حادث طريق مصر/ اسكندرية الصحراوي 05/07/2011

**meza** · 07-07-2011 02:24 PM

ربنا ينتقم من سواق التريلا اللى كان السبب فى المصيبة دى .. و كل سواقين النقل المتهورين عالطريق
مش عارف المسئولين هيفوقوا إمتى .. من ساعة الثورة و سواقين النقل إتجننوا خلاص و كل يوم حادثة فى حتة
مش فاهم مستنيين إيه؟!

**tarekzein** · 07-07-2011 02:46 PM

لا حول ولا قوة إلا بالله

**ABDULLAH AHMED** · 07-07-2011 02:48 PM

لا حول ولا قوة الا بالله العلي العظيم
ربنا يرحمهم يا رب ويصبر اهلهم ويشفي المصابين
وربنا ينتقم من اللي كان السبب ومن سواقين النقل اللى روحوا مئات من الارواح
حسبي الله ونعم الوكيل

**WalidAdel** · 07-07-2011 02:59 PM

ياساتر استر يارب ايه ده منظر السيفك اصلا صعب اوي
ربنا يرحمهم

**wawoo** · 07-07-2011 03:01 PM

مكتبو على المقطورة لو حد واخد بالة

اللة ..العزة فى طاعة الله

يعنى اللى بيسوق كدة و يعمل كدة فى ارواح الناس دة عقوبة فى الاسلام حد الحرابة والله ..لانة من المفسدين فى الارض

..لازم حل سريع و نهائى مع مجرمين المقطورة دول ..و عقوبات رادعة عشان مافيش مجرم يفكر يعمل كدة فى الناس

اللهم ارحم ضحاية الحداث ..و انتقم من هؤلاء المفسدين فى الارض

**hossam_elwani** · 07-07-2011 03:08 PM

المشاركة الأصلية كتبت بواسطة mahmoud_afifi

لا حول ولا قوة الا بالله!
مفيش اي احترافيه في عملية الانقاذ زي الدول المتقدمه او حتى زي دول الخليج. لو كانوا مدربين كويس كان زمان كل الي في الحادثه عاشوا . ده في التلفزيون بنشوف حوادث تقول استحاله الي عملها يكون عاش (في امريكا طبعا) وسبحان الله عملية انقاذ في منتهى الدقه والاحترافيه وياخدوا المصابين على المستشفى في وقت صغير.

ربنا يرحم الجميع ويشفى المصابين

تمام كلامك

الى عندنا بقا شويه صيع وخلهوم يشتغلو مطافى وخلافه سد خانه مش اكتر وملهومش فى اى حاجه

وارواح تروح بسببهم يعنى تخيلو ممكن يكونو الى فى السيفيك عايشين ولما رفعو الكونتنر ونزل تانى علي المصابين موتهم

وقضى عليهم

**levelpower** · 07-07-2011 03:08 PM

لا حول ولا قوه الا بالله
الله يرحمهم و يسترها معانا

**PoweRPassioN** · 07-07-2011 03:12 PM

إنا لله وإنا إليه راجعون
اللهم تغمد الموتى بواسع رحمتك وتجاوز عنهم
وأشف المرضى منهم بفضلك وكرمك

المرور في مصر بقى زي الحرب في كميه القتلى والمصابين
فين المرور اللي كل همه الفاميه والغرامات الفوريه

ولا عمري شفت دوريات راكبه بترصد القياده المتهوره وتخالف وتصادر المركبات المخالفه حتى تنقذ أرواح الابرياء
كل اللي قدروا عليه رادارات ثابته او متحركه
او كماين الامن والرخص
ومش بتتشاف اليومين دول كمان

المشكله أن الهدف في أدارات المرور مش الحفاظ على سلامه الماره والراكبين كهدف أصيل , لالا , الهدف هو تسيير السيارات والمركبات ورصد المخالفات الهامشيه

ربنا يكرم بالحل من عنده عاجلا لا آجل .. آمين