اخيرا اخدت رخصة القيادة

**noga28** · 08-07-2011 03:01 AM

السلام عليكم

انا من حوالى 21 يوم رحت امتحنت فى المرور وسقطت بجدارة
وجيت هنا سالت عن المارش دير
وماشاء الله ناس كتير جدا حسسونى انى طالما مش بعرفه او مش بتقنه انى همشى اخبط فى خلق الله كانى لقيت فلوس العربية فى فانوس علاء الدين
المهم رحت اتدربت على حرف الاس وبقيت برجع مارش واركن زى القردة وبقيت جريئة جدا لو الطريق مفتوح بفتح فوق ال120 ومش بخاف وبعرف اظبط الفرامل قبل اى مطب واخويا نفسه منبهر من التقدم ده لانه لما كنت بتدرب كان مسافر وقررت اتحدى الظابط والناس اللى هنا وحسسونى ان كلهم اتولدوا على الاسفلت او شوماخر مثلا ومكانوش مبتدئين فى يوم من الايام زيى ورحت وامتحنت وطلعتها النهاردة
بس فى سؤال محيرنى جدا

انا ساكنة فى فيصل
وبروح مرور المنوفيه
والظابط قبل الامتحان سالنى على سبيل الدردشة قلت له انى جاية من فيصل
هل منطقى انى اروح المنوفية 3 مرات وارجع عادى واكون مبعرفش اسوق لمجرد انى لمست قمع
وهل اللى بيرجع بضهره بيكون راجع بسرعة تضر اى حد ده بيمشى تاتا تاتا على اقل من سلانسيه العربية طيب السؤال بقى ليه الروتين العبيط اللى فى بلدنا ده؟
وليه بيركز اوى على الرجوع وهو عارف ان شهادة الباطنة والنظر والتحليل بتتباع برة ؟ ومحدش بيكشف ولا بيهبب
مش ممكن حد مدمن او نظره ضعيف ويدخل ويضر الناس وهو ماشى لقدام اساسا؟
على الاقل اللى راجع بيكون بطىء مش مضر زى لو واحد مبرشم ولا مبيشوفش وماشى بسرعة ولبس فى غيره
بلدنا محتاجة ثورة فكر واخلاق مش سياسة

**Ashraf_Ibrahim** · 08-07-2011 03:08 AM

مبروك الرخصة يا نوجه
محدش مولود على الدروكسيون يعني
كلنا كنا مبتدئين والسواقة بالذات ملهاش كبير
مهما كنتي بتعرفي تسوقي هتقابلك مواقف جديدة في كل مرة
يعني مثلا النهردة واان نازل من على الدائري اديت اشارة يمين وكنت في الحارة التانية ولسة يا دوب جاي انقل الحارة لمحت عربية اكسنت جاية من ورا بسرعة عالية جدا عدلت نفسي بسرعة
طبعا لو مخدتش بالي منه في المراية -لأنه مكانش ظاهر اصلا- كنت زماني مش موجود معاكم دلوقتي بس الحمد لله
السواقة ملهاش كبير خالص
لكن اللي اقدر ابصم بيه ان السواقة على الطرق السريعة اسهل بكتير من وسط البلد
وكلامك كله صح
فعلا قوانين المرور كلها محتاجة ثورة عليها كاملة!

**noga28** · 08-07-2011 09:43 AM

المشاركة الأصلية كتبت بواسطة ashraf_ibrahim

مبروك الرخصة يا نوجه
محدش مولود على الدروكسيون يعني
كلنا كنا مبتدئين والسواقة بالذات ملهاش كبير
مهما كنتي بتعرفي تسوقي هتقابلك مواقف جديدة في كل مرة
يعني مثلا النهردة واان نازل من على الدائري اديت اشارة يمين وكنت في الحارة التانية ولسة يا دوب جاي انقل الحارة لمحت عربية اكسنت جاية من ورا بسرعة عالية جدا عدلت نفسي بسرعة
طبعا لو مخدتش بالي منه في المراية -لأنه مكانش ظاهر اصلا- كنت زماني مش موجود معاكم دلوقتي بس الحمد لله
السواقة ملهاش كبير خالص
لكن اللي اقدر ابصم بيه ان السواقة على الطرق السريعة اسهل بكتير من وسط البلد
وكلامك كله صح
فعلا قوانين المرور كلها محتاجة ثورة عليها كاملة!

حمدالله على السلامة معاك حق انا رجعت من المنوفية لفيصل فى 3 ساعات الطريق السريع ساعة الا ربع ومن اول المظلات للبيت اكتر من ساعتين وربع تاتا تاتا لما كرهت المشوار طول عمرى

**noga28** · 08-07-2011 09:44 AM

المشاركة الأصلية كتبت بواسطة rompo10

الف مبروك الرخصه ومعلش دا روتين مصري

الله يبارك فيك بس بجد شىء رخم الظابط عارف ان الشهادة الطبية بتتباع برة ويجى يغمل دقيق فى الاقماع حاجة رخمة

**MOUSTAFA_SAAD** · 08-07-2011 09:56 AM

الف مبروك وبراحه شويه فى الجرى 80 كويس عشان لو قابلتى حاجه مفاجئه تقدرى تلمى نفسك بسرعه

**noga28** · 08-07-2011 10:10 AM

المشاركة الأصلية كتبت بواسطة moustafa_saad

الف مبروك وبراحه شويه فى الجرى 80 كويس عشان لو قابلتى حاجه مفاجئه تقدرى تلمى نفسك بسرعه

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

**MOUSTAFA_SAAD** · 08-07-2011 11:56 AM

المشاركة الأصلية كتبت بواسطة noga28

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

انت بتفكرينى باختى بالظبط
هى برده متعلمه جديد على اللوجان من 6 شهور بس ربنا يحفظها ويسترها مع الجميع

**Ashraf_Ibrahim** · 08-07-2011 12:07 PM

المشاركة الأصلية كتبت بواسطة noga28

حمدالله على السلامة معاك حق انا رجعت من المنوفية لفيصل فى 3 ساعات الطريق السريع ساعة الا ربع ومن اول المظلات للبيت اكتر من ساعتين وربع تاتا تاتا لما كرهت المشوار طول عمرى

الله يسلمك يا نوجة
للأسف وسط البلد بقت حاجة مقرفة فعلا

المشاركة الأصلية كتبت بواسطة noga28

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

اهدي شوية برده انتي لسة واخدة الرخصة
خليكي 100 كويس حتى وانتي كاشفة الطريق كله
ومتعتمديش على الاشارات في المطبات لأن المطبات المصرية لا تخضم لاشارات المرور خالص
هههههههههههههه
هتلاقي مطب خارج على القانون ولوحده بدون اي اشارة خالص فبالراحة عشان متتفاجئيش بحاجة
ومتجريش على طريق اول مرة تمشي عليه عشان اكيد مش هتبقي حافظاه اوي

-

-

الموضوع: اخيرا اخدت رخصة القيادة

LinkBack

أدوات الموضوع

عرض

-

-

-

-

المواضيع المتشابهه

جددت رخصة القيادة اخيرا يا رجالة

تحويل سيارة ملاكي الى سيارة أجرة (تاكسي أبيض) و تغيير رخصة القيادة الى رخصة مهنية

اخدت القرار وحجزت البيرسونا 2010 اخيرا

رخصة القيادة

رخصة القيادة.. رخصة السيارة ..ضاعوا

الكلمات الدلالية لهذا الموضوع

المفضلات

المفضلات

ضوابط المشاركة