سؤال لخبراء كرولا 93 .

السلام عليكم ورحمة الله
فى البداية بشكر كل الناس اللى المتابعه للمنتدى وبترد على الاستفسارات وبصراحه استفدت كتير من المواضيع المعموله عن الكرولا.
انا لسه شارى كرولا 93 بس فى حاجه غريبه بتحصل لما بشيل رجلى من على الدبرياج مهما احاول اشيل رجل ببطىء شديد وادوس بنزين اكتر لازم اسمع صوت هابده جامده مرتبطه بشيل رجلى من على الدبرياج.
ناس قالتلى المشكله فى رجلك بس انا بركب عربيات تانية سكودا a4 وبولو والدبرياج عادى جدا وناعم ومش بتحصل معايا الخبطه دى.
الموضوع دا مضيقنى جد ونفسى معنتش اسمعه حاسس انى لسه بتعلم السواقه....فياريت اللى عنده معلومه يفيدنى فى الموضوع ده.
وشكرا مره تانيه لخبراء المنتدى.

على فكرة ممكن تكون قواعد الموتور مفكوكه أو عايزه تتغير

إكشف عليها الأول ودى الكشف عليها بمجرد النظر قبل ما تعمل حا جه فى الدبرياج

مبروك عليك الكورولا و يا ريت تراجع على قواعد الموتور و قاعدة الفتيس زى ما الزميل اضاف مشكورا و لو الدبة ديه ملحوظة قوى و جامدة زى ما انت بتقول و هل الموتور بيرعش و انت على السلانسيه و لا لأ لان ممكن كمان تكوون العربية مش مظبوطة من ناحية المحرك و ان شاء الله الموضوع بسيط و ما تقلقش ان شاء الله

متشكر جدا لكل الناس اللى ردت وفعلا العربيه بترعش شويه على السلانسيه زى ما يكون كهربتها محتاجه تتزود.

انا رحت النهارده للميكانيكى وجرب العربيه وفى الاول قالى مفيهاش حاجه وبعد شويه وقف وفتح الكبوت وقالى اديها اولانى وشد فرامل اليد وسيب البرياج ودوس تانى
وفعلا ظهر الصوت جامد ساعتها وفضل هو يبص على كراسى المكنه والفتيش وانا بعمل زى ما هو قالى لحد مالقى كرسى الفتيس اللى قدام المتثبت فى القنطره تحت الريداتير الجلده بتاعته مقطوعه.
ياترى حد من اخوانا الخبرا يعرف سعره كم؟

اقتباس:

---

على فكرة ممكن تكون قواعد الموتور مفكوكه أو عايزه تتغير

إكشف عليها الأول ودى الكشف عليها بمجرد النظر قبل ما تعمل حا جه فى الدبرياج

---

+1