ملاحظة

**اسلام المصرى** · 06-06-2007 08:01 PM

السادة الأعضاء المحترمين السلام عليكم و رحمة الله و بركاته

الحمد لله أنا معى لانسر سبورت 1600 موديل 2007 أتوماتيك , ولاحظت اثناء سيرى بالسيارة و بالأخص المشاوير الطويلة من مدينة نصر الى أكتوبر مثلا بسخونية عندما تضع يدك عليها ولكن ليس بمعنى سخونية تلسع فى المنطقة التى أشير اليها فى الصورة التى أخذت من موقع ميتسوبيشى موتورز. فهل لاحظ أحد هذا أيضا و هل هو عادى لأن زيت الفتيس بيسخن و يبرد بعد كده تانى لأنه في نفس المشوار تضع يدك عليه فتجد الحرارة قد قلت. كنت ناوى أسئل عن هذا الموضوع فى التوكيل و أنا بعمل صيانة ال10000 ولكنى نسيت.

و شكرا جزيلا على ردكم و اهتمامكم و فى رعاية الله

**حلواني** · 07-06-2007 09:31 PM

اتمنى حد يجاوبك . بس انا كنت عايز اسألك سؤال: استهلاك البنزين عامل ايه معاك؟ وهل ليك اي ملاحظات على اداء العربية؟

**emadfk** · 07-06-2007 10:39 PM

شوف انا بكره طالع اسكندرية حاشوف حكاية السخونة دى وارد عليك لما ارجع ان شاء الله

**اسلام المصرى** · 08-06-2007 12:28 AM

انشاء الله تروح و ترجع بالسلامة طريق السلامة و أحذر الرادار :D

**Ahmed Hassan** · 08-06-2007 12:52 AM

ارتفاع درجه حرارة المنطقه المحيطه بالفتيس خصوصا الاوتوماتيك شيئ عادي.

**اسلام المصرى** · 08-06-2007 08:07 PM

شكرا يا سيد أحمد على الرد و المعلومة :D

**emadfk** · 08-06-2007 08:46 PM

شوف ياسيدى

انا رحت اسكندرية ورجعت وطول السكة كنت بحط ايدى على المنطقة المشار اليها فى الصورة لكن لم احس باى سخونة حتى لو بسيطة بس يمكن علشان انا طول الوقت مشغل التكييف لكن من الافضل ان تسال التوكيل اذا كانت هذه المنطقة المفروض ان تكون حتى دافئة او لا

وانا تحت امرك فى اى استفسار

اخوك / عماد

**اسلام المصرى** · 09-06-2007 12:07 PM

أولا حمد الله على سلامتك و شكرا على أهتمامك فى المرة القادمة عندما اذهب فيها الى التوكيل سوف أسئل عن هذا الموضوع و أعتقد كما تفضل السيد أحمد و قال انه طبيعى فأنه شىء طبيعى و لا يوجد داعى للقلق.

و شكرا لكم