فى ايه عند مستشفى المعادى للقوات المسلحة

**mailo** · 06-07-2011 02:13 PM

The Military has announced that the "explosions" that were heard were actually Millitary fighter jets creating sonic booms as they broke the sound barrier.

**aminibrahim** · 06-07-2011 02:30 PM

ممكن يكون بعض الانجازات الي هايعملها الجيش قبل يوم 8 عشان يهدي الناس ومحاكمات سريعه

**elbeheri** · 06-07-2011 02:35 PM

المشاركة الأصلية كتبت بواسطة aminibrahim

ممكن يكون بعض الانجازات الي هايعملها الجيش قبل يوم 8 عشان يهدي الناس ومحاكمات سريعه

سلملي على المترو

**Khaled Online** · 06-07-2011 05:46 PM

المشاركة الأصلية كتبت بواسطة everlasting

عندما تقترب سرعة الطائرة من سرعة الصوت في الهواء (340م/ الثانية ) تبدأ الطائرة في الأهتزاز والتأرجح وبزيادة سرعة الطائرة حتى تصل لسرعة الصوت يزداد الأهتزاز بدرجة خطيرة قد تؤدي إلى نزع أجنحتها .. وما أن تزيد سرعتها عن سرعة الصوت يعود لها الأستقرار و يتوقف الاضطراب ونقول أن الطائرة قد اجتازت جدارا غير مرئي في الهواء يسمى الحاجز الصوتي .

تفسير هذه الظاهرة أن الصوت ينتقل على شكل موجات من التضاغط والتخلخل المتتالية تنتشر بسرعة الصوت .. وعندما تطير الطائرة بسرعة أقل من سرعة الصوت يسبق الصوت الصادر من الطائرة نفسها .

ولكن عندما تتساوى سرعتها مع سرعة الصوت تتفق حركة الطائرة مع حركة التموجات الصوتية التي تحدثها فتتراكم موجات التضاغط أمامها مكونة ما يشبة الحائط .. وعندما تزيد السرعة عن سرعة الصوت عليها أن تخترق هذا الحائط المرتفع ولحظة اختراق الطائرة للحاجز يسمع الناس صوت انفجار شديد قد يسبب تهشم الزجاج .

أنا حاسس إني بقرأ في (ملف المستقبل) :)

حد فاكر؟

ومتشكر للتوضيح المبسط يا everlasting

**elbeheri** · 06-07-2011 09:40 PM

المشاركة الأصلية كتبت بواسطة honda4ever

أنا حاسس إني بقرأ في (ملف المستقبل) :)

حد فاكر؟

ومتشكر للتوضيح المبسط يا everlasting

هههههههههههههههههههههههه

والله ضحكتنى يا راجل وافتكرت افلام الخيال العلمى

**Mohd_Adel_Amin** · 07-07-2011 01:56 AM

طيب معلش انا عندي سؤال غريب , ازاي كان فيه صوت انفجار قوي هز الشبابيك في طنطا النهارده وكانوا انفجارين ورا بعض؟؟ , ولو فعلا صوت الطائرة معقولة يوصل من القاهرة لطنطا ؟؟
انا وانا صغير في السعودية عاصرت موضوع حاجز الصوت بعد حرب العراق اعتقد انها كانت تدريبات لأني كنت عايش جمب مركز تجمع قوات التحالف في قاعدة الامير سلطان , وفعلا كان مشابه لبتاع النهارده وبعض الشبابيك اتكسرت في المدرسة , وحسب ما قرأت ان الصوت بتاع النهارده ده بسبب طيارة f15 سعودية في تدريبات بين مصر والسعودية اسمها الفيصل .. هل حد يعرف حاجة عن الموضوع ..

**wesam_salom** · 07-07-2011 02:11 AM

المشاركة الأصلية كتبت بواسطة mohd_adel_amin

طيب معلش انا عندي سؤال غريب , ازاي كان فيه صوت انفجار قوي هز الشبابيك في طنطا النهارده وكانوا انفجارين ورا بعض؟؟ , ولو فعلا صوت الطائرة معقولة يوصل من القاهرة لطنطا ؟؟
انا وانا صغير في السعودية عاصرت موضوع حاجز الصوت بعد حرب العراق اعتقد انها كانت تدريبات لأني كنت عايش جمب مركز تجمع قوات التحالف في قاعدة الامير سلطان , وفعلا كان مشابه لبتاع النهارده وبعض الشبابيك اتكسرت في المدرسة , وحسب ما قرأت ان الصوت بتاع النهارده ده بسبب طيارة f15 سعودية في تدريبات بين مصر والسعودية اسمها الفيصل .. هل حد يعرف حاجة عن الموضوع ..

علشان فيه قاعده جويه فى طنطا

**م. حاتم السباعي** · 07-07-2011 02:39 AM

حد ركز يا جماعة في الموضوع بعد اكتمال اليوم من الناحية الاعلامية
اولا حدث فعلا موضوع الجسر بتاع المعادي و ده كان نتيجة الاهمال الحادث من المقاول او من المهندس المنفذ
و اول لما اهالي العمال حضرو و حدث التجمهر امام المستشفي العسكري للبحث عن الضحايا الذين غرقو
اول حاجة عملتها ( شبكة رصد ) انها اعلنت عن سماع ضرب نار و حشود امام نادي المعادي و خلافه
مع ان اللي حصل ان منطقة نادي المعادي لم يحدث فيها اي شئ سوي تحرك مدرعة من التي تحمي قسم المعادي و تحركت للكورنيش للتغلب علي تجمهر الناس امام المستشفي و انتظار استخراج الضحايا (( يعني خبر كاذب ))
شويتين و نسمع كلنا صوت الانفجارات المدوية هنا و هناك في نفس اللحظة و كلنا لا نعلم ان غيرنا يسمعها معنا فيطلع اليوم السابع و رصد و غيرهم بالاتي (( سماع صوت انفجارات تهز العاصمة و اخبار عن كذا و كذا )) و هذا ايضا خبر كاذب حتي يعلن اخيرا التليفزيون عن موضوع اختراق حاجز الصوت من الطائرة (( و هو الخبر الوحيد الصحيح ))
فتبدأ الصحف العقيمة و الاعلام الحقير الذي يفتقد لاصول العلام في نشر الموضوع كأنه مثلنا تماما
فعلا حسبنا الله و نعم الوكيل
ارجو الا تعدي علينا الحكاية كده و ان نركز في الاخبار قبل التحقق منها و هذا ما لمسناه كلنا اليوم
ثانيا يجب ان نضع هذا الموضوع كمثال حي يوم الجمعة و ما يحدث به من تضليل اعلامي من اختلاق المشاكل و احداث الفتن و الفرقة و التحريض علي اشياء سيئة توجد حالة من الفوضي
تقبلو تحياتي

م.حاتم السباعي