اخيرا اخدت رخصة القيادة

**Ashraf_Ibrahim** · 10-07-2011 07:07 PM

المشاركة الأصلية كتبت بواسطة noga28

وممكن لو جاب 60 يبقى العداد بيعبر عن امنيته هههههههههههههه

كل واحد بيعبر عن أمانيه

**noga28** · 11-07-2011 03:53 AM

المشاركة الأصلية كتبت بواسطة rahmanboud

ألف مبروك الرخصه

سردك للى حاصل فى البلد صح وملحوظة الربط بين المارشدير وشهادة الباطن والنظر وأيهما أهم صح 100 فى 100

إن شاء الله البلد حتتصلح بس عايزة وقت ومش وقت قصير لأ وقت طويل

الله يبارك فيك يارب ويارب بلدما تتصلح ويبقى فيه فهم مش مجرد روتين

**nicegypt** · 14-07-2011 09:32 PM

المشاركة الأصلية كتبت بواسطة noga28

السلام عليكم

انا من حوالى 21 يوم رحت امتحنت فى المرور وسقطت بجدارة
وجيت هنا سالت عن المارش دير
وماشاء الله ناس كتير جدا حسسونى انى طالما مش بعرفه او مش بتقنه انى همشى اخبط فى خلق الله كانى لقيت فلوس العربية فى فانوس علاء الدين
المهم رحت اتدربت على حرف الاس وبقيت برجع مارش واركن زى القردة وبقيت جريئة جدا لو الطريق مفتوح بفتح فوق ال120 ومش بخاف وبعرف اظبط الفرامل قبل اى مطب واخويا نفسه منبهر من التقدم ده لانه لما كنت بتدرب كان مسافر وقررت اتحدى الظابط والناس اللى هنا وحسسونى ان كلهم اتولدوا على الاسفلت او شوماخر مثلا ومكانوش مبتدئين فى يوم من الايام زيى ورحت وامتحنت وطلعتها النهاردة
بس فى سؤال محيرنى جدا

انا ساكنة فى فيصل
وبروح مرور المنوفيه
والظابط قبل الامتحان سالنى على سبيل الدردشة قلت له انى جاية من فيصل
هل منطقى انى اروح المنوفية 3 مرات وارجع عادى واكون مبعرفش اسوق لمجرد انى لمست قمع
وهل اللى بيرجع بضهره بيكون راجع بسرعة تضر اى حد ده بيمشى تاتا تاتا على اقل من سلانسيه العربية طيب السؤال بقى ليه الروتين العبيط اللى فى بلدنا ده؟
وليه بيركز اوى على الرجوع وهو عارف ان شهادة الباطنة والنظر والتحليل بتتباع برة ؟ ومحدش بيكشف ولا بيهبب
مش ممكن حد مدمن او نظره ضعيف ويدخل ويضر الناس وهو ماشى لقدام اساسا؟
على الاقل اللى راجع بيكون بطىء مش مضر زى لو واحد مبرشم ولا مبيشوفش وماشى بسرعة ولبس فى غيره
بلدنا محتاجة ثورة فكر واخلاق مش سياسة

اولا الف الف مبروك يا نوجا .. اول مرة اعرف انك خلصتى الرخصة كونجراتوليشن
ثانيا : هقول لحضرتك جملة واحدة افتكرتها وقلتها لنفسى اول منزلت مصر " من بعد سفري الاخير للاحد الدول الاجنبية "
بمجرد وصولي لصالة الوصول ومواقف غريبة بدءت تحصل قلت لنفسى Welcome to egypt !!
فبقول لحضرتك نفس الجملة ويلكم تو ايجيبت :) دة عادي ف مصر .. من اجل مصر ولخير مصر

**noga28** · 16-07-2011 08:39 PM

بصراحة انا لو جتنى فرصة اخرج منها مفتكرش هرجعها على التخلف العقلى ده الراجل مركز اوى فى القمع وهو عارف ان محدش كشف ولا حلل
كل واحد مهتم انه يخلى مسئوليته وبس لكن محدش قلبه على الناس ولا البلد
ويلكم تو ثرى هههههه
ميرسى يا جميل

**إبراهيم المصرى** · 16-07-2011 09:04 PM

مبرووووووك من الاعماق والى الامام وبالتوفيق يارب

**smsm_cato** · 17-07-2011 01:17 AM

المشاركة الأصلية كتبت بواسطة noga28

ممكن يكون منطقك صح بس ده لو كان التحليل صح والنظر والباطنة مش يبقى عارفهم بيتباعو ا برة ويجى يدقق على قمع اتلمس يعنى لو فرضنا انه انسان ولمسته مش هضره غير مدمن او نزر ضعيف وماشى بسرعة ممكن يعمل كوارث لو مصر هتحلل صح متهيالى محدش هياخد رخص

وميرسى لحضرتك الله يبارك فيك

انا معاكى فى الرأى ده بس احب اقولك ان ده مش فى كل مكان وفى الاول والاخر بيرجع لامانة الدكتور احنا عندنا لازم يكشف انا لما طلعت الرخصة من سنتين ونص الدكتور بتاع العين والباطنة كشفوا عليا وكانى مريض ورايح اكشف مش مجرد شهادة للمرور

**noga28** · 23-07-2011 10:12 PM

المشاركة الأصلية كتبت بواسطة smsm_cato

انا معاكى فى الرأى ده بس احب اقولك ان ده مش فى كل مكان وفى الاول والاخر بيرجع لامانة الدكتور احنا عندنا لازم يكشف انا لما طلعت الرخصة من سنتين ونص الدكتور بتاع العين والباطنة كشفوا عليا وكانى مريض ورايح اكشف مش مجرد شهادة للمرور

انا عارفة ان اكيد فى شرفاء بس الفاسدين اكتر للاسف