الموضوع: تحويل صني الي غاز بدل بنزين

المشاركة الأصلية كتبت بواسطة abdm

بمناسبة كلام حضرتك حتى لو كان بتهريج لكن هل ممكن نحط بنزين 80 للصنى

وهل ممكن تتظبط كهربة العربية علشان تتعامل مع البنزين 80 ..... برجاء الآفادة

والله الموفق والمستعان

ممكن اعرف يعني ايه تظبط كهربة العربية ؟؟

المشاركة الأصلية كتبت بواسطة peaceman

بص انا معاك ان الغاز بصراحة هيوفر ليك استهلاك مش عادي في البنزين و انا كنت مع سواق تاكسي معاه شيفروليه لانوس و روحنا اسكندرية و عملنا مشاويير هناك و رجعنا كل ده بـ 12 جنيه .. طبعا انا بقيت هتهبل لكن في خطر ان في انبوبة ورا و مليانه غاز و ممكن لا قدر الله يحصل مشكلة في اي ثانيه
و هقولك علي حاجه .. لو انت ركبته في الصني و قصر علي الماتور مثلا بعد 150000 كيلو .. انت ممكن تجيب ماتور استيراد بـ 3000 او 4000 جنيه و تركبه و متمعلش عمرات ولا حاجه و اعتقد و بنسبه كبيرة انه مش هيقصر علي كهربة العربية
لكن انا مش محبذ الموضوع ده خالص عشان الخطورة ثم الخطورة ثم الخطورة
و غير كده تنسي نص شنطة العريبة علي الاقل يعني كأني معاك عربية هاتش باك و بعدين العربية مش هتسحب معاك بنسبة سحب البنزين و كمان ممكن متعديش بالعربية الـ 140 كيلو / الساعة

+11111111
خطوره_ الشنطه نصها راح _ عمر الموتور

المشاركة الأصلية كتبت بواسطة abdm

هو الكلام دة كان بيحصل فى الكاربراتير ....لكن فى الآنجكشن مش متأكد هل ممكن التوكيل يزود الكهربا اللى داخلة للموتور أو يقوم بتعلية الموتور شوية علشان العربية تكون متوافقة مع البنزين 80 وما تسقفش ................... وشكرا

لو هنتكلم علي التسقيف .. انا ليا وجهة نظر مختلفة شوية بس مش معلومة هي احساس بعد ركوبي لعربيات ماشية بالغاز و هي ان العربية هتكون مستريحة مع الغاز اكتر من بنزين 80
انما العربية اساندرد نازلة بتظبيطة فابريكة فالافضل ان ميتلعبش فيها
و علي فكرة الغاز دلوقتي بيطور من نفسه كتير اوي اوي .. يعني العربيات الانجيكشن ليها ميكانيكية في التركيب متطورة عن التركيب للكاربيرتير و كمان بيبقي الفرق بين الاتنين حوالي 1000 جنيه

المشاركة الأصلية كتبت بواسطة mohamedbook

انا درست الموضوع ده كويس جدا ووجدت انه موفر جدا وممتاز
والي خايف من خطر الغاز كل السيارات الاجرة والتاكسي مركبة غاز مفيش مشكلة وسالت سواق تكسي عن السحب قالي مش حاسس بفرق
وقال ان هو بيلف القاهرة كلها طول اليوم وب7 جنية بس وبخصوص الشنطة ممكن تحط امبوبة متوسطة الحجم مش كبيرة ومش هتاكل الشمطة ولا حاحة
اتكل علي الله وجرب الموضوع لو معاك 5000ج
وفية موضيع في المنتدي عن تحويل السيارة الي غاز ومدي توفيرها للبنزين
ان شاء الله لو اتوفرت معايا الفلوس هحول غاز ان شاء الله

و هنستني تقريرك بعد التركيب في القريب العاجل .. بس راجع نفسك كتير يا محمد قبل ما تاخد القرار