الموضوع: عربيتى اتخبطت لتانى مره

لتانى مره العربيه تتخبط بس المره دى من نص نقل

حاسه انى بنقى العربيات الكبيره مش عارفه مالها الملاكى مثلا بنت حلال وصغيره

المهم فى وسط البلد الطريق واقف علشان اشاره وطبعا ماشيين واحده واحده الاقى عربيه نص نقل لازقه فيا يدوب المرايا بس

قلت عادى هبعد انا عنه كسرت شمال حته صغيره ووقفت مستنيه الطريق يفتح الطريق فتح على اليمين وهو بيعدى سمعت صوت تاك تاك ورجرجه فى العربيه متخيلتش ان حاجه حصلت قلت طلعت بلاعه او حاجه

نزلت ابص على العربيه لقيت الاكصدام على الارض والكبوت من اليمين داخل لجوا

هو خبطنى ومشى ولسوء حظه الطريق وقف تانى وكان ظابط واقف جاب السواق واتخانق معاه شويه

وبعدين كتبله مخالفه والسواق مشى وانا كل ده ملبوخه فى العربيه واللى حصلها

بعد مامشى اتضايقت اوى بصراحه انى مخدتش منه تمن التصلييح وده حقى لانها حصلت مع صاحبتى والراجل ممشيش الا لما خد 300 جنيه

المهم انا صلبت الاكصدام كده اى كلام ورحت لسمكرى يظبطلى الدنيا

ردلى الكبوت وعملى الاكصدام

تاخد كام ياعم

100 جنيه

انا اتخضيت من الرقم

المهم من هنا لهنا وافق على 60 جنيه بالعافيه

قلت لا بقى واضح انى بيتضحك عليا كتيير

فقلت اجى لاخواتى هنا يعرفونى اسعار الحاجات دى اد ايه

انا سمكرت 4 بيبان بس حاجات بسيطه ممتخضوش كده ب 80 جنيه

ياريت بقى تفيدونى تقولولى السمكره اد ايه ؟؟ الرش اد ايه ؟؟ حد ركبلى مرايا مثلا تتكلف اد ايه

لحام كاوتش اد ايه

ولو فيه حاجه تانيه قولولها هتفيدنى برضه

اولا الف سلامه وقولي الحمد الله الاسعار بتبقي متفاوته من واحد للتاني بس تركيب الاكصدام 30 جنيه انا هاعمله قبل كده يعني انا مثلا غيرت مساعدين العربيه بتاعتي ب 30 جنيه بتبقي حسب الصنايعي