صباح الفل يا جدعان ::::
عاوزين نعرف من رجالة الفورد الفرو ق ما بين الفيستا ما قبل 2000 و ما بعدها
من حيث طبعا الماتور ( zetec ) باه وقطع غياره وصيانتها , وعفشتها , علشان انا بفكر اشوف حاجه ماتور زيتيك بس قلقان حبتين ........
عرض للطباعة
صباح الفل يا جدعان ::::
عاوزين نعرف من رجالة الفورد الفرو ق ما بين الفيستا ما قبل 2000 و ما بعدها
من حيث طبعا الماتور ( zetec ) باه وقطع غياره وصيانتها , وعفشتها , علشان انا بفكر اشوف حاجه ماتور زيتيك بس قلقان حبتين ........
لا خليك في الي معاك
ومالو الزتيك ياعم جو لو مظبوط بيبقي اخر تمام وسحبو كويس وتكيف بس عايز حد يكون بيفهم.
تامر الاسكورت حاجة و الفيستا حاجة تانية
اي سؤال تاني يا عم طارق اخوك في الخدمة انت بس تأمر
يا جماعة يا ريت توضحوا السبب علشان نستفيد لان الفورد عربية مبهمة لمعظمنا
حاضر يا سيدي من عينيا
الفيستا عربية صغيرة و الموتور ال1300 كويس عليها و بيطلع 59 حصان و بيشغل التكييف و بيكون كويس
و الموتور الانديور الـ 1300 من الحديد الزهر و ده بيخلي وزنة في العربية كويس و بيديها ثبات كويس
قطع غيار الموتور الانديور رخيصة جدا مقارنتا بالموتور الزيتيك 1250 زي جوان غطاء التكيهات 26 في ال1300 و 200 او اكتر في الزيتيك
منظومة التكيهات شاكوش و مسمار في ال1300 و ده ممكن يتظبط و كوستبان 16 صباب في ال1250
الكاتينة في 1300 جنزير معدن و في 1250 كاوتش
طبعا موضوع الكاتينة ده لوحدة شغلانة يعني في ال1300 ممكن تعد 5 سنين ماشي بيها عادي اما في ال1250 المفروض يتغير كل 80 او 100 الف و معاه شداد تمنة حوالى 500
الموتور ال1250 انتيمونيا او الومنيا مش متذكر اسم الخامة بالظبط و ده وزنة خفيف
تكنولوجيا الموتور الانديور تعد بسيطة جدا جنب الموتور الزيتيك
الخراطيم الخاصة بالضغط ( بي سي في ) تقدر تفصلها بـ 20 جنيه في ال1300 و ال1250 بتكون في حدود 150 جنيه
في المجمل ديه فيها باور و ديه فيها باور
ديه فيها تكييف و ديه فيها تكييف
ديه بتجرى و ديه بتجرى
يبقي ايه لازمة التغير
و الرد ده لتامر الاسكورت ال1300 بتمشي بالعافية
و ال1600 الزيتيك بتمشي زي الفل و الفروق بينهم كبيرة و كتيرة
لكن الفروق ما بين الفيستا 1300 و 1250 بسيطة