ادفع كام للميكانيكى

**gta10** · 06-07-2011 10:42 PM

السلام عليكم و رحمة الله و بركاته

انا كنت عايز اعمل صيانة للعربية لانسر بومه 2009 خليجة عاملة 35000 كيلو
وهى عبارة عن :-
1 تغيير فلتر بنزين و فلتر هواء و فلتر تكيف
2 تغير زيت باور و زيت فرامل بالكامل
3 تغيير البوجيهات
4 غسيل و تنظيف البوابات و دورة البنزين بالكامل و ياترى تنصحونى بغسيل البوابات و دورة البنزين كاملة دلوقتى و لا لسه بدرى عليها
5 تربيط العفشة ورا و قدام
6 تغيير مياه الريداتير

فانا كنت عايز اعرف الصيانة دى تتكلف مصنعيه كام علشان انا اول مرة اروح لميكانيكى و هو ميكانيكى متخصص فى صيانة اللانسر و الهيونداى و التويوتا فياريت تقولولى اديله كام انا سألته و قالى المصنعيه بس 250 جنيه ياترى كده كتير و لا لأ

**mohammedabdallh** · 07-07-2011 12:18 AM

يا باشا المصنعية للحاجات دى كدا كتير
يعنى من 50 الى 100
اما بلنسبة لعفشة فاروح لو احد عفشجى اضمن وافضل واريح وهياخد بالكتير او 50ج
وطبعا
اعمل ضبط زوايا وترصيص هتلاقى العربية حاجه تانية خالص

**mohammedabdallh** · 07-07-2011 01:33 AM

غسيل دورة البنزين كل فترة طويله ممكن تعدى 100000 الف كيلو
اما تغير الزيوت شوف حضرتك ايه الى يناسبك
الترصيص عندى اى حد كويس مش هتفرق وبص حضرتك انت على الجهاز وتاكد بنفسك ان كل حاجه مظبوطه
اما تغيير البوجيهات والفتر عند اى ميكانيى مش حكايه هى وهتدفع 30ج
وانتظر راى الاعضاء المحترمين برضه يمكن انا غلطان
وشف هيقولوا ايه
على فكرة فى صنايعية كتير بيحكموا على المصنعية من شكل الزبون ونوع العربية يعنى لو معاك عربية تانية رخيصه او قديمه مش هيقولك كدا خالص
او حضرتك لو لابس يشك وماسك موبيل غالى وبتخاف عى العربية
يقول ارفع المصنعية جامد وبعدين يقولك انا عامل معاك واجب
من يومين وانا مسافر دخلت مونت الواد قالى الكوتش مهموى
دخلت عند بتاع الكوتش قالى فى مسمار فى العجله ثوانى وهعملهولك قولته لا زود هوا بس قعد يتحايل عليا وانا اقوله لا لحد ما كان هيبوس ايدى عاوز ياخد فلوس وخلاص طبعا المسمار ده هعملعه عندى لحام ب 3الى 5 ج هو هيعمله خابور ب 10 ج انا مش بتكلم فى الفلوس بس نوع اللحام الى عنده خاوبير مش لحام عادى سخن
ف خالى بالك اليومين دول محدش بقى عنده ضمير خالص واقف على كل حاجه بتتغير او بتتعمل فى ناس بتبوظ حاجات وبعد ما تمشى بتكتشفها وترجع تقوله يقولك حضرتك الى بوظتها او كسرتها
وربنا معاك
معلشى طولت عليك بس الحاجات دى الواحد شفها كتيير

**limo** · 07-07-2011 03:28 AM

استنى على 40 الف كم واعمل صيانه ال40 الف كامله وخلاص وعلى فكره فلتر البنزين ممكن يعد معاك اكتر من كده كمان يعنى يوصل 50 الف مستريح وخلى بالك ثمه اصلى بالمصنعيه بالتركيب 750 جنيه
راى لو انت هتجيب قطع غيار اصلى يبقى خلى التوكيل هوه الى يركب احسن وعلى فكره بيعمل الصيانه كلها الزوجيه ب187 جنيه بالضريبه وبيكشف على كل حاجه فى العربيه

**mohamedzian** · 07-07-2011 06:30 PM

[QUOTE=gta10;3873636044]السلام عليكم و رحمة الله و بركاته

انا كنت عايز اعمل صيانة للعربية لانسر بومه 2009 خليجة عاملة 35000 كيلو
وهى عبارة عن :-
1 تغيير فلتر بنزين و فلتر هواء و فلتر تكيف
2 تغير زيت باور و زيت فرامل بالكامل
3 تغيير البوجيهات
4 غسيل و تنظيف البوابات و دورة البنزين بالكامل و ياترى تنصحونى بغسيل البوابات و دورة البنزين كاملة دلوقتى و لا لسه بدرى عليها
5 تربيط العفشة ورا و قدام
6 تغيير مياه الريداتير

فلتر البنزين لسه بدرى يقعد معاك لغاية 60 الف فلتر هواء وتكييف برده لسه شويه كمان
زيت بيتغير مش قبل 100000 مش قبل كده ورايى الشخصى بالزات فى الفرامل ممكن ما تغيروش
بوجيهات ومياه عند 40000 الف