عرض للطباعة
انهردة بالصدفة ببص علي مقاس الزيت -لقيت الزيت اتحرق وبقي لونه اسود -انا مغيره التعاون 3000 كيلوا-وعدي 400 كيلو-طبعا انا مخضوض ومعرفش السبب
-بس فيه حاجة حصلت معلرفش ليها علاقة ولا لا- وانا باغسل الموتور بعد مغيرت الزيت- ومن شدة قوة المسدس بتاع الغسيل مقاس الزيت اتخلع وجاه علي الارض - هل ممكن يكون فيه شوية ميه دخلوا في اللحظة دي ولا هناك سبب تاني- مع العلم العربية ناعمة جدا ولا توجد اي مشكلة- بس لون الزيت مش مطمني مع الشكر
لو فيه ميه الزيت يبقى لونه طحينه
لون الزيت غامق أو فاتح مش مهم المهم لزوجته
لكن عامه زيت التعاون مش مريح ابدا ...... ده انا كنت بخاف احطه فى 128
حط التعاون sj احسن 5000 كم ومش اغلى كتير
انا اشتغلت فى التعاون قبل كده فترة فى المعامل المركزية للزيوت وال sf وحش جدا
sj احسن كتيييييييييييييير
ابو حميد
ما تدينا فكرة عن الزيوت من حيث الكفاءة
يعنى كل شركة ايه وحش وايه كويس عندها
على حسب معلوماتى ..... من واحد كميائى ...... الزيت الاسود ده كويس لانه بيلم الشوائب اللى فى الموتور .
انا كنت الاول بحط موبيل xhp و كان بينزل من العربية اسوووووووووود
دلوقتى انا بحط التعاون xpl - sl كويس جدا ..... و بيعيش معاى ...... و يفضل انك تحط زيت 5000 او 10000 كيلو عشان بيقبى احسن و انضف للعربية
انا معايا لانوس 1 و بحط موبيل xhp اخر مره و انا بغير الزيت الراجل اللى فى البنزينة قالى الزيت ده بقالة قد ايه
قولتلة اقل من 2500 قالى لا ابقى غير غلى 2000 بالكتير و دلوقتى يادوب الزيت عامل 2000 و اسوووووووووووووووود جدا و زى الميه مش عارف اعمل ايه لانى لاحظ ان دايما الزيت عندى اسوددددددددددد
خد يفدنى و شكرا
حط موبيل او فيسكو او حاجة محترمة
اناعندى دايو نوبيرا 1 وعملت عمرة لها قبل كدة بس اتفاجأت انها بتاكل زيت من كام يوم بالاضافة الى انها بتطلع دخنة بيضا من الشكمان اجو الافادة والرد
موضوع ان الزيت أسود ...شغلني من فترة و سألت أكتر من حد و إليكم أخر ما توصل له العلم :-)
1- راجل عجوز شغال في محطه بنزين موبيل العروبه قاللي ان الحرق علي الغيارات بيسود أو بيحرق االزيت
2- رأي واحد صاحبي إن موضوع سودان الزيت بيحصل من أول تتغيير زيت في عمر العربيه و هيه زيرو ....بمعني ...أن والعربيه زيرو بيكون صاحبها اتأخر علي تغيير أول زيت ...ف دة بيسود الزيت و بيوسخ الموتور من جوة .....بيهبب الموتور من جوة ف بعد كدة اي زيت االواحد بيحطه بيتوسخ بسرعه من الموتور و عشان كده فيه زيت تنظيف الموتور .
3- الرأي الثالث و دة رأيي ..ان نوعيه الزيوت الموجودة في السوق المصري مش كويسه ....انا مغير mobil xhp super 1000 ....وحاليا عامل بيه 1300 كم ....و لون الزيت بدأ يغمق يبقي بني بين الفاتح و الغامق ....العربيه عامله 8800 كم
و بيني و بينكم انا خلاص نويت ابقي اغير mobil xhhp super 1000 علي 3000 كم .....االمفروض بيمشي 5000 بس انا مش مقتنع .
تحياتي
عمرو ابراهيم
دخنة بيضا يبقى للأسف الموتور خفيف وانصحك ان موضوع العمرة مش بينفع مع النوبيرا اشترى موتور استيراد بتاع النوبيرا 2 وهاته من بورسعيد هيعمله من 4 الى 5 الآف جنيه وده الأفضل من وجهة نظرى
مع انى عندى شغل بس عينى ليك ولنايل موتورز كلهااقتباس:
المشاركة الأصلية كتبت بواسطة A.Saad
مبدئيا اللى بيحدد الزيت يفضل فى الموتور وقت اد ايه عوامل كتيييييييييييير جدا والفرق بين الزيوت بيختبر على هيئة اختبارات لزوجة عند درجة حراراة مختلفة 20، 60، 90 ة 120 وطبعا درجات التجمد ايضا.
طيب نيجى للتفاصيل:
اولا مافيش زيوت محرك ناتجة من منتجات بترولية على هيئة خام بنسبة 100% والا كانت هتتحرق عند درجة 90 مئوية تماما ويتم تكسيرها الى مواد اولية وتفقد لزوجتها، لذا يضاف نسبة من الزيوت التخليقية والطبيعة المعدلة معمليا مع اضافات اخرى لتحسين خواص المنتج من حيث اللزوجة والثبات الحرارى والمساعدة على خلط الزيوت الطيبعية مع الصناعية لتكون خليط متجانس وثابت.
يعنى الفرق بين الزيوت يرجع الى نسبة الزيوت الطبيعية والتخليقية المكونة للزيت بالاضافة الى نسبة الاضافات اللى هى اضعاف سعر الزيت اساسا.
بمعنى انه لو الزيت مكون من 20% زيوت تخليقيية + 75% زيوت طبيعية + 5% اضافات صناعية يعطى خليط ميتقر نسبيا وثابت حراريا عن0د درجات حرارة اقل من 90* وتحول نسبة ال75% من الزيت الطبيعى الى مواد اولية يستغرق وقت قليل نسبيا....
*يعنى لو اتحط فى عربية المانى اللى بتعطى اعلى كفائة للموتور عند حرارة 90 هيتحرق بسرعة جدا.
.... اللى هى بتقدر بحوالى 3000كم.
كمان كل ما النسبة تختلف بزيادة الزيت التخليقى والاضافات وتقليل الزيوت الطبيعية كلما زادت جودة خصائص الزيت وطبعا غلى تمنه.
طبعا مافيش زيت تخليقى 100% بردو لكن لما تكون نسبة الزيوت التخليقية تقترب من ال100% فيقال عليها 100% مجازا لكن بتكون مثلا 75% تخليقى و7% اضافات و18% زيوت خام البترول الطبيعية يعنى تكاد تكون كلها تخليقية.
طبعا التخليقية دى معدلة فى المعامل لتحمل اسوء الظروف من الثبات الكيميائى والحرارى فى درجات الحرارة العالية لكن بردو يتتحرق علشان ال 18% اللى لا غنى عنهم والا مش هيكون له خواص الزيوت اساسا.
حتى فى الاعلانات بيجيب عربيات سبق او سفارى علشان يوضح انو ثابت مع الحرارة العالية
الزيوت اللى يقال عليها تخليقية دى بتيجى من الخارج كما هى ويتم توزيعها على كل الشركات بحصص متفق عليها وتوزع بينهم ولا يعدلون عليها شئ غير التعبئة فقط.
يعنى
Mobil-1
CO-OP fact-1
Total 9000
كل الحاجات اللى بتعد كتيييييييييييييييييير اوى دى واحدة تماما.
طيب بتعد كااااااااااااام؟
دى اول نقطة اتكلمت عليها
الحاجات دى بتختبر فى اوروبا فى مواتير درجة حرارتها 90 زى الالمانى مثلا لكن المواتير عناك بتبرد والعربية بتحافظ عليها ساخة بعكس الشرق لالاوسط المواتير تبقى مولعة والمراوح شغالة بدون توقف المهم هى مصممة تعد 50000كم لمن فى مصر يفضل من 10000 الى 15000 كم حسب لو العربية جديدة وللا قديمة
طبعا 10000-12000 صيفا
و 10000-15000 شتاء
اه نسيت فى ازيوت العادية اللى بيفرق بينهم جودة الاضافات الموضوعة واعتقد ان احسنهم ....l يليها مباشرة EXON MOBIL
ارجو ان اكون قد افدتكم وانا تحت الامر فى اى سؤال...
شكرا علي المعلومات القيمه Ahmed.Fahmy
الاستاذ احمد فهمى ......... شكرا على كل المعلومات الجامدة دى
ليه سؤالين ..... لو العربية موديل 2002 و عدت 100 الف كيلو و كفاءة الموتور 60 % ينفع معاها زيت تخليقى ؟؟؟؟؟؟؟؟؟
لو كل الزيوت التخليقية واحد يبقى ارخص واحد التعاون Coop 1 و هو ده اللى حجيبه ..... ايه رايك ؟؟؟؟؟؟؟؟
حاليا انا بستعمل التعاون XPL - SL و هو الحمد لله جميل و صوت الموتور كويس
الزيت التخليقى افضل للعربيات الاقدم واللى فيها مشاكل عن العادى علشان السخونة بس طبعا هتدفع الكتراقتباس:
المشاركة الأصلية كتبت بواسطة a_wagih79
الCO-OP fact فى جركن اصفر هتلاقيه فى المحطات الكبييييييييييرة بس وخد بالك يكون متبرشم
وطبعا هو هو الMobil-1 انا بحط الموبل وان وهو اغلى من بتاع التعاون ب30-40 جنيه علشان بستسهل بس..