اخيرا اخدت رخصة القيادة

**beckeryahia** · 08-07-2011 01:26 PM

سؤال بسيط للاخت نواجا وياريت هي بس اللي ترد علي ..... لما تيجي تحودي بالعربية انهي عجلي بتحود في العربية الاول ولا كلهم بيحودو مع بعض ولا لو هاتحودي يمين مثلا العجل اليمين هو اللي بيحود ورا وقدام ولو شمال الشمال هو اللي بيحودورا وقدام ؟؟؟؟

**poussi** · 08-07-2011 02:43 PM

الف مبروك يا نوجا على الرخصه وربنا معاكى ياجميل

بس بجد عندى ليكى نصيحه بلاش تجرى انا كنتزيك كده فرحانه وبجيب ال 120 واحيانا 140 لو الطريق فاضى

بس شفت حوادث كتير بعينى بسبب السرعه من يومها قلت لا 90 او 100 بالكتير اوى

وبالنسبه للمطبات طريق ميت غمر كنت حافظه مطباته جداا وماشيه 90 والامور تمام واذ فجأه الاقى مطب جديد قدامى الحمد الله لحقت نفسى كلته اه بس كانت سرعتى معقوله الحمد الله

تانى يوم لقيت عربيتين مقلوبين جمب المطب

وساعتها قرروا يحطوا علامه تحذيريه قبل المطب

فمتعتمديش انك قاريه الطريق الكارو والمخالف والموتوسيكلات والمطبات الحاجات دى بتلاقيها فجأه قدامك خليكى فى الامان احسن

**osama.m** · 08-07-2011 03:09 PM

الف مبروك على الرخصة و متدايقيش عشان الروتين دا اصلا المفروض الامتحانات تبقى حاجة تانية خالص غير تطلع قدام و ترجع بالعربية
و بردو الظابط عارف ان في ناس بتتدرب على الامتحان بس و لو طلعوا في زحمة طريق بيبهدلوا الدنيا
مبروك على الرخصة مرة تانية و عقبال الرخصة الرياضية

**M.Alaa92** · 08-07-2011 03:53 PM

الف مبروك ع الرخصة و بلاش الجرى الكتير عشان لسة جديدة و مش مريتى ع مواقف كتير و السواقة الحقيقية مش جرى و بس لأ دى تتصرف ازاى لو حصلك موقف معين.
و السواقة الحقيقة ف مصر زحمتها و انك تتطلعى بالعربية دون حكات او خرابيش

**mmffor** · 08-07-2011 04:32 PM

اختبار القيادة في مصر فاشل
المفروض اللي بيمتحن يركب معاه اتنين و يطلع الشارع و يشوفوه و هو سايق بيلتزم بالتعليمات و قواعد المرور و واثق من نفسه واللا لأ

خلص الكلام

**abdalah_hashem** · 08-07-2011 06:01 PM

مبروك الرخصة
بالنسبة لموضوع ان واحد يروح من فيصل المنوفية 3 مرات ومبيعرفش يسوق اة ممكن رايح مواصلات وشايل العربية فى جيبة هههههههههههههه
احنا اللى قاتلنا الروتين بس هو الظباط عارفين ان الشهادات الطبية بتتباع برة بس العرق القديم دساس ولسة متشالش

**abdalah_hashem** · 08-07-2011 06:27 PM

سؤال بسيط للاخت نواجا وياريت هي بس اللي ترد علي ..... لما تيجي تحودي بالعربية انهي عجلي بتحود في العربية الاول ولا كلهم بيحودو مع بعض ولا لو هاتحودي يمين مثلا العجل اليمين هو اللي بيحود ورا وقدام ولو شمال الشمال هو اللي بيحودورا وقدام ؟؟؟؟

هههههههههه
مش حضرتك برضة اللى كنت كاتب موضوع الحودان دوة بتاع العجلات كلها بتلف وناس تانية قالت اليمين كلة بيلف هههه
لا بس ان شاء الله هتجاوب صح ..

**abdalah_hashem** · 08-07-2011 06:29 PM

عقبال الرخصة الرياضية

اية الرخصة الرياضية دية يا باشا ؟؟؟؟؟؟؟؟؟؟؟؟

**Bassem Taha** · 09-07-2011 12:57 AM

الف مبروك علي الرخصة وبلاش الجري علي فكره القلب الميت مش بالجري خاااااالص

**Elawany13** · 09-07-2011 01:03 AM

المشاركة الأصلية كتبت بواسطة noga28

الله يبارك فيك لا انا بجرى فى طريق مستخيل اتفاجىء قيه بحاجة وبكون شيفاه كله وواضح جدا على مرمى البصر بهدى لو لقيت اشارة ملف او مطب ويافطة هدىء السرعة او علامة مشاه كده يعنى

120 تعتبر سرعه كبيرة ومتهورة فى طريق زى ده
وبلاش الثقة ديه الله يكرمك
المفاجأة مش شرط تكون مطب أو حد بيعبر الطريق
المفجأة ممكن تكون مسمار صغير فى الكاوتش أو اى عيب فنى فى العربية لا قدر الله
لازم تعملى حساب كل شيئ
وبلاش ثقه زائده فى النفس