الموضوع: الصنى اللممتازة

السلام عليكم ورحمة الله وبركاته
ازيك يا باشمهندس حسين عامل ايه
هو طبعا العيار فلت منك ف الكلام حبة واحدة ( مش حبتين )لأن حبتين كتير على صاحبنا ده...... لأن أي حد بيتكلم عن عربية بيقول ميزاتها وعيوبها بس الراجل ده بيقول العيوب بس .


يا جماعة أنا لفيت علي كل المنتديات هنا وفي مواقع تانية قبل ما اشتري العربية النيسان بتاعتي... كلهم بيتكلموا عن ميزات العربية بس واللي يقول معايا وحش واللي يقول واللي يعيد ......إلا الناس بتوع نيسان بيكتبو عن العربية كل حاجة العيووووووووووب ......... والمميزات .... وعمر ما حد قال انا معايا عربية ميزاتها كذا ولم يذكر تفاصيل اضافية ... بل كلنا هنا في قسم نيسان نقول يا جماعة العيوب كذا والميزات كذا واللي يعجبه يشتري واللي ما يعجبوش ما يشتريش هو حر....

وانا ما اعرفش الراجل ده من قبل كده بس كنت هادافع بس ما اظنش اني هاجيد مثلما أجاد م / حسين .... غيرش بس انو شخصنها حبة واحدة ( مش حبتين برضو)

المهم باقول لصاحبنا ده " كل واحد راكب عربيه أكيد ماليه دماغه وعاجباه ع الآخر " مش معقول واحد يدفع شقى عمرو ( زي حالاتي ) في عربية كل يوم هيبصلها يمكن اكتر من أهله بمعني انه لو متعقد منها هيصبح كل يوم ع التعقيدة دي فهو ليه هيسبب لنفسه المشاكل ويجيب عربية ما بيحبهاش .


واحب انبه صاحبنا ده انه بكلامه ده الذي لا يحتمل أي انصاف وكله ظلم " بيستخف ويسفه عقول كل مالكي هذه السيارة "
ويا ريت يتكلم بشئ من الإنصاف وما يتحاملش علي حاجة ما بيحبهاش شخصيا ً

" ولا يجرمنكم شنئان قوم على ألا تعدلو إعدلو هو أقرب للتقوى "
صدق الله العظيم


يا أخي ده ف الجواز اللي هو ميثاق غليظ فيه حكمة بتقول " لولا اختلاف اذواق الرجال لما عاشت كل النساء قصص حب "

أمال ف العربيات يبقي اييييييييييه ؟!!!!!!!

المشاركة الأصلية كتبت بواسطة raedegypt

سعرها عالى طبعآ وتقفيل مصرى . اذن ايه فايدة التجميع هنا بالعكس قل قيمتها لما تلاقى 40% واكثر مكونات مصريه وتخلى العربيه فى القيمه تصل 103 الف دة صح فى رايك. انا معاك خلى المصانع تستفيد و,,,,,,,,, والناس تعيش بس مش بالسعر دة يعنى المفروض تقل عن المستورده بقيمه الجمارك للصنى الاحدث ( اسكالا) حتى دة العدل بغض النظر عن اسعار الماركات التانيه خلينا نحطها فى سعرها الصحيح ونستفاد بتجميعها فى مصر .

الرينو اسكالا ال هى نيسان صنى اصلآ والموديل الاحدث للصنى فى الخليج تقفيل كورى بالكامل تلاقيها 95 الف جنيه هاى لاين كمان ومستوردة وعليها جمارك وشحن يبقى فيه حاجه غلط عندنا فى سعر الصنى ال هى موديل 2004 اصلآ وقاعدين ننتج فيها ومافيش فيها اى جديد


النسيان الصنى يا اخى معدش بينتج فى اليابان . خطوط الانتاج فى كوريا للبحث والتطوير والانتاج وينتج حاليآ الصنى الخليجى ال تباع لمصر باسم اسكالا والصنى معدش فيها شيىء يابانى الا اسمها فقط

ولعلمك الصنى 2012 شكله ها يتغير تقريبآ بالكامل للخليج وها تكون عربيه تانيه خالص واحنا لسه بننتج نفس الشكل ودة سلبى للعربيه والناس تمل منها والزبون يخسر لما تلاقى ال يبيع مستعمل 2012 نفس ال معاه 2004 مثلآ دة يخسر فى اعادة البيع ويضعف الاقبال عليها علشان كدة الهياكل الكبرى لمصانع السيارات لازم تغير كل فترة شكل السيارات وتطورها علشان تحافظ على القيمه الاسميه لها لان دة فلوس واسهم وبزنس مش اى كلام

ياريت الاقى لحضرتك مشاركه عادله ومنصفه للصنى . فى النهايه دى عربيه اشترناها مش للترفيه ولا اشترناها مجانا كلنا فى القسم هنا بتجمعنا الصنى واى مشاكل تخص العربيه بنتناقش فيها بس فى النهايه بنتفق على شىء واحد انها عربيه ممتازه فى سعرها فى قطع غيارها فى ثباتها واستهلاكها للبنزين وطبعا احنا مش اصحاب شركة نيسان عشان ندافع عنها بالباطل ولا لينا مصلحه سوى انها شهاده لله لان فيه ناس كتيره ممكن تدخل القسم وتقرا المواضيع بغرض معرفة كل شىء عن السياره وبيكونوا فى حالة تغيير او تفكير فى شراء سياره ومش معقول ندلس او نغش
ونتيجة مشاركات حضرتك عن عيوب الشكل للصنى بجد انها تشبه فى مقدمتها الالنترا بنسبة 90 فى الميه والى حد كبير الانسر فى الخلف الصنى تتفوق عليهم اما الشكل العام دا ازواق واحب اسأل حضرتك ايه الفرق بين شكل الاوكتافيا a4 من سنة 1996 حتى 2008 فى الشكل الداخلى والخارجى وكذلك الكورولا من 2001 حتى 2007 والانسر من 2004 لغاية دلوقتى ايه اللى اتغير فيها
انا ركبت عربيات من 127 و132و505ولانشا ديدرا و405 ياريت تقولى ايه اللى اتغير فيها من يوم مانزلت 323 مازدا ونيسان صنى واوكتافيا a4 تصدق انى عشقت الصنى
والتقفيل المصرى دى كلمه بتتداول فقط لاغير للتقليل من السياره ولو مكتوب عليها صناعه يابانيه ولا كلمه نفس الكلام كان يتقال على الماذدا يقولك تقفيل كورى مش يابانى والعربيه كانت فوق الممتازه
حاجه اخيره لو شايف ان احنا بنجامل الصنى اعذرنا ماشفناش منها حاجه وحشه

الله ينور ياخوانا بصراحة اطربتونى ويالذات الاخ المحترم حسين ووالله العربية معايا عاملة 2800 كيلو ومش عاوز اقول ان معظم اصحابى بيفكروا يشتروها دلوقتى ومن غير مجامله بصراحة غول فى المشى ماشاء الله