لو عملت عربيية ( جمعتها يعنى ) ينفع امشى بيها ؟ او ارخصها وللا اية ؟؟؟

السلام عليكمة ورحمة الله وبركاته
يا رجال مصر الاوفياء
يا شباب مصر المخلصين
يا ابناء هذا الوطن العزيز
بعد النظر لدخل ابناء مصر ومتطلبات الحياة الضرورية التى يغلو ثمنها يوما بعد يوم
ونظرا لارتفاع اسعار السيارات ما تعتبرة الحكومة رفاهية و اللى عاوز يجيبها يبقى فافى
وتركنا نركب ميكروباصات واتوبيسات اغلبها يعمل منذ ان كان جدى تلميذ فى kg1
وان فكرت تجيب مستعمل تجيب عربية تعبانة من ايام ما كان جدى فى ابتدائى وبسعر عالى( طبعا المصاريف ولعة العربية بتفطر وتتغدى وتتعشى فلوس )
فانا قلت ممكن نعممل حاجة تريحنا وتهون علينا القصة وبسعر معقول نسبيا
نجيب بارات حديد من اللى هى على شكل مستطيل مجوف من الداخل ونعمل شاسية لجسم العربية ونقفلها بالصاج طبعا هيراعى الشكل الجمالى شوية مش هعمل علبة سالمون ماشيةفى الشارع لاة هتبقى شكلها حلو برضة وقمنا جايبين موتور اتنين سلندر وحبة حاجات عن الحداد علمنالها عفشة
وظبطناها وهى لفرد واحد وفيها شنطة واسعة شوية بالنسبة لحجمها
هل ينفع امشى بيها فى الشارع وللا هيطلعلى بتاع المرور من تحت اول مطب يقولى مش مترخصة وياخدها وسين وجيم ولو روحت ارخصها هينفع وللا لاة ولية واشمعنى ؟؟؟

انت بتتكلم جد ؟؟؟

قصدك يعني حاجه زي دي كده

http://hh7.net/Jul1/hh7.net_13100369651.jpg

بس انا اصلى عامل حاجة شكلها احسن من كدة بكتيييييييييييييييير بس ناقصها التنفيذ العملى بس هتبقى باربع عجلات

اقتباس:

---

انت بتتكلم جد ؟؟؟

---

ايوة جد هعمل عربية لنفسى طالما مش قادر اشترى عربية نظيفة جديدة بسعر رخيص

طبعا مينفعش

لازم يكون ليها ملف فى المرور

اقتباس:

---

طبعا مينفعش

لازم يكون ليها ملف فى المرور

---

ازاى بقى يتعملها ملف فى المرور عشان تترخص وتمشى

وفى حاجة تانية كنت عاملها برضة بس هتبقى اكثر تكلفة اركبلها موتور كهربى وقانون المرور عندنا متكلمش عن المركبات الكهربية هل لو كدة مينفعش تمشى فى الشارع برضة

فكرة جامدة عاش والله ياشباب مصر . طب ماتفرجنا ياباشا علي صورتها.

اعملها في بلد بره مصر واعملها شهادة منشأ من هناك واستوردها تاني

اقتباس:

---

اعملها في بلد بره مصر واعملها شهادة منشأ من هناك واستوردها تاني

---

طب ومينفعش اعملها شهادة المنشاء دية هنا

اولا هى لسة معايا على ورق طب لو نفذتها هتاحد فلوس كتير يعنى بوكى متببوكة فهل هينقع استخدمها للا هتبقى زى عدمها

اقتباس:

---

المشاركة الأصلية كتبت بواسطة abdalah_hashem

طب ومينفعش اعملها شهادة المنشاء دية هنا

اولا هى لسة معايا على ورق طب لو نفذتها هتاحد فلوس كتير يعنى بوكى متببوكة فهل هينقع استخدمها للا هتبقى زى عدمها

---

احنا عندنا عقدة الخواجة , واللي جي من بره بنديله خيرنا و ابن البلد بناخد خيره و نديله بالـ... علشان كده جبتلك من الأخر , طلع شهادة منشأ من أي بلد محترمة بتشجع الأختراعات وهما هنا حعدوها من غير ولا كلمة إنما تعملها هنا معتقدش حد من الجهابزة أعداء الابداع حيسمح لك بكده
علشان كده لازم تنزل بكرة المظاهرات

ياباشا ده حتى لو حبيت تستورد عربيات من بره

برضه مينفعش

عارف سعر المستعمل بره بكاااام

هوندا سيفيك 2000 بــ 350 يورو

فيكترا 2003 بــ 400 يورو بس تصور

وعشان تجيبها مصر لازم تكون أول مالك ليها

متزهقش نفسك بقى

وتفكرنا باللى أحنا ناسيينه

إنسى ياباشا

اقتباس:

---

المشاركة الأصلية كتبت بواسطة tarekzein

ياباشا ده حتى لو حبيت تستورد عربيات من بره

برضه مينفعش

عارف سعر المستعمل بره بكاااام

هوندا سيفيك 2000 بــ 350 يورو

فيكترا 2003 بــ 400 يورو بس تصور

وعشان تجيبها مصر لازم تكون أول مالك ليها

متزهقش نفسك بقى

وتفكرنا باللى أحنا ناسيينه

إنسى ياباشا

---

يا بيه انت فهمتني غلط , أنا قصدي يروح يعمل عربيته بره مصر مش قصدي يجيب مستعمل

يعنى كدة مفيش امل الواحد يجيب عربية ولا انة يعمل لنفسة ركوبة مستريحة يللا كتب علينا الشقاء الحمد لله
يبقى مفيش غير ان الواحد يجيب حمار ببردعة وسلبة واهو هياكل بارخص من البنزين وملوش رخص وبيمشى فى اى حتة وبيطلع السلم كمان ومبيسخنش ولا بيتغيرلة زيت ومسلى وبيحفظ الطريق ولا بيبطل منك وانت ماشى ولا حاجة وبيعترف بفضللك علية كل لما تاكلة وتشربة وتحمية :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2: :crying2:

اقتباس:

---

المشاركة الأصلية كتبت بواسطة abou_ruqi

يا بيه انت فهمتني غلط , أنا قصدي يروح يعمل عربيته بره مصر مش قصدي يجيب مستعمل

---

فاهم قصدك صح يابو رقيه

أنا قصدى بقى ميتعبش نفسه عالفاضى

كل الطرق مقفوله على أى مبدع أو مفكر

طب حد فاكر الراجل اللى حول مكنة الرى الزراعى لعربيه بــخمس تلاف جنيه بس

تقريبا كده مات بحسرته

اصنعها
اعمل براءة اختراع
سجلها في التجارة والصناعة
اطلع علي المرور رخص
ركب سماعات بايونير 500 جامدين جدااااااااااااااااااا
هههههههههههههههههههههههه

اقتباس:

---

وفى حاجة تانية كنت عاملها برضة بس هتبقى اكثر تكلفة اركبلها موتور كهربى وقانون المرور عندنا متكلمش عن المركبات الكهربية هل لو كدة مينفعش تمشى فى الشارع برضة

---

طب لو الماتور كهربة يا رجالة هتبقى نفس القصة وللا اية

طب لو حضرتك اخدت التراخيص وكل حاجه هتقدر تعمل عربيه !!
انا بيتهيألي صعب ولا رأي حضرتك ايه ؟

اقدر اعملها وانفذها انا وبعض اصدقائى بس المشكلة هتكون فى هل هينفع نستخدمها وللا هنعملها عشان نعينها

طيب وليه تعمل عربية من الاول انزل بورسعيد وهات شاسيه عربية فاضى من ماركة قديمة وملاه

روح احسن اسئل فى المرور المركزى و اسئل ايه الاجرائات المتبعه وبالمرة ارسل صورة من طلبك ده لرئيس الوزارة لاننا مغيبين من سنين وحاجات كتير ممكن نعملها بتفشل لمجرد الروتين او الناس اللى تهد وتسمع كلام ماينفعش انته لسه حاتعمل ياعم كبر مخك وطبعا فى الاخر النتيجه معروفه
ياراجا دا احنا بلنستورد التوكتوك اللى هوا اصلا موتسكل واتدلع اسئل على الاجرائات ولو عاوز تعمل حاجه خليك مصر عليها

اقتباس:

---

المشاركة الأصلية كتبت بواسطة ahmedsrs

طيب وليه تعمل عربية من الاول انزل بورسعيد وهات شاسيه عربية فاضى من ماركة قديمة وملاه

---

حل مكلف جدا طب ما يجيب 128 ب 10 الاف جنيه احسن على الاقل ماشية

وممكن سيات 133 او زاستافا هاتكون اقل بكتير من ال128

اقتباس:

---

المشاركة الأصلية كتبت بواسطة a_h_m_a_d

قصدك يعني حاجه زي دي كده

http://hh7.net/jul1/hh7.net_13100369651.jpg

---

ههههههههههههههههههههههههه هههههههههههههههههههه
اييييييييييييية داااااااااااااااااااااااا ااا؟؟؟؟
دا بجد ولا لعبة
علفكرة لصاحب الموضوع انا سمعت ان واحد عمل كدا في طنطا صمم عربية وصنعها وراح المرور عملها ملف علي انة هو صاحب التصميم والتصنيع وطلعلها رخصة
بس دا كلام انا سمعتة من احد صاحبي في طنطا لكن مشفتوش

اقتباس:

---

المشاركة الأصلية كتبت بواسطة tarekzein

فاهم قصدك صح يابو رقيه

أنا قصدى بقى ميتعبش نفسه عالفاضى

كل الطرق مقفوله على أى مبدع أو مفكر

طب حد فاكر الراجل اللى حول مكنة الرى الزراعى لعربيه بــخمس تلاف جنيه بس

تقريبا كده مات بحسرته

---

في دلوقت في المحافظات الريفية ما لا يقل عن 20 الف عربية مكونة من دفرنس عربية قديمة وموتور ري 2 سلندر ودركسيون وصندوق ورا وبتمشي سرعات ومتركبلها فتيس
انا عن نفسي بشوف واحدة كل يوم علي الطريق الزراعي بين كفر الزيات وطنطا بتبق ماشيبة علي سرعة 60 ويمكن ازيد لان فيها غيارات
وبالنسبة للتكلفة مظنش انها تذكر وكمان متعة انك تكون راكب حاجة عاملها بئيدك ولو علي الشكل اكيد المصريين مش هيغلبو
دا احنا عملنا من الرمل تماثيل العالم بيستعجب منها لحد النهردا

ايوة وتاكيدا لكلامك

الى عمل العربية دى هو طلبة ميكانيكا فى مشروع التخرج وكانوا دفعتى .. قدروا يعملوا عربية بتمشى وكانت محطوطة فى كلية هندسة جامعة طنطا لمدة كام شهر ... بجد العربية كانت كويسة وفعلا لو اتطورت او حد اهتم بالناس دى كان زمان عندنا مصنع عربيات لاول سيارة مصرية

انا عملت موضوع يبين ان الحكاية مش صعبة وممكنة
والي يحب يشوفة يتفضل علي الرابط دا
http://www.nilemotors.net/Nile/23147...post3873638191

اقتباس:

---

المشاركة الأصلية كتبت بواسطة Mik_t4

في دلوقت في المحافظات الريفية ما لا يقل عن 20 الف عربية مكونة من دفرنس عربية قديمة وموتور ري 2 سلندر ودركسيون وصندوق ورا وبتمشي سرعات ومتركبلها فتيس
انا عن نفسي بشوف واحدة كل يوم علي الطريق الزراعي بين كفر الزيات وطنطا بتبق ماشيبة علي سرعة 60 ويمكن ازيد لان فيها غيارات
وبالنسبة للتكلفة مظنش انها تذكر وكمان متعة انك تكون راكب حاجة عاملها بئيدك ولو علي الشكل اكيد المصريين مش هيغلبو
دا احنا عملنا من الرمل تماثيل العالم بيستعجب منها لحد النهردا

---

أيوه بس برضه محدش عرف يرخصها

:untitled 1::untitled 1::untitled 1:

اقتباس:

---

المشاركة الأصلية كتبت بواسطة tarekzein

أيوه بس برضه محدش عرف يرخصها

:untitled 1::untitled 1::untitled 1:

---

يا باشا وهيرخصها لية اصلا
الراكل دا مثلا مزارع او كدا مبيخرجهاش من القرية بتاعتة ولو خرجت بتبق نادر جدا
بتتعمل عشان يشيل عليها حاجة يوديها ارضة او كدا او السوق وكدا
واصلا هيا مش شكل خالص لانهم مش بيبقو مقفلين العربية من قدام عند موتور المية لا بتبق لها ازاز وكل حاجة لكن مش متغطية
وكمان مبتكنش متكلفة يعني
الشكمان بيبق بتاع الموتور الاصلي وصوتة اجارك الله منة لكن بتمشي وبتشيل كتير اوي اوي وبتجر وراها كمان مع انها 2 بستم
انا اقصد ان الفكرة كا تصميم وحركة وكدا تنفع
لكن لازم حجات تانية زي الشكل والامان وكدا
يعني مثلا المزارع مش هيعرف يرخصها لسبب بسيط ان ملهاش باب مثلا وثاعات مفيش اضائة
المزارع بيعملها مشروع عملي بحت مش رفاهية وامان وكدا
فعشان كدا مش هتترخص