إلحقوني، مشيت على زفت سائل.......
السلام عليكم ورحمة الله وبركاته
عشان ما أطولشي عليكم، كنت راجع من العين السخنة بعد 4 أيام أجازة. وقبل بورتو السخنة بحوالي 10 كيلوا فوجئت قدامي بحتة من الطريق جددوها وعليها سائل إسود ( تقريبا الزفت السائل). وطبعا كنت على 130 وعلى يميني طريق منحدر وعلى شمالي عربية في الإتجاه المقابل. ضربت فرامل ولستر ربنا ال abs إشتغل وعدت على خير.
عديت على بورتو السخنة وقلت أشتري شوية حاجات للطريق ولما نزلت رأيت الفاجعة. زي ما أكون مشيت على مية بالظبط. الزفت السائل غرق جناب العربية كلها لدرجة إن أوكر الأبواب نفسها إتعاصت جامد.
طبعا إتعكننت وكملت الطريق. السؤال هو...
أعمل إيه؟؟؟؟؟؟؟؟؟ العربية لونها إسود ومش عارف هل الزفت ده حيختفي لما أغسل العربية ولا أغسلها بمادة معينة؟ ولا أروح أعمل لها بولش؟
الحمد لله إن هي جت على قد كده، أحسن مما كانت تيجي في حادثة أو خبطة.....
والسلام ختام
