عرض للطباعة
السلام عليكم ورحمة الله وبركاته
ياريت ياجماعه نعمل الموضوع ده ونحط فيه خرائط ووصف لجميع طرق مصر واماكن الاستراحات المحترمه ومحطات البنزين النضيفه وهكذا علشان لو واحد حب يسافر يدخل على الموضوع ويشوف اللى عاوزه منه بدل لما يعمل موضوع جديد ويسال فيه وممكن الاجابه تتاخر يكون سافر ورجع وممكن يقابل محطة بنزين مقرفه تبهدله العربيه او بتاع كاوتش حرامى يبوظله الكاوتش او استراحه تعبانه يتدبس فيها
ابداء بالطريق الزراعى اسكندريه القاهره
اول لما تطلع اسكندريه بعد الكوبرى الدولى على طول حتلاقى بنزينة امارات مصر محترمه جدا وبنزين نضيف بدون غش مفيهاش 80 من 90 او 92 غالبا وانت طالع وفيها ماركت محترم باسعار معقوله ممكن تشترى منه كل حاجه
بعد البنزينه قبل ابوحمص بنزينة طاقه بتاعت زيت كاسترول برده بنزينه كويسه ولسه جديده وفيها بنزين 80 و 92 فقط
الاستراحات بتعات الزراعى غالبا مضروبه بالنار وتنفع للسواقين فقط او لو كنت لوحدك ممكن تمشى لكن واحد بعيلته مانصحوش مطلقا غير فى المنوفيه حتلاقى مطعم برج المنوفيه شمالك وبيبيع احلى فطير مشلتت وجبنه قديمه ومطعم تانى نضيف برده قصاده بس مش فكر اسمه ايه
الصحراوى بقالى زمن مامشيتش عليه والمعالم بتعاته اتغيرت ياريت تدونا توضيح ليه زى الزراعى كده
القاهره الاسماعيليه
القاهره بورسعيد
القاهره شرم الشيخ
القاهره العريش
القاهره البحرالاحمر
القاهره الصعيد سواء غربى او شرقى او زراعى
يعنى عاوزين عمل مرجع لطرق مصر فى الموضوع ده علشان اللى عاوز حاجه يدور عليها فيه
حضرتك فى موضوع اخو ده اتعمل و مليناه و بعد كده مات و الناس مش بتقرا كله بيسأل على اللى عايزه و بس .... ممكن تدور على الموضوع التانى و تكمل فيه اللى تشوفه ناقص
شكرا ساتاذ محمد سليم
لو لاقيته ياريت تحط اللينك بتاعه
لاقيت الموضوع متثبت هنا
http://www.nilemotors.net/Nile/8612-a.html