رايكم يا دكاتره في الروشته دي ؟؟؟!!

**MRBEBO** · 06-07-2011 07:33 PM

انا رحت لدكتور لان عندي قلق و مش بعرف انام كويس وساعات بحس بتوتر

المهم اداني

tegretol cr 200 تجريتول سي ار 200 ......... وقالي نص قرص لمدة 3 تيام مساء وبعدين نص قرص صباحا ونص قرص مساء

واداني seroxat 12.5 mg سيروكسات 12.5 ...... قرص صباحا

الغريبة اني عملت سيرش لقيت ان التجريتول ده دواء للصرع وانا مش عندي صرع الحمد لله !!

فبصراحة شكيت في الدكتور ده وتشخيصه خصوصا ان التجريتول ده زي ما عرفت اعراضه الجانبية سيئة جدا

فايه رايك في الروشته دي ؟؟؟ لاني بعد ما اشتريت الدواء خصوصا الاولاني اتصدمت من دواعي الاستخدام

**MRBEBO** · 06-07-2011 08:42 PM

؟؟؟؟؟

**NaBeLeOn** · 06-07-2011 08:54 PM

it can be used - in small doses - as a mood stabilizer
however it isn't recommended in simple cases like yours for its side effects

**MRBEBO** · 06-07-2011 09:09 PM

تمام يعني حضرتك تنصحني اخده ولا اروح مكان تاني اكشف ؟؟

**Ahmed A Rahman** · 06-07-2011 09:09 PM

يا باشا بيتكتب عادي Mood stablizer

زي اخوه الديباكين برضه دواء صرع ويصرف في حالات اعتلال المزاج

**MRBEBO** · 07-07-2011 10:57 PM

رحت لدكتور تاني بس متخصص اكتر قالي مين الدكتور ال ح م ا ر اللي كتبلك الدواء ده

قالي ده عنده حالة نفسية اللي كتبلك الروشتة دي

وقالي الغي كل ده وهات

cipra-pro 10mg

وقالي قرص بعد الفطار لمدة شهر وتعالالي استشارة لما نشوف وصلنا لايه

ايه رايكم في الكلام ده ؟؟؟

المشكلة ان الروشته اللي فاتت ب 106 جنيه وانا مش عارف هعمل في الادوية دي ايه .... هل ممكن صيدلي يخدها مني ؟؟ لاني كده مش هستعملها

**wael17** · 08-07-2011 12:12 AM

المشاركة الأصلية كتبت بواسطة MRBEBO

رحت لدكتور تاني بس متخصص اكتر قالي مين الدكتور ال ح م ا ر اللي كتبلك الدواء ده

انا دكتور تخدير و بصراحة مش باحترم الدكتور اللي يقول علي روشتة دكتور تاني " من الحمار اللي كتب كده"
كان ممكن يقول في علاج احسن او يقولها باسلوب افضل شوية

بالنسبة للتيجريتول فهو فعلا علاج صرع و كمان mood stabilising drug بس هو علاج شديد شوية لواحد كل شكوته الارق و القلق...بس انا ماعرفش اللي كتبه متخصص ولا لأ...ممكن يكون له وجهة نظر او خبرة معينة انا ما عرفهاش

العلاج التاني Escitalopram ده لعلاج الاكتئاب و القلق و ده " من وجهة نظري" افضل لحالتك

ممكن ترجع الدوا القديم و تبدله من نفس الصيدلية و تاخد الجديد لو كانت العلب مش مفتوحة

عايز افولك حاجة عشان الدكاترة ساعات بيتظلموا...ممكن يكون اتنين مرضي عندهم نفس الحالة و ينفع يتعالجوا بنوعين مختلفين من الادوية...ممكن واحد يستجيب لدوا معين و التاني يستجيب للدوا التاني...و ده مش عيب في الادوية او في الدكاترة اللي كاتبينها بس الاستجابة للعلاج بتختلف من واحد للتاني