لو عملت عربيية ( جمعتها يعنى ) ينفع امشى بيها ؟ او ارخصها وللا اية ؟؟؟

**omaroof** · 07-07-2011 04:16 PM

روح احسن اسئل فى المرور المركزى و اسئل ايه الاجرائات المتبعه وبالمرة ارسل صورة من طلبك ده لرئيس الوزارة لاننا مغيبين من سنين وحاجات كتير ممكن نعملها بتفشل لمجرد الروتين او الناس اللى تهد وتسمع كلام ماينفعش انته لسه حاتعمل ياعم كبر مخك وطبعا فى الاخر النتيجه معروفه
ياراجا دا احنا بلنستورد التوكتوك اللى هوا اصلا موتسكل واتدلع اسئل على الاجرائات ولو عاوز تعمل حاجه خليك مصر عليها

**abou_ruqi** · 07-07-2011 04:19 PM

المشاركة الأصلية كتبت بواسطة ahmedsrs

طيب وليه تعمل عربية من الاول انزل بورسعيد وهات شاسيه عربية فاضى من ماركة قديمة وملاه

حل مكلف جدا طب ما يجيب 128 ب 10 الاف جنيه احسن على الاقل ماشية

**prisoner** · 07-07-2011 04:43 PM

وممكن سيات 133 او زاستافا هاتكون اقل بكتير من ال128

**Mik_t4** · 07-07-2011 04:49 PM

المشاركة الأصلية كتبت بواسطة a_h_m_a_d

قصدك يعني حاجه زي دي كده

ههههههههههههههههههههههههه هههههههههههههههههههه
اييييييييييييية داااااااااااااااااااااااا ااا؟؟؟؟
دا بجد ولا لعبة
علفكرة لصاحب الموضوع انا سمعت ان واحد عمل كدا في طنطا صمم عربية وصنعها وراح المرور عملها ملف علي انة هو صاحب التصميم والتصنيع وطلعلها رخصة
بس دا كلام انا سمعتة من احد صاحبي في طنطا لكن مشفتوش

**Mik_t4** · 07-07-2011 04:57 PM

المشاركة الأصلية كتبت بواسطة tarekzein

فاهم قصدك صح يابو رقيه

أنا قصدى بقى ميتعبش نفسه عالفاضى

كل الطرق مقفوله على أى مبدع أو مفكر

طب حد فاكر الراجل اللى حول مكنة الرى الزراعى لعربيه بــخمس تلاف جنيه بس

تقريبا كده مات بحسرته

في دلوقت في المحافظات الريفية ما لا يقل عن 20 الف عربية مكونة من دفرنس عربية قديمة وموتور ري 2 سلندر ودركسيون وصندوق ورا وبتمشي سرعات ومتركبلها فتيس
انا عن نفسي بشوف واحدة كل يوم علي الطريق الزراعي بين كفر الزيات وطنطا بتبق ماشيبة علي سرعة 60 ويمكن ازيد لان فيها غيارات
وبالنسبة للتكلفة مظنش انها تذكر وكمان متعة انك تكون راكب حاجة عاملها بئيدك ولو علي الشكل اكيد المصريين مش هيغلبو
دا احنا عملنا من الرمل تماثيل العالم بيستعجب منها لحد النهردا

**virus2007** · 07-07-2011 05:55 PM

ايوة وتاكيدا لكلامك

الى عمل العربية دى هو طلبة ميكانيكا فى مشروع التخرج وكانوا دفعتى .. قدروا يعملوا عربية بتمشى وكانت محطوطة فى كلية هندسة جامعة طنطا لمدة كام شهر ... بجد العربية كانت كويسة وفعلا لو اتطورت او حد اهتم بالناس دى كان زمان عندنا مصنع عربيات لاول سيارة مصرية

**Mik_t4** · 07-07-2011 06:41 PM

انا عملت موضوع يبين ان الحكاية مش صعبة وممكنة
والي يحب يشوفة يتفضل علي الرابط دا
http://www.nilemotors.net/Nile/23147...post3873638191

**tarekzein** · 07-07-2011 08:19 PM

المشاركة الأصلية كتبت بواسطة Mik_t4

في دلوقت في المحافظات الريفية ما لا يقل عن 20 الف عربية مكونة من دفرنس عربية قديمة وموتور ري 2 سلندر ودركسيون وصندوق ورا وبتمشي سرعات ومتركبلها فتيس
انا عن نفسي بشوف واحدة كل يوم علي الطريق الزراعي بين كفر الزيات وطنطا بتبق ماشيبة علي سرعة 60 ويمكن ازيد لان فيها غيارات
وبالنسبة للتكلفة مظنش انها تذكر وكمان متعة انك تكون راكب حاجة عاملها بئيدك ولو علي الشكل اكيد المصريين مش هيغلبو
دا احنا عملنا من الرمل تماثيل العالم بيستعجب منها لحد النهردا

أيوه بس برضه محدش عرف يرخصها

**Mik_t4** · 07-07-2011 08:27 PM

المشاركة الأصلية كتبت بواسطة tarekzein

أيوه بس برضه محدش عرف يرخصها

يا باشا وهيرخصها لية اصلا
الراكل دا مثلا مزارع او كدا مبيخرجهاش من القرية بتاعتة ولو خرجت بتبق نادر جدا
بتتعمل عشان يشيل عليها حاجة يوديها ارضة او كدا او السوق وكدا
واصلا هيا مش شكل خالص لانهم مش بيبقو مقفلين العربية من قدام عند موتور المية لا بتبق لها ازاز وكل حاجة لكن مش متغطية
وكمان مبتكنش متكلفة يعني
الشكمان بيبق بتاع الموتور الاصلي وصوتة اجارك الله منة لكن بتمشي وبتشيل كتير اوي اوي وبتجر وراها كمان مع انها 2 بستم
انا اقصد ان الفكرة كا تصميم وحركة وكدا تنفع
لكن لازم حجات تانية زي الشكل والامان وكدا
يعني مثلا المزارع مش هيعرف يرخصها لسبب بسيط ان ملهاش باب مثلا وثاعات مفيش اضائة
المزارع بيعملها مشروع عملي بحت مش رفاهية وامان وكدا
فعشان كدا مش هتترخص