اللى عنده معلومات عن مصيف مرسى مطروح يفيدنا لو سمحتم

**Ghosts** · 08-07-2011 11:02 AM

المشاركة الأصلية كتبت بواسطة alrabeh

يا ترى الشاليه اللى على البحر سعره كام فى الأسبوع والداخلى بكام

بص حضرتك أنا مش هاقدر أفيدك فى النقطة دى ....
لأن الأسعار كل سنة بتزيد بشكل مستفز ....
زماااااان قبل ما الناس تعرف أندلسية كانت حاجة ببلاش كدة ....
ممكن تجيب أهرام النهاردة والوسيط وشوف ....

**alrabeh** · 08-07-2011 11:37 AM

شكرا جزيلا لسرعة ردك

**raouf** · 08-07-2011 03:11 PM

انا السنة اللى فاتت شاليه على الربوة فى افضل مكان على البحر مباشرة وخدته ب220 جنيه وكان غرفتين نوم وصاله
خد الرقم ده لشخص محترم هو مدرس ومدرب هناك وفى ايام الاجازة الصيفية بياجر شاليهات وقول له من طرف المهندس عبدالرؤف اللى كان معاه فورد اكسبدشن واجر منك السنة اللى فاتت
0125900277

ان شاء الله يوجب معاك ميزنه انه امين جدا واللع هاتديه ليه مش هايتكلم معاك

**alrabeh** · 08-07-2011 04:22 PM

المشاركة الأصلية كتبت بواسطة raouf

انا السنة اللى فاتت شاليه على الربوة فى افضل مكان على البحر مباشرة وخدته ب220 جنيه وكان غرفتين نوم وصاله
خد الرقم ده لشخص محترم هو مدرس ومدرب هناك وفى ايام الاجازة الصيفية بياجر شاليهات وقول له من طرف المهندس عبدالرؤف اللى كان معاه فورد اكسبدشن واجر منك السنة اللى فاتت
0125900277

ان شاء الله يوجب معاك ميزنه انه امين جدا واللع هاتديه ليه مش هايتكلم معاك

عاجز عن الشكر لسيادتك
هو فى منطقة ايه الشاليه من فضلك وهل ليه اى صورة توضح رؤية البحر والشاليه
مرة أخرى شكرا جزيلا

**raouf** · 08-07-2011 04:43 PM

مش فاكر بصراحة فى اى منظقة هو كان على اعلى ربوة حاجة زى جبل كده وهو فوقها وكان افضل مكان
وعلشان اخده اهدنا شاليه داخلى لمدة يوم لانه كان محجوز وانا صممت عليه لانه عجبنى جدا وخصوصا فى الخصوصية لان البحر انانى فى اعلى منطقة ومحدش كان كاشفنى
كلم انت بس شريف وخد منه اسعار السنة دى وهو هايظبطك

**alrabeh** · 08-07-2011 05:15 PM

بارك الله فيك وأجازة سعيدة لك ولأسرتك الكريمة

**raouf** · 20-07-2011 10:41 AM

المشاركة الأصلية كتبت بواسطة alrabeh

عاجز عن الشكر لسيادتك
هو فى منطقة ايه الشاليه من فضلك وهل ليه اى صورة توضح رؤية البحر والشاليه
مرة أخرى شكرا جزيلا

ها ايه اخبار الاجازة ومطروح ؟

**alrabeh** · 20-07-2011 11:11 AM

أهلا بيك أخى الفاضل وبلغك رمضان
بالفعل تم الإتصال بأستاذ شريف ولكن للأسف الوقت اللى كنت عاوز أطلع فيه مكانش فيه أماكن فاضية عنده فقررت تأجيل السفر لبعد رمضان بمشيئة الرحمن
وأجازة سعيدة علينا جميعا
وبجد خالص شكرى لسيادتك ولإهتمامك

**Ali_Abo_Amr** · 20-07-2011 12:25 PM

السلام عليكم
انا لسه راجع من هناك وكله تمام الحمد لله ...
- بص موضوع تأجير شقه ده انا ماجربتوش علشان كنت طالع تبع الشغل لكن قابلت ناس هناك وسألتهم والايجار من 150 الى 200 فى اماكن قريبة جدا من الكورنيش اللى هو البحر يعنى ومش لازم تبقى على البحر
- انا رأيى مش هاتفرق الشقه على البحر او لأ ... انت اساسا من الصبح هاتنزل تقعد على البحر وهاتاخد تاكسى تروح بيه الشاطئ اللى انت عايزه
- التاكسى هناك يوديك شاطئ عجيبة اللى هى ابعد نقطة تقريبا بياخد 30 جنيه ويوديك شاطىء الابيض (قبل عجيبة) بـ 20 جنيه
- شاطئ الغرام جميل جدا ومناسب جدا للاطفال وفيه معدية بـ 2 جنيه للفرد تنقلك من و إلى الكورنيش وتوفر ال 20 جنيه بتوع التاكسى
- التنقل داخل مطروح بالتاكسي تدفعله 5 جنيه ... رايح سوق ليبيا .. معديه شاطئ الغرام ... السيرك ...تجيب اللب بتاع نصر
- الكورنيش بالليل تحفه ... تنزل تتمشى وتاكل لب وذرة وايس كريم وتركب العيال عجل ..
- لو عايز تقعد فى شوطئ غاليه وفيها خدمات ممكن تروح شاطئ الريفيرا وتدفع الشمسية والكراسى حوالى 50 جنيه
او تروح شاطئ الابيض بس تقول للتاكسى الابيض بتاع الجيش
- لو عايز حاجة وسط يبقى شاطئ الغرام شمسية و4 كراسي بـ 15 جنيه
- شاطئ عجيبة تروح بعد العصر علشان الشمس وهو للتصوير الرائع والمناظر الطبيعية

معلش انا طولت بس حبيت افيد بكل حاجه انا عارفها ... ولو فيه اى استفسار تحت امرك