اولا الف مبروك الرخصة
ثانيا السواقة في شارع فيصل دي لوحدها مدرسة
ربنا يرحمنا من الشارع ده بجد الواحد كل مابيمشي فيه بيكره نفسه وبيكره السواقة وبيكره كل حاجة في حياته بس اعمل ايه بقى مضطر مانا ساكن في فيصل برضوا !
بالنسبة لامتحان السواقة ده انا مش عارف ايه نظريته بصراحة انا عن نفسي كنت متعلم سواقة وبسوق بقالي مدة كبيرة ودخلت على حرف ال s ورجعته بدون مشاكل وماحستش باي تعب او انه ليه اي علاقة بالسواقة ممكن واحد سويق وعادي يخبط في قمع ما كلنا سعات بنريح على عربيات واحنا بنركن فمش عارف بصراحة ايه فكرته او نظريته
عموما في الاخير الف مبروك الرخصة وانك عديتي الامتحان بس بلاش السرعات العالية دي خاصا لانك لسة متعلمة لاكتر من سبب
العربية على السرعة العالية التحكم فيها مختلف تماما عن العربية على السرعات القليلة اي كسرة في الدركسيون ممكن تسبب مشكلة على السرعات العالية
خاصا حضرتك لسه متعلمة يعني ردة فعلك برضوا هتبقى مش محسوبة زي اللى بقاله كتير بيسوق بالتالي لو حصل مفاجاءة او اي حاجة لا سمح الله ممكن ماتقدريش تتحكمي في العربية كويس
وربنا يسترها معاكي ومعانا كلنا والف مبروك مرة تانية
المفضلات