ارجو الافادة بخصوص شراء كاوتش كومهو كوري انتاج 2008 انا بدور على مقاس 15/45/195 بقالى شهرين مش لاقيه و لقيته امبارح انتاج 2008 ارجو الافادة للهمية مع خالص شكري
عرض للطباعة
ارجو الافادة بخصوص شراء كاوتش كومهو كوري انتاج 2008 انا بدور على مقاس 15/45/195 بقالى شهرين مش لاقيه و لقيته امبارح انتاج 2008 ارجو الافادة للهمية مع خالص شكري
الكاوتش له مده صلاحيه 3 سنوات حتي لو لم يستعمل
طبعاً متشتريهوش
ده لو كان ميشلان مش كومهو
ده كاوتش متخزن يا باشا وخطر انك تركبو اصلاً
مدة صلاحية الكاتوتش 6 سنوات من تاريخ الانتاج بشرط التخزين بطريقة سليمة
لو الكتوتش حالتة كويسة اشترى بس نزل فى سعره وتوكل
اية ياجماعة 3 سنين و لا 6 ارجو من الخبراء التدخل
الكاوتش ملوش تاريخ صلاحية محدد... الا ان دراسة امريكية توصلت الى ان 88% من حوادث الطرق اللى كان سببها انفجار احد اطارات السيارات كانت السيارات المتسببة فى الحادث راكب فيها كاوتش تاريخ انتاجة اقدم من 6 سنوات
يعنى الكاوتش اللى عمرة بيتجاوز 6 سنوات عرضة للانفجار بنسبة اكبر بكتير جدا من الكاوتش الاحدث انتاج
MMamdouh
انتاج 2008 بيقل عن انتاج 2010 بنسبة واللي يعرف الكلام ده
الشركات المحترمة في مصر المتخصصة في مبيعات الكاوتش
عن تجربه انا جبت حاجه متخزنه كان بقالها سنتين تقريبا ومشيت بيها ما يقارب 4 سنوات من غير مشاكل
الفكره كلها طالما الكوتش متحطش فعربيه ولا مشي ولا اتحمل عليه حاجه افتكر عادي يعني ( فلازم تحاول تعرف انو جديد ولا ايه ظروفو)
ولو فعلا متخزن ومش مستعمل وجديد لانج من 2008 اكسرو فالسعر جامد وده لمصلحتك هتوفر جامد
وربنا يوفقك
السلام عليكم
أعتقد خليك فى المضمون و ابعد عن الكاوتش دة لان لا قدر الله لو فى مشكلة فى الكاوتش العربية كلها ممكن تروح و الخسائر تبقى أكبر .
المقاس ده هيعمل مشاكل مع المطبات :)
خلي بالك
يا جماعه الكمهو اتوقف انتاجه من 2008 الكلمه ديه من واحد شغال عند الروماني الي في جسر السويس
لاني كنت بدور علي مقاس 205 55 15 فاقلي في نيكسون بس 205 50 15 فقلتله ماشي بش مش هاتعمل بلالين و الكلام ده قلي لا و هاديلك الكوتش ابو دبل شفه وهاتكون عامه زي السوسته معاك علي المطبات و الفرده عامله 440 جنيه
وتاريخ الانتاج الاسبوع الاربعه واربعين من 2010
اللى قالك كدة ميعرفش اى حاجة فى اى حاجة على فكرة...
الكومهو متوقفش ولا حاجة و انا جايب فرد كومهو انتاج 2010... و كورى كمان مش فيتنامى من عند سمير بيومى فا اللى يقولك انتاجة اتوقف يبقى لامؤاخذة باربع رجلين و ديل
الرومانى شغلة اى كلام و كلامة كتير... اخر مرة كنت عندة كان عايز يبيعلى طقم كاوتش GT تاريخ انتاجة اقدم من طقم الكاوتش اللى راكب فى عربيتى اصلا و عايز اغيرة... و المرة الى قبلها كان عايز يبعلى طقم كاوتش مجهول الهوية و قاللى "دة فيه مجرى للمية ومجرى للزيت"... كنت عايز اسالة اذا كان فيه مجرى للشاى و السكر بس مرضيتش الصراحة
MMamdouh
ممكن نعرف الكومهو 2008هو معروض عليك بكام و سعر انتاج 2011 كام؟؟
الحمد لله ربنا عترني بشركة الدولية بشارع الخلفاوي فى شبرا عندها ال مش موجود فى مصر كلها و جبت المقاس ال انا عايزه انتاج 2010 و شكرا على النصيحة و الاهتمام