عرض للطباعة
السلام عليكم ورحمة الله وبركاته
يارب يكون كل البروتوناوية بخير
انا عربيتي عاملة 21 الف كيلو
امبارح بدأ يظهر صوت كدة صفارة وانا ماشي بالعربية احيانا لما اضغط فرامل واحيانا بدون لما اجي على مطب
هل دا فعلا صوت التيل انه خلص؟؟
لو هو فعلا
ياريت الله يكرمكم تقولولي .. افضل نوع تيل فرامل من الاخر وتمنه عشان انا يهمني الكفاءة وميكنش بيعمل صوت
في انتظار ردكم
شكرا
متابع
السلام عليكم
متابع ايضا لاهمية الامر...وكم اسعار التيل البوش الاصلي في التوكيل هل مازال 1400 تقريبا؟
وهل يوجد بدائل لسيارات اخرى تنفع للجين 2؟
تحياتي
أسمع انو تيل الفيات برافو تقريبا او البونتو زي الجين 2
افضل تيل للجن 2 هو البوش الالماني اللي في التوكيل حاليا بعد اخر التطورات والاجتماعات معنا على الجروب على الفيس بوك
880 جنيه بالضريبه
ويليه في الجوده الماليزي اللي بحوالي 225 جنيه في التوكيل
ولو انت بره الضمان في نوع اسمه هالتيكس بيتباع عند محل اسمه يوسف محمد يوسف بتاع قطع غيار فيات في شارع فيصل مقابل شارع العريش تحت التابعي الدمياطي
وسعره 125 جنيه عن تجربه لكل انواع التيل اللي في السوق
والخلفي مافيش افضل من الماليزي اللي في التوكيل
تقبلوا تحياتي
انا كمان عندي الفرامل لما اكبس عليها احيانا بتصفر واحيانا لا ... المشكلة اني محتار واحد يقولي التيل عاوز يتغير وواحد يقولي لسة كويس ... حاجة تانية انا عندي الفرامل اصبحت مش عالية زي الاول ... يعني بحس اني لازم ادوس لتحت جامد تقريبا لنصها علشان تبدا تستجيب ... غير الاول كان يادوب بس المسها احس انها هتكلبش في الارض ... واحد صديقي قاللي العربية عاوزة تترجلش وبالفعل رجلشهالي وادهالي هوا بس برده ادائها اتحسن بس مش زي الاول :36_1_50[1]:
السؤال معلش ازاي اعرف ان التيل لازم يتغير:oops1:
واد ايه متوسط العمر الافتراضي للتيل على العلم ان حركتي غالبا بتكون داخل المدينة ونادرا لما اسافر...
ده كدة لسة مخلصش يا جماعة تيلكوا لسة مخلصش
التيل اما بيخلص بيحصل الاتى
صفارة باحتكاك و بأكثر من نغمة دائمة مش متقطعة غير كل فين و فين و مش مع الفرامل ده بيصفر و انت ماشى و بالذات لما بتكسر العجل يمين او شمال مش وانت ضاغط فرامل
ده كدة معناه ان حديدة السيفتى بتحك فى الطانبورة عشان تعرفك ان التيل بيخلص و مالهاش اى ضرر على الطنابير مجرد تنبيه
غير كدة اى اصوات صفارة تزييق اى حاجة ده عادى جدا ممكن تراب او بيقرب يخلص بس لسة فى او اى حاجة
لازم يصفر وانت ماشى من غير ما تدوس فرامل ووانت بتكسر العجل كدة بس معناه انه لازم يتغير
اما افضل الانواع رقم واحد البوش بتاع العربية مالوش مثيل طبعا ب 880
يليه بوش الايطالى ب 350 و هو نفس اداء البوش الالمانى بتاع العربية بس ممكن يطلع صوت كل فترة
يليهم المايلى ب 160 جنيه ممتاز برضه بس بيصفر برضه كل فترة
اما الخلفى فالماليزى اللى فالتوكيل و الاف بى كيه اللى برة التوكيل هما افضل التيول و مش هتحس بفرق بينهم و بين الاصلى ان شاء الله
واى استفسار تحت امركوا يا رجالة
السلام عليكم
شكرا جدا لكل اللي ردوا
انا رحت مركز الغد النهردة قالولي ان التيل بوش الماني بـ 1200 جنيه ؟؟؟؟ مش 880 جنيه
ياريت تفيدوني
ياريت يا جماعه بدل ما افتح موضوع جديد ... انا عايز اغير التيل الامامي للجين2 ياريت تفيدونا ايه افضل تيل يكون ناس كتير جربته وهل بوش الي في التوكيل 880 صح ولا لسه زي ما هو ؟؟ بصراحه 880 كتير علي تيل . طيب في نوع تاني ماليزي في التوكيل ايه رايكو فيه كويس ولا ؟؟ كيب ينفع اشتري تيل من بره واروح اغيره في التوكيل ؟؟ ايه اسم التيل بتاع الفيات الي بيركب في الجين 2 فيات ايه ؟؟ نوع ايه موديل ايه
افيدونااااا افادكم الله
اقتباس:
المشاركة الأصلية كتبت بواسطة solyelissa
www.nilemotors.net/Nile/191939-2.html
سؤال: متوسط العمر الافتراضي للتيل قد اية ؟
لو استخدامي في طرق زحمة ومطبات متكررة ...
15000 تقريبا, بما إنك أوتو.اقتباس:
المشاركة الأصلية كتبت بواسطة alaa7sh
أنا شايف أن متوسط السعر للتيل الماليزي و المصري اللي بيركب في التوكيل هو الأفضل.
متوسط العمر بيتوقف على أستخدامك ...... في العربية الأولى قعد معايا لغاية 45 ألف لغاية ما بعتها و الله أعلم اللي أشتراها مني غيره و لا لاءة . (و كنت كاشف على التيل قبل ما بعها و قالولي حالته ممتازة - في التوكيل)
أنا شايف أن البوش ثمنه غالي قوي حتى لو 880 ....
الماليزي من بروتون كويس و ناس كتيرة جربته و بيقولوا كويس و هو معتمد من بروتون .
بالمناسبة
ساعات التيل ممكن يعمل صوت لو فيه رمل أو وساخة و المفروض أن الصوت ما يكونش مستمر و مادام الصوت بيظهر على فترات قصيرة و متقطعة يبقى التيل سليم مفيهوش حاجة .
و زي ما شرح الأستاذ طارق فوق
انا بالنسبه لي معايا بيرسونا وجربت كل انواع التيل اللي موجوده في التوكيل البوش اللي نازل معاها والاندونيسي
وجربت المصري , انا لحد دلوقت مصدوووووم من التيل المصري اللي بيركب في التوكيل اكتر من رائــــع
في الاول يديك ايحااااء انه حيطلع وحش لكن في الحقيقه هوا ممتاز انصحك بيه عالج لي مشكله الصفاره وانا كان عندي مشكله في كل التيلات اللي فاتوا البوش والاندونيسي معرفش المشكله كانت بسبب الطنابير هيا اللي كانت وحشه وبتاكل التيل بسرعه ولا العكس عموما بعد ما التوكيل غيرلي الاربع طنابير نصحني بالتيل المصري وقاللي جربه مش حتخسر انت في الضمان مش حتخسر حاجه.
علي فكره انا من الناس اللي بتجري وبتدوس فرامل كتير كان متوسط كل من التيل الاصلي البوش 8000 ك والاندونيسي ماكملش معايا 5000 او 6000 ك , التيل المصري ماشاء الله عليه بقاله 14000 ولسه فيه الرمق
انا بتعامل مع فرع ابو رواش الصحراوي ....
السلام عليكم
انا ها ارد عليكم من تجربتي الشخصيه علما بان الفضل اخص به م\ عبدالرحمن
بالنسبه ل جين 2 التيل الامامي ممكن تركب لها تيل امامي لفيات بترا وفيه منه انواع كتير
منها التركي والامريكي وغيرهم
انا بالنسبه ليا ركبت امامي تيل مايلي ( فيات بترا ) ب 160 جنيه وركبت تيل خلفي fbk ب 150 جنيه والكلام ده من حوالي شهرين وماشيين زي الفل حصلت صفاره خفيفه لمده يومين او تلاته وبعدين اختفت تماما وكله تمام ( لصفاره كانت من التيل الخلفي )
وعلي فكره ماتسالش محلات فيات عن تيل بروتون اسال علي طول عن تيل فيات بترا علشان مايرفعش عليك السعر
ارجو ان اكون افدتكم