فيرنا 2004 اوتوماتك

**BLEEDER** · 07-07-2011 01:03 AM

السلام عليكم و رحمه الله و بركاته

الوالد اشترى عربيه فيرنا 2004 اوتوماتك , هي كويسه الحمد لله بس الكهرباء اللي فيها مش مظبطه

لازم يفصل كابل البطاريه عشان ما تفضاش , مع انه بعد ما وداها لكهربائي ماكنش فيها ماس بس بيقولو البطاريه ضعيفه مع انه بعد ما بيشيل الكابل و يشغلها تاني يوم تشتغل عادي , على العموم هو هيجرب بطاريه جافه جديده و يشوف
بالنسبه بقى للعدادات مافيش ولا عداد شغال , راح لبتاع عدادات قاله مافهاش حاجه المشكله في الكهربا اللي داخله للعدادات , و لسه دايخين في الحوار ده

ماحدش يعرف كهربائي كويس يكون قريب من مصر الجديده او عين شمس ؟

و اسف على الأطاله

**Ahmed Anwer** · 07-07-2011 03:53 AM

فيه واحد كويس و متخصص في الهيونداي و خبرة كبيرة في الفيرنا

في مدينة نصر ، مصطفي النحاس

لو مهتم قولي و ابتعلك نمرته عالخاص

**shimo_moh** · 07-07-2011 10:08 AM

بخصوص العدادات انا جبت فيرنا 2010

وللاسف حصل فيها مشكلة ان عداد السرعة فصل وشوى وعداد الحرارة والبنزين بدوا يعلقوا

ودناها لاكتر من كهربائى قالوا ان ده عيب شهير ف الفيرنا ولا نغير لوحة العدادات

لسه مغيراها النهاردة بواحدة استيراد الاستيراد الكاملة عاملة 450 ولو جديدة قالوا بتعمل من 800ل 1000

**BLEEDER** · 07-07-2011 03:27 PM

شكرا يا رجاله على الردود هاحاول اشوف لوحه عدادات اجربها لو نفعت اشتريها لأن مصطفى النحاس ده بعيد شويه

**حماده المصري** · 07-07-2011 10:49 PM

اه الفيرنا والالنترا القديمه عداداتها بتهزر جامد

كبر دماغك من مصاريف صغيره مش واخد بالك منها في النهايه هتلاقيها جمعت فلوس كتير معاك

خليك في اساسيات العربيه اللي متقدرش تمشي خالص من غيرها لان بعد كده لما تيجي تبيع الحاجات دي مش بتفرق خالص

وعموما العدادات شيئ اساسي برضو