يا ريت حد يفهمنى

**aboelshoog** · 03-05-2008 03:23 PM

السلام عليكم
انا اشتريت عربية لانوس 2008 من عند سمير ريان المهم مش هاطول عليكم انا لاقيتهم متعمدين يدونى العربية دى بالذات وانا وافقت لانى كنت رايح عن طريق واحد قريب وقالولى ان العربية بتغلى فى السعر كل يوم عن اليوم اللى قبلة فكان لازم اخلص المهم اشترتها كاش من اسبوع كدة ولسة حتى مش رخصت عشان مش فية نمر بالمرور .. المشكلة بقى انى لما بشغل التكييف العربية بتتخنق جدا لدرجة انى بكون دايس على البنزين لاخر الدواسة ومش بتسحب خالص ؟ انا عايز حد يدلنى بقى على الموضوع دة خاصتا ان صوت العربية اصلا عالى شويتين وانا فضلتها عن الفيرنا عشان صوت الانوس واطى اكتر .. ولو بقى شوفتم لما بشغل التكييف وبيكون فية معايا فى العربية اربع افراد بتكون بطيئة جدا جدا جدا جدا .. ارجو الافادة ولكم جزيل الشكر

**zeyad1810** · 03-05-2008 05:25 PM

معنى انك لسة جايبها من اسبوع يبقى انت لسة بتلين صح ؟؟؟
يبقى حرام عليك تشغل التكيف فى التلين وكمان عايز تسحب وتجرى ب العربية وهى لسة بتلين

هو المفروض انك فى اول 1000 كيلو تكون بتمشى على سرعات قليلة يعنى بالكتير توصل ل 80 علشان الموتور لسة زيرو وفى الفترة دى ممنوع تشغل التكيف

واستنى اراء الناس التانية شوف هيقولولك اية ؟

**sokasoon** · 03-05-2008 06:29 PM

انا جربت التكيف وانا فى التلين وحسيت انو خنق العربية شوية

بس ماجربتوش تانى غير بعد ما خلصت التلين بشوية يعنى كنت عامل 1800 كم /ث

ماحسيتش إن العربية مخنوقة خالص وكنت مشغل التكيف على 2

وكان مسقع كويس جدااا رغم ان العربية كانت واقفة فى الشمس فترة كبيرة

وكان راكب معايا واحد بس فى العربية

**MMamdouh** · 03-05-2008 09:16 PM

العربية لسة موتورها متفتحش و بالتالى متتوقعش انه يديك اقصى قدرة دلوقتى...

متحاولش تحمل على الموتور مرة واحدة لكن تدريجى زود الحمل... بمعنى ابدا احرق على الغيارات بالتدريج و انت لوحدك و مش مشغل التكييف لحد ما موتور العربية يفتح معاك و يدى اقصى قدرة ليه

لو فضلت تحسس على الموتور حيفضل مقفول و العربية حتبقى مخنوقة و لو حملت عليه جامد كدة ممكن تحصل مشاكل.... السر فى التدريج

MMamdouh