الماتريكس و الإلنترا فيهم ميزات مشتركه كتير و منها اللإستخدام العائلي و الإتساع و إحتمال السفر و كل شئ يعتبر فيهم
لكن الإلنترا أنعم من الماتريكس
شنطه أوسع من الماتريكس
إستهلاك بنزين أٌل من الماتريكس
راحه داخليه أكثر من الماتريكس
الثبات أعلي من الماتريكس
لكن الماتريكس وضعية الجلوس فيها أحسن من الإلنترا(لكن الكراسي ناشفه شويه)
و العفشه أنشف شويه و مبتريحش في التحميل و تهبط
و صيانتها أبسط و أرخص من الإلنترا
و الكنبه الخلفيه واسعه
العربيتين كأوتوماتيك مفيش أي مشاكل و فتيس عملي جدا لكن الإلنترا الفتيس نقلاته ناعمه و سحبه أفضل
علي العموم العربيتين كويسين و الماتريكس عربيه شقي و شغل مستمر ...الإلنترا عربية رفاهيه و نعومه
أنا برشح لحضرتك تزود شويه عن الـ75 و تجيب إلنترا حالتها حلوه و كيلو متر قليل
و تحت أمر حضرتك في أي إستفسار في أي وقت
المفضلات