السلام عليكم
كنت عاوز اركب عتب سبور جاهز للصنى و كنت فاكر ان فيه حاجة زى كدة فى مودرن ابو رواش
هل يا ترى لسة موجود؟ و سعره كام؟ و حد جربه؟
و هل هناك اماكن اخرى الاقيه فيها؟
عرض للطباعة
السلام عليكم
كنت عاوز اركب عتب سبور جاهز للصنى و كنت فاكر ان فيه حاجة زى كدة فى مودرن ابو رواش
هل يا ترى لسة موجود؟ و سعره كام؟ و حد جربه؟
و هل هناك اماكن اخرى الاقيه فيها؟
الله اعلم في باسم فاير عامل شغل كويس قوي للصني و خد لينكات المواضيع دي و انت حتستفيد
بسام فايبر لتعديل شكل السيارات خارجيا - :: نــايــل مــوتــورز:: - :: NileMotors.net ::
http://www.nilemotors.net/Nile/204686-a.html
http://www.nilemotors.net/Nile/210376-a.html\
يبقى باسم فايبر و ورشه نايل موتورز و انت مغمض
انا مجربتش بصراحة غير بسام فيبر .. هو غالى شويتين عن السوق .. وممكن ميكنش عنده كساحات وعتب شيك كتير .. بس لو وفقلك حاجة تمشى على العربية .. بيشتغل فيها ويركبها كويس
وبعدين مفيش حاجة بتنزل للعربية مظبوطة علبيها بالظبط .. احيانا فى اشكال بيعملها مخصوصة للعربيات المنتشرة واللى عليها طلب .. زى السيراتو وزى الهيونداى والانسر
وفى اسطمبات عنده واشكال كتير .. لو مكنتش مظبوطة فى المقاس على عربيتك .. بيقطعها ويظبطها على مقاس عربيتك
اللى فى مودرن بصراحة معرفش اذا كان لسه موجود عندهم ولالا
شغل باسم لو حتعمل عنده كساحات قدام وفى الخلف .. وعتبتين .. حتدخل من غير رشهم من 1200 الى 1400 .. وده من غير رش
واذا حتعمل عتبتين فى الاجناب بس .. تقريبا حتدخل فى حدود 500 جنيه
والرش عشان ترش الكساحات لو حتركبهم حتضطر ترش الاكصدامات معاهم عشان الكل يكون ميه واحدة ..فتكلفة الرش الاكصدامات والكساحتين مع العتب حتدخل لو بويه سيكنز انظف بويه فى السوق فى حدود 1400 جنيه
ولو بويه اوميجا او ار ام ممكن تدخل فى حدود 1000 جنيه تقريبا
ولو حتعمل بره مش عند بسام .. الكساحات والعتب ممكن يدخل فى حدود 850 او 950 جنيه .. بس معرفش شغلهم ايه .. لانى مجربتهمش ومعرفش شغلهم الحقيقة
ولو حتعمل عتبتين عندهم ممكن تدهل فى حدود 350 جنيه .. فزى ما قولتلك هما ارخص بس معرفش شغلهم ايه والله اعلم
والرش انا رشيت عند كريم منير فى ورشته .. حتتعامل مع كريم منير فانسى الدنيا ومش حتشيل هم .. كريم محترم جدا وبيخاف على اعضائه قبل ما يكونوا زبائن ..وبيعملنا باخوة بصراحة
واخيرا
خالى بالك .. الكساجات نصيحة من مجرب .. عشان تتهنى بيهم .. يبقا لازم تمشى فى شوارع فاضية ومتخليش حد يلزق فيك او يحك العربية
لان الكساحات فيبر قاسى .. واطرى حاجة علبيه البوية .. فممكن تقشر منك بسهولة .. حتى لو كنت عامل فيها البدع وراششها عند واحد استاذ .. وحتى لو كانت معزولة بمادة البلاستيك ..
والسبب لان زى ما قولتلك الكساحات فيبر وناشف وقاسى .. مش زى الاكصدام بلاستيك وفيبر بس مرن شوية
انا قولتلك وحكتللك بناء على تجربة فعلية لعربيتى .. وملحقتش اتهنى فيها من البهايم اللى بتمشى تخبط فى خلق الله
بس هى مش بيحصلها حاجة ولا بتتفك طول ما هى متركبة صح ومخدومة كويس
بالتوفيق ان شاء الله
تحياتى
خد بقي عندك العرض الجامد ده و انا كده جمعته بنفسي و انا بتفرج علي موضوعك ده :
أحمد مصطفي قالك دلوقتي ان الكساحات و العتب هيعموا حوالي من 1200 الي 1400 جنيه و انت و شاطرتك و علي فكرة بسام بيعمل شغل نضيف فعلا.
بص بقي الحتة اللي جاية ديه :
برده احمد اتفق مع مودرن لنايل موتورز فقط في العرض بتاعهم اللي هيخلص في 14-07-2011 اننا كعملاء هناخد خصم علي الدهان و السمكرة نسبة خصم 30% بس طبعا تكون معاك الاستيكر بتاع المنتدي و ده برده مع احمد عشان تاخد العرض .
فأنت كده هتعمل ايه :
1- هتشتري الاستيكر من احمد
2- تعمل الكساحات و العتب عند بسام فايبر
3- تروح مودرن و ترشهم و تاخد خصم 30% علي الدهان و اعتقد بنسبة كبيرة ان القطعه بتترش في مودرن بحوالي 250 جنيه و طبعا هيبقي لون اصلي و نفس الدرجة بالظبط و انت هترش 4 قطع يعني بـ 1000 جنيه و خصم الـ 30% يبقي انت فاضل 700 جنيه و قول ضريبة يعني 770 جنيه .. يبقي ممكن تقفل معاك في حدود 2000 جنيه او اقل .
بعد اللي قولته ده :
في مودرن ابورواش كساحات و عتب جاهزة للصني بس انا مش فاكر سعرهم كام و مش لاقي الموضوع اللي فيه السعر لأني بصراحة عنيا وجعتني الايام اللي فاتت بسبب كثرة المواضيع في القسم و ديه حاجه كويسة ان القسم بقي نشط بالدرجة ديه .. فممكن احمد يبقي ينزل ليك اللينك هنا النهارده ان شاء الله
مبقاش فى فى موردن الكلام ده يا بيشوى خلاص
القطعة بتترش بالضريبة من فترة ب350 جنيه .. لان الخامات بتغلى
وكمان ده مش حيرش 4 قطع .. ده حيرش 4 قطع البادى كيت ومعاهم الاكصدامات .. يبقوا 6 ..
فى كساحات كبيرة فبيضطروا يرشوا الاكصدامات مع الكساحات عشان الكل يكون ميه واحدة .. وميكنش فى اختلاق فى اللون
الا لو كان اللى مختاره حاجة سمبل وبيسطة ومش كبيرة .. ممكن تترش لوحدها
وسعر البادى كيت اللى كان فى مودرن ابورواش بالرش اعتقد انه كان داخل فى حدود 3800 جنيه على ما اذكر ..
ومعرفش اذا كان موجود منه دلوقتى ولالا .. ولو لسه موجود حيكون عليه عرض ولالا .. لان ممكن يعملوا عليه عرض .. بس بردوا هل حيكون مثلا ب3000 جنيه ولا ب2800 .. لان استحالة سعرهم بالرش يوصل الى 2500 جنيه
واللى بره انا بعد شراء البادى كيت ورشه وصلت التكلفة فى الاخر بره الى 2700 بفك الاكصدامات .. عشان فكهم وتركيبهم عليك
ممكن يوصلوا بره فى الحرفين الى 2000 جنيه كمان .. لو عنتد حد غير بسام .. ولو حترش بويه عادى زى الار ام او بويات الكورى الجديدة
واخيرا .. سيبك من ان تلاقى حاجة جاهزة فى الشكل للصنى .. الصور اللى حاطهالك محمد .. فيها اشكال مختلفة .. وانت بتختار اللى بيليق على العربية
وبيتظبط عليها وبيتركب عليه .. المهم اللى بيركب الحاجة يقفلها صح ..
ويديها برشام ولذق فيبر كمان
وبعدين خالى بالك قصة البادى كيت ده حتخليك تركب جنوط اذا مكنش عندك جنوط عشان الشكل العام يظبط معاك صح
معلش معملتش تقرير عن تجربتى لان عملت كذا حادثة .. فا اتشائمت انى اعمل تقرير .. فكل كلامى ده عن خبرة عملية فى موضوعى اللى عملته فى عربيتى
بس كدا
اومال فين صاحب الموضوع الدكتور خالد .. مش منورنا ليه
الحقيقة مش عارف اقولكم ايه على اهتمامكم
و انت يا استاذ احمد تلاقى ايدك و جعتك من الكتابة علشان تشرحلى بالتفصيل الجميل دة و تقوللى على خبرتك فى الموضوع
انا شااااكر لحضرتك جدا
وشاكر لكل من تفضل بالرد
تسلم يا احمد وانت يا بيشوي و sedyrohy علي الروح الجميله دي
شكرا لكم علي كل هذا التعاون من القلب
وفعلا منتدي وقسم محترم ومميز