يبقى سلم القط مفتاح الكرار
عرض للطباعة
يبقى سلم القط مفتاح الكرار
تروح و ترجع بالسلامة يا كريم, و عمرة مقبولة بإذن الله, و لا تنسى اخوك بالدعاء :))
تروح وتيجى بالسلامة .. أسأل الله لك الاخلاص والقبول وأن تعود من هناك وقد غفرت ذنوبك كيوم ولدتك أمك ... وأسألك الدعاء لى أول ما ترى الكعبة بأن يفقهنى الله فى الدين ... بالله عليك لا تنسى هذا الدعاء لأخيك الأصغر محمد محمود أن تدعو لى بهذه الدعوة أول ما ترى الكعبة
تقبل الله منا ومنكم صالح الاعمـــــــال
وعمرة مقبولـــــــة باذن الله
وترجع بالسلامة ان شاء الله
عمرة مقبوله ان شاء الله
عمرة مقبولة ان شاء الله مستر كريم و عقبال الحج :)
تروح و ترجع بالسلامة
و لا تقلق :)
عمرة مقبولة ان شاء الله
تروح و ترجع بالف سلامة يا استاذ كريم
اللهم اجعلها عمرة مقبوله و ذنب مغفور بأذن الله
احرص علي استثمار كل دقيقة في طاعة الله و اعلم ان الركعة في مكة ب 100000 ركعه فاحرص علي اتيان النوافل بقدر المستطاع ، و اعلم ان افضل القربات لله عز وجل هي الطواف بالكعبة فاحرص علي الاكثار منه، اجعل هدف ليك ختم القرآن الكريم علي الاقل مرتين ، اشغل وقتك بذكر الله عز وجل ، لا تنشغل بالذهاب للأسواق لأنها مضيعة للوقت
ليكن برنامجك اليومي كالآتي :
1- صلاة الفجر في المسجد ثم الانتظار حتي الشروق طبعا مع قرأة القرآن / أو تأتي بطواف اليوم بمعني ان تحية المسجد الحرام هي الطواف و طبعا لصعوبة الطواف كلما دخلت الي الحرم فيمكنك ان تطوف بعد الفجر وهو افضل الاوقات لأن الجو بيكون لطيف ثم تصلي الضحي ثم تذهب للفندق للنوم
2- الاستيقاظ الساعة 11 من النوم و الوضوء ثم الذهاب الي الحرم و تنوي نية الاعتكاف حتي صلاة العصر و طبعا تأتي وردك من القرآن
3- بعد صلاة العصر تخرج من الحرم للغذاء و تجديد وضوئك ثم ترجع مرة اخري للحرم لحضور صلاة المغرب و النية للأعتكاف الي صلاة العشاء مع استغلال الوقت من المغرب الي العشاء لقرأة القرآن
4- بعد صلاة العشاء تخرج الي الفندق للنوم حتي تستطيع الاستيقاظ فايق للفجر .
5- نصيحة اذا اردت شراء بعض الهدايا و الاحتياجات الشخصية فلتجعل ذلك في المدينة و استغل الوقت بعد العشاء للشراء و ايضا بعد العصر و لا تضيع اي وقت للشراء في مكة لسببين :
1- عظم الاجر الذي اختصت به مكة فطبعا لا تضيع دقيقة في غير الصلاة و الطواف و الذكر
2- ارتفاع الاسعار في مكة عن المدينة و المدين تتميز بوجود اسواق خارج نطاق الحرم المدني يوجد بها كافة الاشياء و يمكنك الذهاب اليها مجانا اما عن طريق الترتيب مع الفندق حيث يقوم موظف الاستقبال بالاتصال بأحد المراكز لأرسال اتوبيس خاص بالمركز للفندق لجلب المعتمرين و ارجاعهم للفندق مرة اخري أو بعد صلاة العشاء عند المنطقة المركزية سوف تجد ميكروباصات تنادي علي اسم المركز التجاري التابع لها و يمكنك الركوب و سوف يرجعك الي الحرم مرة اخري بدون مقابل
في النهاية زي ما اشار الزملاء اهتم بالسوائل و الخضوات و الفاكهة و تجنب الشمس المباشرة و حاول اول ما توصل تشتري شمسية للحماية من اشعة الشمس
واخير لا تنسانا من صالح الدعاء و خاصة الفردوس الاعلي من الجنة و ان لا يقبضنا الله اليه مفتونين و ان يميتنا علي الاسلام و ان يحشرنا الله في زمرة الحبيب محمد صلي الله عليه وسلم و ان يرضي عنا و ان يرضينا
استودعك الله الذي لا تغيب ودائعه
+11111111111111111111111111
جزاه الله خيرا الباشمهندس حاتم اوجز واوفي و اثار نقطة في غاية الاهميه و هي عدم الدخول في اي مشاحنات او عراك لأن العمرة المقبولة من شروطها عدم الجدال و الرفث و طبعا حتجد امور مستفذه فتغاضي عنها و اكظم غيظك و قل يارب كظمت غيظي من اجلك وذلك انشاء الله اجره عظيم لأن الشيطان مش حيسيبك في حالك و حيكون همه الاول ان يضيع عليك اجر العمرة فمتمكنهوش من مراده
اذا اردت ان تؤدي عمرة عن احد المقربين ليك بشرط ان يكون قد توفاه الله فيمكنك ذلك بالذهاب الي مسجد عائشة و نية العمرة عن ذلك الشخص و ذلك بعد ان تكون قد اديت عمرتك
احرص علي الحلق بالموس لأن ذلك سنه و قد دعا الرسول للمحلقين ثلاثا
تقبل الله منا و منكم صالح الاعمال
عمرة مقبولة تروح وتيجى بالسلامة
تروح وتيجى بالف سلامة وربنا يتقبل منك
وياريت متنسناش فى الدعاء (اللهم انى اسألك الهدى والصلاح لكل من اوصونى بالدعاء) عشان متنساش حد
تقبل الله وادعى لكل الأعضاء بقى : )
ربنا يجعلها عمرة مقبولة بإذن الله
ما شاء الله عليكم وعلى نصائحكم
والله كلها في عين الاعتبار
الحمد لله التاشيرة جت النهاردة
وطبعا مش واخد الاولاد لانهم صغار والرحلة شاقة جدا عليهم
وان شاء الله مش هانسى اي حد في الدعاء
اللهم ذكرني
تروح وتيجى بالف سلامة وربنا يتقبل منك
وادعيلى وانت هناك الله يخليك ان ربنا يفكها عليا وينولنى اللى فى بالى قادر ياكريم يامصطفى ياابن ...........
تروح وتيجى بالسلامة أستاذ كريم أستحلفك بالله أن توصل السلام لرسول الله صلى الله عليه وسلم
اللهم تقبل منه عمرته واغفر له زنوبه وكفر عنه سيئاته وانعم عليه وعلى اهله باليسر واليمن والبركات امين يااااااااارب
نصيحتي لو معاك اطفال سيبهم !! عشان تعرف تاخد راحتك على الآخر على الأقل بما انه دي اول مرة ليك بجد !! حاول تقضي اكبر وقت في الحرم على طول بجد !!! انسى الهدايا والأسواق !! وخليها لأخر يوم !! انتا اقضي من اول دقيقة لأخر دقيقة في الحرم بجد !! خد معاك كريمات لأنه الرطوبة هناك مش طبيعية كريمات لتخفيف الإحتكاك وكده يعني !! وكاب معاك اساسي !! زمزمية مياه عشان تحافظ على المياه ساقعة ولو انك مش ها تحتاجها في الحرم خير ربنا كتير هناك جدا ولله الحمد !! اسمع كلامي انتا متروحش الفندق غير من بعد الفجر وتنزل منه قبل الظهر يعني تقضي الـ 5 فروض في المسجد بعون الله وربنا معاك يا فندم والف مبروك بجد والله !!
ربنا يكرمك....و عمره مقبوله إن شاء الله...
تروح و تيجي بألف سلامه...
جزاكم الله كل خير على نصائحكم الطيبة
وربنا يذكرني بالدعاء للجميع ان شاء الله
اللي عايز دعوة مخصوص يبعتها في رسالة على موبايلي
ويبعت معاها كارت شحن ب 100
أينعم ان بيزنس ومابيقبلش تحويل رصيد :-)
بس يبعت وخلاص
:-)))))
تقبل الله منك يا كريم ان شاء الله
بس انا لسة راجعة من اقل من اسبوع
الجو حر بس سبحان الله محسيتش بيه اوى وحسيت بالحر فى القاهرة اكتر
اوقات كتير كنت بقفل التكييف فى الفندق
وفى المسجد النبوى الجو رائع ومش هتحس بحر التكييفات فى كل مكان وان شاء الله يكون الفندق قريب فمتمشيش فى الشارع كتير فى الذهاب والعودة
فى مكة الحر اشد وبيزيد مع زيادة اعداد الناس كل ما اقترب وقت الصلاة
الافضل تجلس من الظهر للعصر وتمشى بعد العصر عشان الجو بيكون بعد صلاة الظهر حر جدا بعد العصر بيكون افضل
كان نفسى اقولك زى شيخ خالد ما قال تروح تنام شوية بين الصلوات
بس الحقيقة ان الازدحام شديد ولو نمت وقومت قبل موعد الصلاة بنص ساعة مثلا هتلاقى نفسك بتصلى فى الساحة او داخل الحرم لكن هتتحرم من مكان ترى منه الكعبة وانت بتصلى
وبما اننا مش هناك كل يوم
انت تنزل قبل الفجر بساعتين على 2 مثلا وممكن 3 لان اماكن صلاة الرجال اكتر كتير وتستنى لما بعد الشروق لو قدرت طبعا ويارب تقدر.
وتنزل قبل الظهر بساعة على 11 مثلا وتقعد لما يعد العصر
تروح تتغدى وترتاح شوية وتنزل 6 او 6 ونص يعنى تقريبا قدامك ساعة او ساعة ونص بالكتير معتقدش هتلحق تنام
وتنزل تصلى المغرب والعشاء وطبعا قراءة القرءان والاذكار وتكثر من الصلاة على رسول الله صلى الله عليه وسلم
وبما ان تحية المسجد الحرام هى الطواف حاول تروح بدرى عشان تطوف ومش شرط 7 اشواط
طوف من غير ما تعد واكتر وقت هتقدر تطوف فيه هو وقت المغرب والعشا وما بعدها عشان الحر والضغط الواطى
انا طوفت فى يوم بعد العصر سبحان الله فى الطواف لا تستشعر باى حر
ربنا يتقبل منك ويكتبها لكل المسلمين ان شاء الله
افضل مكان تشرب منه ماء زمزم اكثر برودة عشان الحر هو مكان السعى بين الصفا والمروة
فى المدينة المزارات الصبح يعنى مش فى وقت صلاة عشان مش يفوتك صلوات فى المسجد النبوى
بس انا صليت عصر ومغرب فى مسجد قباء فى يومين مختلفين
ومرة مغرب فى مسجد القبلتين
فى قباء احساس رائع بالراحة النفسية والطمأنينة
وطبعا الصلاة فى الروضة والسلام على رسول الله صلى الله عليه وسلم وعلى صاحبيه ابو بكر وعمر ونسألك السلام على رسول الله صلى الله عليه وسلم وعلى صاحبيه
تروح وترجع بالسلامة وصيتك الدعاء وربنا يتقبل باذن الله
ماشاء الله ................ ربنا يبارك فيك
عندي طلب .......... دعوه ادعيلي ولكل الناس اللي ف المنتدى :)
شكرا بسكوتة على النصائح
وان شاء الله ربنا يذكرني بالدعاء للجميع
عذرا اني مش هاقدر استقبل مكالماتكم لاني مش هاكون فاضي
عمرة مقبوله ان شاء الله
وماتنساش الدعاء لينا بصلاح الحال
اكثر من التقرب الى الله والعبادات والصيام . وانت فى مكه اكثر من الطواف لان الطواف العباده الوحيده التى لايمكن ان تكون فى مكان غير الكعبه. وعليك بقيام الليل فبل الفجر بساعتين تدخل من باب الملك فهد ( السلم الكهربائى) على السطح امام الكعبه متعه متعه القيام.
وانت فى المدينه المنوره خد معاك كتاب( الرحيق المختوم ) للكاتب صفي الرحمن المباركفوري . اقرأ فى السيره النبويه حبذا من بعد صلاه الفجر الى الشروق متعه وانت بتقرا فى السيره وانت بجوار الحبيب محمد صلى الله عليه وسلم وتتخيل وانت بتقرا ماهو انت اصلك فى مكان الاحداث.
تقبل الله منك ولا تنسانا من الدعاء بصلاح الحال وان يرزقنا الله الجنه . وتروح وترجع بالسلامه
لا تنسى الدعاء لمصر يا كريم
عمرة مقبولة باذن الله وثق فى استجابة الدعاء لان الله عند حسن ظن عبده به ويستحى ان يرفع العبد يديه اليه ثم يردهما صفرا
لاتنسنى فى دعائك
اذا وقفت امام مقصورة الحبيب احملك امانة ان تقول محبك اسماعيل النجار يسلم عليك
لك دعوة مستجابة عند رؤية الحرم المكى لاول مرة حتى لو كنت فى الباص وخير الدعاء ان تقول اللهم اجعلنى مستجاب الدعاء
لاتتعرض للشمس كثيرا ولاتجهد نفسك كثيرا فالحج والعمرة ليستا للعبادة فقط ولكنهما مؤتمر للامة الاسلامية ليتعارفوا ويتفقو ويتدارسو -وليشهدوا منافع لهم
ان الذى فرض عليك القران لرادك الى معاد حملك الله على اجنحة السلامة
الله -رسول الله - الاسلام -وبس:grin54:
اوصيك بالدعاء
السلام عليكم
عمره مقبوله باذن الله
نسالكم الدعاء - امانه - لكل المسلمين
تروح و تيجى بسلامه الله ان شاء الله
طلب خاص
ارجو الدعاء لوالدى بالرحمه
تحياتى
محمد عبد الجليل
عمروة مقبولة وذنب مغفور ان شاء الله وتروح وترجع بالسلامة ولا تنسانا من خالص الدعاء
جزاكم الله كل خير
ويا رب يذكرني بدعاء كل واحد
تروح وترجع بالسلامه يا كيمو
وعمره مقبوله ان شاء الله
A.Yakout
عمرة مقبولة و عقبال الحج ان شاء الله
شكرا ليكم جزيلا
ايه الامانات دي كلها
كتبت الاسماء اسم اسم في ورقة عشان اخدها في شنطتي في الحرم
والله المستعان
كريم
اهم دعاء
ادعيه لبلدنا
ان ربنا ينجيها ويهدى اهلها للى فيه الخير
تقبل الله منك وترجع بألف سلامه
عمره مقبوله باذن الله
نوصيكم بالدعاء للمسلمين :)
أستودعكم الله
السلام عليكم