حد يدلني على ورشة لعمل الخشب الأبانوس للعربيات

**saddam** · 06-07-2011 08:40 PM

إخواني تحية طيبة وبعد
أرجو لو حد منكم تكرم ويدلني على أحسن ورشة في مصر لعمل الأبانوس الخشب ومش بس تخشيب أجزاء لأ أنا عندي كذا عربية وقررت أقلب وحده منهم كتجربة كلها إلى خشب أبانوس الصالون بالكامل يعني البيبان والتابلوه والقوايم حعملها كلها خشب فلو في حد يعرف ورشة تقوم بالقصة دي يا ريت ميبخلش علينا بالنصيحة وأفتكر مرة حد قلي في واحد في لازوغلي وناس قالوا في شبرا ومش عارف فأرجو مساعدتكم مع الشكر

**sedyrohy** · 06-07-2011 08:52 PM

متابع باهتمام

**zocor742** · 07-07-2011 01:39 AM

اعتقد الابانوس مبيتعملش عمولة
بس حضرتك ناوى تطعم بالابانوس ولا تلغى الفيبر وفرش الابواب وكدة الابانوس.

**saddam** · 07-07-2011 02:46 AM

حضرة الأخ zocor742 شكرا لمداخلتك بس الأبانوس بيتعمل عمولة بس مبيطلعش بجودة اللي جي من بره بس أحيانا لو مسكو نحات متخصص في نحت والنقش على الأخشاب فبيطلع حاجة ملكية وأكبر دليل عربيات مرسيدس الخمسينات كلها من الداخل خشب وأنا عايز أعمل كده وأول عربية من عربياتي حعملها هي مرسيدس كلاسك بس نشوف الأول مين الصنايعي التحفة اللي يقول أنا أقدر أعملها

**zocor742** · 07-07-2011 03:33 AM

والله مش هقدر اقول غير ربنا يوفقك فى المشوار دة ويخلص على خير وعلى اجمل وجة,
بس زى ماحضرتك زكرت اختااار الصنايعى اللى هيعمل الشغلة دى بعناية حتى لو حراق فى الفلوس
لانها عايزة صنايعى دماغة عالية .
ربنا يعينك يا اخى ,,,,,,,,,

**saddam** · 07-07-2011 03:45 AM

والله مش حقصر عليه في أي فلوس المهم ينفذلي طلبي ويعمللي صالون عربية يكون فعلا مميز وصعب إن حد ممكن يعمل أخوه وأدام شكلها مفيش خبرات هنا في نايل موتورز بكره حروح لواحد بيصلح مرسيدس الخمسينات في وسط البلد ونشوف حيدلنا إزاي نخلص الموضوع ده وأنا الموضوع مش حسيبوا حتى لو وقفت أجيب نجار محترف من بتوع الأرابيسك وأقلو إعتبرها أودة نوم وخش إشتغل ووريني إبداعاتك وربنا يسهل