دون ألم بس ممكن ييجى تانى برضه لحظى و هكذا
مدة اللعب حوالى من تلت لنص ساعة و بعدين بكمل على جهاز الأرك نفس المدة

هل المشاية الكهربا غلط على مرضي خشونة الركبة اللى زي حالتى؟ لأن أنا خايف تكوت بتاكل فى الغضاريف بالتدريج.
نفس الكلام لجهاز الأرك.

أحسن واحد يفيدك في الموضوع ده صاحبنا صبحي وعامل موضوع
http://www.nilemotors.net/Nile/147567-a.html

اقتباس:

---

المشاركة الأصلية كتبت بواسطة magid1010

أحسن واحد يفيدك في الموضوع ده صاحبنا صبحي وعامل موضوع
http://www.nilemotors.net/nile/147567-a.html

---

شكرا ليك..هأفتح اللينك حالا

اقتباس:

---

المشاركة الأصلية كتبت بواسطة magid1010

أحسن واحد يفيدك في الموضوع ده صاحبنا صبحي وعامل موضوع
http://www.nilemotors.net/nile/147567-a.html

---

أنا بقالى بقرا فى اللينك من مدة. بس أنا كنت عايز رأي دكتور. أقصد أن صبحى عنده خلفية كويسة من ناحية الأنواع و السعر بس أنا عايز من الناحية الطبية

هوا فعلا لازم رأي دكتور
بس من الناحيه بتاعتنا احنا
بيجيلنا ناس كتير مثلا عندهم خشونه
بقولهم روحوا لدكتور وبريح نفسي
لاني شخصيا مش قادر احدد ايه الممنوع:)
ناس تجيلي تقولي الدكتور كاتبلها علي عجله عشان الخشونه
ازاي عجله وخشونه مش فاهم

عالعموم المشايات الكهربائيه المحترمه المفروض بيكون فيها مانع صدمات للركبه
او امتصاص صدمات
فمتقلقش
بس اللي بفهمه من الناس المرضي اللي بتجيلي
ان الخشونه نفسها درجات
يعني مش كل الخشونه ممنوع تلعب علي عجل وكده
حسب الحاله
وان شاء الله اطباء المنتدي يفيدوك
بس بلاش جهاز الاوربت تراك لانه اعتماده كله علي مفصل الركبه واعتقد ده اللي بيتعبك مش المشايه

اقتباس:

---

بس بلاش جهاز الاوربت تراك لانه اعتماده كله علي مفصل الركبه واعتقد ده اللي بيتعبك مش المشايه

---

+++11111

ممنوع منعا باتا المشايات الكهربائية على مريض خشونة المفاصل ويفضل استبدالها بالمشى العادى بحذاء خفيف لفترات قصيرة

ما الفرق يادكتره ؟
بين المشي العادي والمشي علي المشايه
مالاتنين مشي علي ارض صلبه
حتفرق في ايه ؟

وبعدين انتا مش دكتوراه في الزينون والعدسات ياكابتن
مالنا بالركب بقي :)

شكرا ليكم :) متابع بأهتمام

ههههههههههههههه ماشى ياصبحى

الفرق ياسيدى ان المشاية الكهربائية محددة السرعة يعنى بالبلدى انت ماشى على موتور لا بيهدى ولا بيزود فبيكون حمل ثابت متواصل على مفصل الركبة بيعمل حاجة اسمها over tourque or over use للمفصل .... لكن المشى العادى الخفيف انت بتقدر تهدى وتريح وتحمل على رجل قصاد رجل وتزود يعنى مفصلك هو اللى بيتحكم فيك حسب قدرتة مش العكس :)))

وعلية فأن المشاية الكهربائية تسبب ضرر على المفصل وتؤدى الى خشونة الركبة كمان للفرد العادى over stress

ربنا يعفو عنك ويزيد لك فى الشفاء

اقتباس:

---

المشاركة الأصلية كتبت بواسطة ashouhdy

ههههههههههههههه ماشى ياصبحى

الفرق ياسيدى ان المشاية الكهربائية محددة السرعة يعنى بالبلدى انت ماشى على موتور لا بيهدى ولا بيزود فبيكون حمل ثابت متواصل على مفصل الركبة بيعمل حاجة اسمها over tourque or over use للمفصل .... لكن المشى العادى الخفيف انت بتقدر تهدى وتريح وتحمل على رجل قصاد رجل وتزود يعنى مفصلك هو اللى بيتحكم فيك حسب قدرتة مش العكس :)))

وعلية فأن المشاية الكهربائية تسبب ضرر على المفصل وتؤدى الى خشونة الركبة كمان للفرد العادى over
stress

---

فاهم قصدك كويس...بالفعل ده اللى بيحصل لو أنا بغير فى سرعتى مع مشاية حركتها ثابتة فرق العزم ده كله كده هيرد فى المفصل....
طب أعمل ايه؟ :( المشاية عجبانى أوي خصوصا انها بتجبرك على الحركة و لياقتى اتحسنت كتير...المشي الخارجى ممل شويه و مش بحس بالتغيير معاه بالمقارنة بالمشاية.
ده صح و لا يتهيألى؟ أقصد لو واظبت على المشي بره نفس المدة و نفس السرعة...هل الgain هيكون زي ما بشتغل بالمشاية؟؟
سؤال كمان تعبتك معايا :) هو لعب أوزان خفيفة على أجهزة الجيم (بس من غير التعرض لأجهزة اللعب المباشر على القدمين أو الركبتين يعنى نصف علوي بس) غلط برضه على الركبتين؟ مرات قليلة حسيت بوجع و أنا عليهمو مش عارف ده كان من تأثير المشاية و لا منهم

اقتباس:

---

المشاركة الأصلية كتبت بواسطة rahmanboud

ربنا يعفو عنك ويزيد لك فى الشفاء

---

ربنا يخليك و يحفظك :)