نتائج الفحص المجانى لعربياتنا نيسان بتوكيل مودرن "طمنا عليك" ... !!
أحبائي أعضاء قسم نيسان نادي نايل موتورز
النهاردة روحت مودرن فرع شبين الكوم و عملت الفحص المجاني للعربية و الفحص اخد حوالي 45 دقيقة و جبت معايا ليكم صورة من تقرير الفحص المجاني و ما يتم فحصه بالعربية و طبعا هكتب ليكم نتيجة التقرير
و ده صورة من التقرير الفارغ
ـــــــــــــــــــــــــ ـــــــــــــــــــــــــ ــــــــــــــــــــــ
نيجي بقي نسأل ايه سبب فتح الموضوع الجديد ده ؟
نظرا ً لترابط و محبة الاعضاء الواضحة جدا في القسم .. هو ده اللي شجعني اني اعمل الموضوع ده عشان نطمن علي بعض و نعرف اخبار عربياتنا ايه بعد الفحص المجاني اللي عملناه في التوكيل
عشان كده عايز كل واحد يكتب ايه كانت نتيجة تقرير الفحص المجاني بملئ الفراغات
1- موديل العربية :
2- سنة موديل العربية :
3- عدد الكيلوات حتي الآن :
4- قطع الغيار المطلوب تغييرها الصيانة :
5- مدي رضائك عن الفحص المجاني :
كل اللي هنعمله اننا ناخد COPY من النقاط الخمسة و نعمل مشاركة و نملأ الفارغات عشان نطمن علي بعض
ربنا يديم المحبة في القسم الجميل ده
اخوكم
م / بيشوي