السلام عليكم
انا معروض على هيونداي فيرنا موديل 2004 الكوري اتوماتيك عاملة 150000 كيلو وكل صيانتها فى التوكيل حتى غيار الزيت ، صحابي بيقولو لي انى الفيرنا الكوري ممتازه جدا وختلفة تماما عن المصري فعايز اعرف رأيكم
عرض للطباعة
السلام عليكم
انا معروض على هيونداي فيرنا موديل 2004 الكوري اتوماتيك عاملة 150000 كيلو وكل صيانتها فى التوكيل حتى غيار الزيت ، صحابي بيقولو لي انى الفيرنا الكوري ممتازه جدا وختلفة تماما عن المصري فعايز اعرف رأيكم
و عليكم السلام و رحمة الله
هي فعلا عربيه ممتازه أيا كان التقفيل و عربيه أثبتت جدارتها
توكل علي الله
لكن حضرتك لازم تكشف عليها كويس جدا علشان هي أوتوماتيك هو مفيهوش أي عيب يذكر لكن إحنا منعرفش الإستعمال كان أزاي
و الكيلومتر بتاعها في حدود المعقول جدا
بالتوفيق إن شاء الله
استهلاك 150000وموديل 2004
كتير قوى علي عربيه كورى
شوف حاجه مش ماشيه كتير اوي كده
لأن العربيه كوري في الأول و الأخر و ده كتير عليها
مش بعيد تكون بتتأجر
شوف حاجه 80.000 كم مثلاا
العربية مش بتتأجر ولا حاجه بس هى بتاعت صاحبي وهو بيسافر بيها كتيير مش اكتر وفى رأيكم سعرها يكووون كام وعلى فكرة كل الصيانات فى التوكيل ومش بيتأخر عليها بحاجه؟
انا معايا عربية فيرنا 2004 كورى و ماشية 104000 كم و صيانتها كلها فى التوكيل
مين قال ان الكورى ان 150000 كتير و العداد مش كتير لان المعدل المتوسط لاى سيارة فى الشهر حوالى 2000 الى 3000 كيلو حسب السكن يعنى المعدل كويس
واحد زى حاللاتى سكان فى مدينة الشروق - طريق الاسماعيلية لما يبقى معايا عربية 2004 و عامله 104000 كم تبقى فله لان طريقى كل يوم للشغل بيعمل حوالى 84 كم رايح جاى
و بالمناسبة عندى صاحبى عندو فيرنا 2009 و بيشغتل معايا و ساكن جنبى عداده 116000 كم يبقى القصة مش ايجار و لا غيره هو معدل استهلاك و طالما صاحبك وواثق فيه توكل على الله
ماشيه كتير جدا فبلاش منها
استهلاك 150000كم في 2004 مش كتير خالص
دا اقل من القليل كمان
الطريق السريع مريح جدا للعربية ومش بيأثر على الموتور زي وسط البلد
عربية زي مانت بتقول تبقا كويسة جدا لا تقلق منها خالص ان شاء الله
بالنسبة لسعرها بقا
مممممممممممممم
35000 جنيه دا اخرها من وجهة نظري
طيب انت رأيكم يكووون سعرها كام
اولا 150 الف كتير
ثانيا لو عجباك يبقي تقيس الموتور
وتشوف حالة الفتيس
وربنا معاك
ازاى بس 150 الف كتير دة يبقى عامل فى الشهر حوالى 1750 يعنى زى الفل
توكل على الله