نائب مأمور قسم العمرانية: لو اتسرقت عربيتك.. دوّر عليها إنت وأصحابك

**زينة الله** · 07-07-2011 01:41 PM

نائب مأمور قسم العمرانية: لو اتسرقت عربيتك.. دوّر عليها إنت وأصحابك

كتب محمد السنهورى ٧/ ٧/ ٢٠١١عندما قرر الإبلاغ عن سرقة سيارته لم يتوقع أن يحصل على هذا الرد من نائب مأمور قسم العمرانية: «روح دور عليها إنت وأصحابك وهتلاقيها إن شاء الله».. الرد كان أكثر من صدمة بالنسبة لحاتم حافظ، الباحث بأكاديمية الفنون، صاحب السيارة التى سرقت من أمام مقر عمله، فى شارع خاتم المرسلين فى العمرانية.
لم تغير عبارة نائب المأمور فى نية «حاتم» شيئاً، حيث واصل وحرر محضراً بسرقة السيارة، لكنه فوجئ بنائب المأمور يصف له عدداً من الأماكن التى قد يجد سيارته فيها، وطالبه بأن يذهب إليها فربما يعثر عليها، فما كان من «حاتم» سوى أن سأل نائب المأمور: «طالما عارفين الأماكن ليه مش بتقبضوا على اللى فيها وترجعوا لنا عربياتنا؟».. ومرة أخرى صدمه النائب بالرد: «إحنا مانقدرش ندخل الأماكن دى».
لا أحد من أصدقاء «حاتم» استطاع مساعدته، حيث اكتفى جميعهم بمواساته فى مصيبته، وإن هاجمه البعض، واعتبروا سرقة سيارته ضريبة يجب أن يدفعها كل مؤيد للثورة، و«حاتم» منهم. هنا نسى «حاتم» سيارته وانبرى فى الدفاع عن الثورة. وطالب مؤلف رواية «لأن الأشياء تحدث» المصريين بالصبر على الثورة حتى تحقق أهدافها، لكنه أرفق بطلبه رقم ولون وبيانات سيارته، ربما يساعده مؤيدو الثورة فى العثور عليها.

**abdalah_hashem** · 07-07-2011 01:57 PM

الشرطة زى ماهى ..:((
لما هما الحكومة اللى عندها سلاح وسيدتة البلد زى ما بيقولا ازاى ما يقدروش يدخلوا الاماكن دية خايفن يطلعلهم ابو رجل مسلوخة

**tarekzein** · 07-07-2011 02:50 PM

طب ما الكلام ده أنا سمعته قبل كده

من مأمور قسم الدقى بنفسه وشحمه ولحمه ودمه

وكان قبل الثوره

ولما شوفت عربيتى فى مكان

قاللى روح هاتها بنفسك

وما مسكتها قالولى هاتهالنا القسم عشان نحجزها وتاخد إفراج من النيابه

عايزه حاجه تانى يازينه

وألا كده كفايه

**sanhory** · 07-07-2011 02:59 PM

انا والله ما كتبت حاجة

**hossam_elwani** · 07-07-2011 03:00 PM

الشرطه بقت عامله زى النسوان قاعده فى البيت ولما تخرج تبلطج

شوفتوا الحلقه بتاعت محمود سعد امبارح فيها الصدمه الكبيره حكايه زى حكاية خالد سعيد تمام

**tarekzein** · 07-07-2011 03:06 PM

المشاركة الأصلية كتبت بواسطة sanhory

انا والله ما كتبت حاجة

مش أنت ياسنهورى

متقلقش

هيا هتعترف دلوقتى

وتقول ناقله الكلام ده منين

**MASERATI** · 07-07-2011 03:07 PM

المشاركة الأصلية كتبت بواسطة زينة الله

نائب مأمور قسم العمرانية: لو اتسرقت عربيتك.. دوّر عليها إنت وأصحابك

كتب محمد السنهورى ٧/ ٧/ ٢٠١١عندما قرر الإبلاغ عن سرقة سيارته لم يتوقع أن يحصل على هذا الرد من نائب مأمور قسم العمرانية:..................

ومرة أخرى صدمه النائب بالرد: «إحنا مانقدرش ندخل الأماكن دى»....................

السلام عليكم و رحمة الله و بركاته

أنا مش متخيل ازاى ظابط شرطة -و تلاقيه كمان بشنب- قلبه يطاوعه أنه يقول الكلام ده عن نفسه, ده لو واحدة ست, ممكن تستحى تقول كده.

و بعدين مايقدرش يدخل الأماكن دى ليه ؟؟؟!!!, الظاهر عاوز محرم يخش معاه .

**زينة الله** · 07-07-2011 03:28 PM

المشاركة الأصلية كتبت بواسطة tarekzein

طب ما الكلام ده أنا سمعته قبل كده

من مأمور قسم الدقى بنفسه وشحمه ولحمه ودمه

وكان قبل الثوره

ولما شوفت عربيتى فى مكان

قاللى روح هاتها بنفسك

وما مسكتها قالولى هاتهالنا القسم عشان نحجزها وتاخد إفراج من النيابه

عايزه حاجه تانى يازينه

وألا كده كفايه

المشاركة الأصلية كتبت بواسطة tarekzein

مش أنت ياسنهورى

متقلقش

هيا هتعترف دلوقتى

وتقول ناقله الكلام ده منين

هههههههههههههههههههههه :)

من المصرى اليوم والله يا باشا :) والله يا باشا مش كلامى

:)

ومش عايزة أى حاجة غير سلامتك ورضاك يا باشا

وسمعت كمان من شهود عيان عن سرقة العربيات شهادات أنقح من كدا بس على رأى زميلنا سنهورى مش حاتكلم إلا إذاااااااااا

المشاركة الأصلية كتبت بواسطة sanhory

انا والله ما كتبت حاجة

**tarekzein** · 07-07-2011 03:40 PM

خلاص يارجاله

المتهمه إعترفت وكتبت إقرار أنها مش هتعمل مواضيع زى دى تانى :)

أنا بفكر بجد أنزل بكره التحرير

شكلها كده مفيش فايده

مفيش ثوره

**زينة الله** · 07-07-2011 03:42 PM

المشاركة الأصلية كتبت بواسطة hossam_elwani

الشرطه بقت عامله زى النسوان قاعده فى البيت ولما تخرج تبلطج

المشاركة الأصلية كتبت بواسطة MASERATI

السلام عليكم و رحمة الله و بركاته

أنا مش متخيل ازاى ظابط شرطة -و تلاقيه كمان بشنب- قلبه يطاوعه أنه يقول الكلام ده عن نفسه, ده لو واحدة ست, ممكن تستحى تقول كده.

و بعدين مايقدرش يدخل الأماكن دى ليه ؟؟؟!!!, الظاهر عاوز محرم يخش معاه .

لأ مش ممكن كسوف أوخوف أبتااااااا

مش قادرة أصدق إن حماة الوطن خوافين مطلقا

يمكن يكونوا محتاجين عتاد أو إمكانيات :) إلا صحيح ما ينفعش يجربوا مع العصابات دى القنابل المسيلة للدموع

الموضوع: نائب مأمور قسم العمرانية: لو اتسرقت عربيتك.. دوّر عليها إنت وأصحابك

LinkBack

أدوات الموضوع

عرض

نائب مأمور قسم العمرانية: لو اتسرقت عربيتك.. دوّر عليها إنت وأصحابك - انشر الموضوع فى :

-

-

-

وزارة الداخلية تستقبل الحرس الخاص لمعمر القذافى و تجتمع بهم لتبادل الخبرات الأمنية. -

-

-

-

المواضيع المتشابهه

احترم عربيتك ومتبخلش عليها

عربيتك اتسرقت؟ او خايف تتسرق؟

الكلمات الدلالية لهذا الموضوع

المفضلات

المفضلات

ضوابط المشاركة