يا جماعة مساعدة في اول عربية ان شاء الله ..

**AhmedEl3amry** · 06-07-2011 12:17 PM

السلام عليكم اولا ... انا عايز اجيب عربية و دي اول مرة ... ف مش عارف اجيب ايه ... مش عايز ازود عن 25 الف عشان بصراحة شفت ناس بيجيبوا عربيات غالية يتعلموا عليها و بيبهدلوها و بيتبهدلوا معاها ... ادوني ارائكوا ... ( فاسألوا أهل الذكر ان كنتم لا تعلمون )

**himahima** · 06-07-2011 03:15 PM

بص يا أ / أحمد أنا شايف أنك ممكن تيجيب ب ال 25000 جم فيات أونو موديل من 93 لغاية 97 ويفضل 93 أو 94 عشلن إيطالى وبعدين زى ما حضرتك بتقول أنها حتكون أول عربية ليك يعنى ممكن تتعلم فيها لغاية ماتبقى كويس فى السواقة وعلى فكرة موفرة جدا جدا بنزين وقطع غيارها رخيصة جدا جدا ومتوفرة وده برده مجرد رأى وشوف رأى الأخوة الأعضاء أيضا وأهم حاجه أنك تكون مقتنع بأختيارك عشان انت اللى حتدفع الفلوس وانت اللى حتركب العربية مش أنا أو غيرى وربنا يوفقك لما فيه الخير

**gamaladel** · 06-07-2011 07:15 PM

انا مع استاذ hima و عثدك بردو السيات ابيزا 94 عربية حلوة جدا

**elhelwany188** · 07-07-2011 12:08 AM

السلام عليكم
بص يااخى مادام اول عربية ليك يبقى استخير ربنا وشوف حتة 128 كويسة اواخر الثمانينات وياسلام لو الموتور 1300
هتتعلم عليها ولو حصل فيها حاجة حاجتها ببلاش وكل الصنايعية بيفهموا فيها
ولما ربنا يكرمك وتتعلم وتتمكن من السواقة والطرق شدها
وبعد كده فكر يتخليها معاك لان 128 عائلية اقتصادية منتشرة
ياتبعها وتكمل عليها وتجيب حاجة اعلى وتكون حتى بقى عندك خبرة فى العربيات
وساعتها هتعرف تجيب العربية اللى على قد استخدامك وامكانياتك

**blazer** · 07-07-2011 01:03 AM

لادا 2107 اوئل التسعينيات
حمااااااااله أسيه
وب 25 الف تجيب عربيه حالتها نضيفه جدااا

**ahmdmagdy** · 07-07-2011 02:34 AM

اللادا هي اللي هتستحمل معاك عشان تتعلم عليها

**positive** · 07-07-2011 05:50 AM

المشاركة الأصلية كتبت بواسطة gamaladel

انا مع استاذ hima و عثدك بردو السيات ابيزا 94 عربية حلوة جدا

طبعا صعب يلاقى ابيزا ب 25 الف او 28 الف حالة ممتازة ومن وجهة نظرى لو هيتعلم عليها يبقى 128 اما لو عاوز عربية يتعلم عليها وكمان يقتنيها يبقى الريجاتا لانها عائلية وسابقة عصرها وشبابية دا غير المتانة كمان ونعومة سواقتها

**AhmedEl3amry** · 07-07-2011 12:44 PM

طبعا انا متشكر جدا جدا جدا على الافادة ... و انا فعلا كنت لقيت عربية 128 موديل 87 و موتور 1100 سي سي و متظبطة جدا جدا و زي ماصاحبها بيقول عشان انا لسه ماروحتش شوفتها من جوه مافيهاش اي مصاريف ... العربية فيها جنوط و فرش جلد جديد و مركبلها عتب و كاسيت و سماعات سوني غير الفوانيس اللي بره و من بره دهان نظيف جدا و مفيش رش دواخل يعني فابريقة و طالب فيها 19500 بس انا حاولت انزل معاه الراجل كان متساهل بعد ال 19 كمان و قاللي لما تيجي ... رأي حضراتكم ايه ؟

**virus2007** · 07-07-2011 01:59 PM

دايما راى لاى حد جديد فى السواقة

جيب عربية رخيصة اوى زى 128 اتعلم عليها كويس مثلا سعرها ميعديش ال 16 الف وتكون حالتها كويسة

لانك بكل تاكيد حتخبطها وتجرحها فى الاول لحد متتعلم

بعد سنة او اقل حسب انتا حسيت نفسك متمكن ولالا بيعها وكمل عليها وجيب حاجة نضيفة

بالنسبة للعربية الى حضرتك بتقول عليها ب 19 انا شايف ان 19 كتير على ال 128 ...بس لو فعلا العربية نضيفة اوى وفيها جنوط وكل حاجة تمام واهم حاجة حالتها كويسة كميكانيكا عشان متطلعش عينك يبقى السعر كويس... يبقى لو نزلت ل 18 حتبقى كويسة جدا .. بس طبعا انا مقدرش افيدك اوى فى السعر لان الحقيقة بتبين حاجات كتير

بس عامتا : لو حالة ممتازة وفيها الى قلت علية توكل على الله

بالتوفيق ان شاء الله وقلنا عملت اية فى الاخر ؟