معاك حق في كلامك
بس الجيش لو كان بدا بيها كان هايخفف بالتدريج زي ماحصل في حظر التجول الصوري الكان حاصل وكانت الناس مرتاحة ليه برضه
على الاقل كان هايبقى في رادع للصوص والبلطجية ومدعي الثورة والفلول عشان محدش يزعل:grin54:
موضوع قديم ..... اتعمل كذا مرة فى المنتدى
الغريب ان ترى من ينادى بالعنف و القمع و تقييد الحريات و كبت الأصوات و انتهاك حقوق الأنسان ...... طريقا للأصلاح و الشفافية و التطهير و العدالة و الحرية
فى تناقض عجيب ...... يجعلنا امام حالة من الميتافيزيقية العقلية و الفكرية ..... شديدة الغرابة !!!!!!!
فاقد الشىء لا يعطيه يا سادة
العنف هو طريق من يدعى الثورة الان
لانه اصبح الوسيلة للانتقام من الشرطة واصبحت المظاهرات فرصة لظهور البلطجية
كبت الاصوات
رايناه عدة مرات فى اتهام من يخالفهم الرأى بإنهم فلول وعملا وخونة .................... الخ
إنتهاك حقوق الانسان
يظهر فى اعتراضهم على احكام القضاء
حتى لو القضاء غير نزيه
يمكن الاعتراض عليه بطرق متحضرة وليس بالعنف
مش عارف ليه الناس بتكلم كأن الموضوه هيطبق فعلا الموضوع هو مجرد عرض للاحكام العرفية فقط لا غير
بالنسبة لرد حضرتك
لو كان الموضوع اتطبق من الأول زي الحظر بس و ابتدي يهدي مع الوقت كان هيرحمنا من حاجات كتيير جدااا اولها البلطجية و الهبل اللي بقينا نشوفه
ده اول ما المجلس العسكري مسك قولت بس خلاص هي الاحكام العرفية و مش عايزين اكتر من كده
و انا معاك يكون فيه اصلاح لكن هتعمل اصلاح ازاي و فيه مخربيين مش بيدوك فرصة انك تصلح و بالتالي الحل الرادع ليهم الضرب بيد من حديد
شكرا على الموضوع وعلى الله مانلاقيش نفسنا رجعنا لعصر عبد الناصر وكبت الحريات وتأميم خلق الله لصالحهم قبل صالح الشعب
شكل حضرتك متابع تاريخ :)
بس ع فكرة عمر ما الجيش يعمل حاجة يخنق بيها الناس مهما حصل ع سبيل المثال الحظر
الحظر في اي دولة حظر بمعني الكلمة متلقيش فرد في الشارع لكن الجيش كان سايبها و الناس كمان كانت بتنزل بليل عشان تتصور مع الدبابات و المدرعات هههههه و احلي حاجة ان الناس بالرغم البلطجية و البلاوي كانوا بينزلوا بعد الساعة 12 ساعة الحظر وسط الجيش و محدش قالهم حاجة ده ابسط مثل يعني
مش محب للتاريخ قوي ولكني ملزم أخاك لابطل كان لازم أضطلع أكثر على التاريخ علشان الظروف ألي بنمر بيها
الجيش والشعب أيد واحدة.............بجد
الجيش لو عايز يلعب بديله كان عملها من الأول وسلمها للي بيطالبو بمجلس رئاسي معين وكانو هما ألي هايعينوه بنفسهم برضه وكانو ظبطو الشعب صح أنما كل الشواهد بتقول أن الجيش غير طامع في السلطة وألا ماكنش أتمسك بالأنتخابات في موعدها وهو ده أسرع وأقوى حل لمحاسبة الفاسدين عن طريق حكومة ومجلس شعب منتخب يعرف يعيد بناء النظام
تحياتي
طب كويس ان حضرتك عملت كده في غيرك و الله و لا ليه دعوة
زميلك بقي مجنون تاريخ ههههه
و فعلا زي مقولت الجيش لو كان عايز يعمل حاجة كان عملها
و كل الشواهد بتدل ان الجيش اللي يهمه هي المصلحة العامة مصلحة البلد
مش داخل في حوار صراع ع السلطة و مين يمسك و مين ميمسكش
و الحل للقضاء ع كل ده اجراء الانتخابات في مواعيدها
و ربنا يعدي اليومين دول ع خير
أنا مقتنع إنه لا قوة تعادل قوة الشعب
أحكام عرفية و بتنجان ده ماياكلش مع شعب ثائر
كان نفع الطغاة في أي مكان
الشعب هاينتصر هاينتصر ، إنسى تماما إن القمع أو العتف هايرجع الشعب المصري .. تبقى بتضيع وقتك و وقتنا بصراحة