الموضوع: حادث طريق مصر/ اسكندرية الصحراوي 05/07/2011

اليوم ده، وانا راجع من الشغل وكالعادة كل ماالاقي الطريق واقف، أعرف ان في حادثة في الملف اللي امام قطر الندى
ولكن المرة دي كان المنظر مختلف
عربية تريلا شايلة كونتينر وبياخد الملف من على الشمال بسرعة عالية ومرة واحدة طلع فوق الرصيف اللي في المنتصف واتقلبت التريلا والكونتينر على 4 عربيات كل ذنبهم انهم كانوا معديين جنبه في نفس الوقت

قدرنا بفضل الله نطلع أحد قائدي العربيات وكان مصاب بكسور (قائد السيراتو)
كانت فرق الإسعاف وصلت وهما اللي قدروا يطلعوا قائدة العربية التانية "كانت محشورة في صاج العربية " مصابة بكسور ايضا ( الكورولا)

المشكلة كلها كانت في العربية الأخيرة (السيفيك) لم يستطع احد الوصول للسيارة ولا حتى فرق الإنقاذ وطلبوا ونش علشان يرفع الكونتينر والتريلا ولكن كان متأخر، وصل حوالي الساعة 7 (الحادثة كانت حوالي 5:20 م)
وبعد حوالي ساعة من المحاولات ورفع الكونتينر وسقوطة على العربية اكتر من مرة تم رفعه من طرف واحد وربط السيفيك بعربية نقل وسحبها من تحت التريلا ولكن بعد فوات الأوان (رحم الله راكبيها)

للأسف فرق المطافئ والإنقاذ وحتى الإسعاف غير مدربين بالمرة على المواقف اللي زي دي، وعلى الرغم من وجود اكثر من ظابط برتب مختلفة لم يتم وقف المرور بأي الطريقين إلا من خلال الناس المتواجدة ساعتها وهما اللي سحبوا العربية من تحت التريلا،

ودي بعض صور الحادث( اللهم ارحم الموتى واشفي المرضى)

ودي صور السيفيك

اللهم عافنا واعف عنا
اللهم قنا واصرف عنا شر ماقضيت
اللهم آمين